NEWS
മലപ്പുറത്ത് ആംബുലൻസിന് മുന്നിൽ ചാടി അതിഥിത്തൊഴിലാളി മരിച്ചു
മലപ്പുറം∙ ചേളാരിപ്പടിയിൽ ആംബുലൻസിന് കുറുകെ ചാടി അതിഥിത്തൊഴിലാളി ജീവനൊടുക്കി. തലയ്ക്ക് ഗുരുതരമായി പരിക്കേറ്റ ഇയാൾ സംഭവസ്ഥലത്തുതന്നെ മരണത്തിന് കീഴടങ്ങുകയായിരുന്നു. നേരത്തെ രാവിലെയും ഇദ്ദേഹം മറ്റൊരു കാറിന് മുന്നിലേക്ക് ചാടി അപകടമുണ്ടാക്കാൻ ശ്രമിച്ചിരുന്നു. അന്ന് പരിക്കേറ്റതിനെ തുടർന്ന് ഇയാളെ ആശുപത്രിയിൽ പ്രവേശിപ്പിക്കുകയും ചികിത്സ നൽകുകയും ചെയ്തിരുന്നു. തുടർന്ന് താമസസ്ഥലത്തേക്ക് മടങ്ങിയ ഇയാൾ, പിന്നീട് പുറത്തിറങ്ങി ആംബുലൻസിന് മുന്നിലേക്ക് എടുത്തുചാടുകയായിരുന്നു. സംഭവത്തിൽ മരിച്ച തൊഴിലാളിയെക്കുറിച്ചുള്ള കൂടുതൽ വിവരങ്ങൾക്കായി അന്വേഷണം ഊർജ്ജിതമാക്കിയതായി പോലീസ് വ്യക്തമാക്കി.
