റഷ്യൻ ഫിലിം ഫെസ്റ്റിവലിൽ മലയാള ചിത്രം ‘തിയേറ്ററി’ന് ഗ്രാൻഡ് പ്രിക്സ് പുരസ്കാരം
ചിത്രത്തിന്റെ പോസ്റ്റർ, സജിൻ ബാബു
റഷ്യയിലെ പ്സ്കോവിൽ ലോക്കൽ ഗവൺമെന്റിന്റെ നേതൃത്വത്തിൽ ജൂലായ് 23 മുതൽ 26 വരെ നടന്ന ഏഴാമത് വെസ്റ്റേൺ ഗേറ്റ് ഇന്റർനാഷണൽ ഫിലിം ഫെസ്റ്റിവലിൽ ഇന്റർനാഷണൽ മത്സര വിഭാഗത്തിൽ റിമ കല്ലിങ്കൽ നായികയായ ‘തിയേറ്റർ-ദ മിത്ത് ഓഫ് റിയാലിറ്റി’ എന്ന സിനിമ മികച്ച ചിത്രത്തിനുള്ള ഗ്രാൻഡ് പ്രിക്സ് അവാർഡ് നേടി. അഞ്ജനാ ടാക്കീസിന്റെ ബാനറിൽ അഞ്ജന ഫിലിപ്പും, ഫിലിപ്പ് സക്കറിയയും ചേർന്ന് നിർമ്മിച്ച് സജിൻ ബാബു എഴുതി സംവിധാനം ചെയ്ത ചിത്രമാണ് ‘തിയേറ്റർ-ദ മിത്ത് ഓഫ് റിയാലിറ്റി’.
ഇന്ത്യയിൽ നിന്നും മത്സര വിഭാഗത്തിൽ തിരഞ്ഞെടുത്ത ഏക ചിത്രമായിരുന്നു ഇത്. ഇന്ത്യ, കസാക്കിസ്ഥാൻ, ബെൽജിയം, ചൈന, താജിക്കിസ്ഥാൻ, ഹംഗറി, റഷ്യ എന്നിവിടങ്ങളിൽ നിന്നുള്ള ചിത്രങ്ങളോട് മത്സരിച്ചാണ് ഈ ചിത്രം വിജയിച്ചത്. അന്താരാഷ്ട്ര മത്സര വിഭാഗത്തിലെ ജൂറിയും, പ്രേക്ഷക വോട്ടിംഗുമാണ് ഫെസ്റ്റിവലിന്റെ ഗ്രാൻഡ് പ്രിക്സ് വിജയിയെ നിർണയിക്കുന്നത്.
വെനീസ് ഫിലിം ഫെസ്റ്റിവലിൽ നിരവധി അവാർഡുകൾ നേടിയ പ്രശസ്ത റഷ്യൻ ചലച്ചിത്ര സംവിധായകനും തിരക്കഥാകൃത്തും നിർമ്മാതാവുമായ അലക്സി ജർമ്മൻ ജൂനിയർ (Alexey German Jr. Chairman of the jury, Russian film director, screenwriter, producer) ജൂറി ചെയർമാൻ ആയ കമ്മിറ്റിയിൽ സിനിമാ നിരൂപകനും ഫിലിം ഫെസ്റ്റിവൽ ക്യൂറേറ്ററും ഗവേഷകനുമായ വാസിലി സ്റ്റെപനോവ് (Vasily Stepanov Film critic, editor-in-chief of the magazine “Seance”), സംഗീതജ്ഞനും പ്രസാധകനും തിരക്കഥാകൃത്തും റോക്ക് ബാൻഡ് കിനോയുടെ സ്ഥാപകനുമായ അലക്സി റൈബിൻ (Alexey Rybin Musician, publisher, screenwriter, founder of the rock band Kino), ഉസ്ബെക്കിസ്ഥാനിൽ നിന്നുള്ള നടനും സംവിധായകനും തിരക്കഥാകൃത്തുമായ റുസ്തം സഗ്ദുള്ളേവ് (Rustam Sagdullaev Actor, director, screenwriter, People’s Artist of Uzbekistan), അർമേനിയൻ ചലച്ചിത്ര സംവിധായകനും തിരക്കഥാകൃത്തും നിർമ്മാതാവുമായ എഡ്ഗർ ബാഗ്ദാസര്യൻ(Edgar Baghdasaryan Armenian film director, screenwriter, producer) എന്നിവരാണ് ജൂറി അംഗങ്ങൾ.
English Summary
Sajin Babu’s ‘Theatre – The Myth of Reality’, starring Rima Kallingal, won the Grand Prix for Best Picture at the 7th Western Gate International Film Festival held in Pskov, Russia, from July 23-26. The film, produced by Anjana Talkies, was the sole Indian entry in the international competition.
RELATED TOPICS: RUSSIAN FILM FESTIVAL, GRAND PRIX AWARD, MALAYALAM CINEMA, FILM AWARD
Business ⏭️
