BUSINESS
സാധാരണക്കാരന്റെ കയ്യില് ഐഫോണ് എത്തിച്ച ടിം കുക്ക് പടിയിറങ്ങുന്നു; ആപ്പിളിനെ കാത്തിരിക്കുന്നതെന്ത്?
John Ternus Apple CEO: 15 വര്ഷത്തെ ഐതിഹാസിക നേതൃത്വത്തിന് ശേഷം ആപ്പിള് സിഇഒ (Apple CEO) സ്ഥാനത്ത് നിന്ന് ടിം കുക്ക് ( Tim Cook ) ഔദ്യോഗികമായി പടിയിറങ്ങുന്നു. ഇഎംഐ ഓഫറുകളിലൂടെയും, ഇന്ത്യയിലെ പ്രാദേശിക നിര്മ്മാണത്തിലൂടെയും സാധാരണക്കാരുടെ കൈകളിലും ഐഫോണ് എത്തിച്ച ശേഷമാണ് മലയാളികളുടെ ‘ടിം അണ്ണന്’ കളമൊഴിയുന്നത്. ഹാര്ഡ്വെയര് എന്ജിനീയറിങ് മേധാവിയായിരുന്ന ജോണ് ടെര്നസ് (John Ternus) ആകും ആപ്പിളിന്റെ പുതിയ സിഇഒ. നിര്മ്മിത ബുദ്ധിയുടെ (AI) കാലത്ത് ആപ്പിളിനെ അദ്ദേഹം എങ്ങനെ നയിക്കുമെന്നാണ് ടെക് ലോകം ഉറ്റുനോക്കുന്നത്.ടിം കുക്കിന്റെ പടിയിറക്കം15 വര്ഷത്തെ സേവനത്തിന് ശേഷം 2026 സെപ്റ്റംബര് 1-ന് ആപ്പിള് സിഇഒ സ്ഥാനത്ത് നിന്ന് ടിം കുക്ക് പടിയിറങ്ങും. അദ്ദേഹം കമ്പനിയുടെ എക്സിക്യൂട്ടീവ് ചെയര്മാനായി തുടരും. 350 ബില്യണ് ഡോളര് മൂല്യമുണ്ടായിരുന്ന കമ്പനിയെ 4 ട്രില്യണ് ഡോളര് മൂല്യമുള്ള ആഗോള സാമ്രാജ്യമാക്കി മാറ്റിയ ശേഷമാണ് ടിമ്മിന്റെ പടിയിറക്കം. ആപ്പിള് വാച്ച്, എയര്പോഡ്സ്, ആപ്പിള് മ്യൂസിക് തുടങ്ങിയവയിലൂടെ കമ്പനിയുടെ വരുമാനം വര്ധിപ്പിച്ചു. ഹാര്ഡ്വെയര് എഞ്ചിനീയറിംഗ് വിഭാഗം തലവനായിരുന്ന ജോണ് ടെര്നസ് (John Ternus) ആണ് ആപ്പിളിന്റെ പുതിയ സിഇഒ ആയി ചുമതലയേല്ക്കുന്നത്.സാധാരണക്കാരെ ആകര്ഷിച്ച് ഐഫോണ്ടിം മാനേജ്മെന്റിന്റെ പലിശരഹിത ഇഎംഐ തന്ത്രങ്ങളാണ് ഇന്ത്യയില് ഐഫോണിന് സാധാരണക്കാര്ക്കിടയില് മൈലേജ് നല്കിയത്. സാധാരണക്കാര്ക്ക് വലിയ തുക ഒറ്റയടിക്ക് നല്കാതെ ഡിവൈസുകള് സ്വന്തമാക്കാന് സാധിക്കുന്നു.പഴയ ഫോണുകള് മാറ്റി പുതിയ ഐഫോണ് വാങ്ങാനുള്ള ആകര്ഷകമായ എക്സ്ചേഞ്ച് ഓഫറുകള് ലഭ്യമാക്കിയതും ഒരു ഗെയിം ചേഞ്ചറായി. വിവിധ ബാങ്കുകളുമായി സഹകരിച്ച് ഫോണ് വാങ്ങുമ്പോള് ഇന്സ്റ്റന്റ് കാഷ്ബാക്ക് നല്കിയത് സാധാരണക്കാര്ക്ക് ഏറെ സഹായകമായി.തമിഴ്നാട്ടിലും, കര്ണാടകയിലുമായി ഐഫോണ് നിര്മ്മാണ യൂണിറ്റുകള് ആരംഭിച്ചതും, മുംബൈയിലും ഡല്ഹിയിലും ആപ്പിളിന്റെ ഔദ്യോഗിക സ്റ്റോറുകള് തുറന്നതും ഉപഭോക്താക്കളെ കൂടുതല് ആകര്ഷിച്ചു.ശ്രദ്ധിക്കേണ്ട കാര്യങ്ങള്സിഇഒ മാറിയാലും ഇന്ത്യയിലെ ഐഫോണിന്റെ ലഭ്യതയിലോ, വിലയിലോ യാതൊരുവിധ മാറ്റങ്ങളും ഉണ്ടാകില്ലെന്ന് റിപ്പോര്ട്ടുകള് വ്യക്തമാക്കുന്നു. പുതിയ സിഇഒ ആയ ജോണ് ടെര്നസിന്റെ നേതൃത്വത്തില് മടക്കാവുന്ന (Foldable) ഐഫോണുകളും, മികച്ച ആര്ട്ടിഫിഷ്യല് ഇന്റലിജന്സ് (AI) ഫീച്ചറുകളും വരും നാളുകളില് ആപ്പിള് ഉപകരണങ്ങളില് പ്രതീക്ഷിക്കാം. സെപ്റ്റംബറില് നടക്കാനിരിക്കുന്ന ആപ്പിളിന്റെ പുതിയ പ്രൊഡക്റ്റ് ലോഞ്ച് ഇവന്റില് പുതിയ ഉല്പ്പന്നങ്ങളെയും, മാറ്റങ്ങളെയും കുറിച്ചുള്ള വ്യക്തമായ വിവരങ്ങള് അറിയാനാകും.
Read News
