BUSINESS
Astra Mk1: ഒന്നിന് വില 8 കോടി; ഇന്ത്യയുടെ വജ്രായുധത്തിനായി ഇന്തോനേഷ്യ, മറഞ്ഞിരിക്കുന്ന ശത്രുവിനും രക്ഷയില്ല
India Indonesia Defence Deal: പുതിയ കാല യുദ്ധങ്ങളില് വ്യോമസംവിധാനങ്ങള്ക്കുള്ള പ്രധാന്യം വളരെ കൂടുതലാണ്. ഡ്രോണുകള് മാത്രം പോരാം, കൂടെ കരുത്തുറ്റ മിസൈലുകള് പ്രധാനമാണ്. ആകാശയുദ്ധങ്ങളില് ഇന്ത്യയ്ക്ക് കരുത്താകുന്ന അസ്ത്ര എംകെ 1 (Astra Mk1) മിസൈലുകളെ പറ്റി നിങ്ങള് കേട്ടിക്കുണ്ടോ? ഇന്ത്യയുടെ ആവനാഴിയിലെ ഏറ്റവും പുതില വജ്രായുധമാണ് ഈ മിസൈല്. റഷ്യന്- അമേരിക്കന് മിസൈലുകളോട് കിടപിടിക്കുന്ന സാങ്കേതികവിദ്യ കുറഞ്ഞ ചിലവില് വികസിപ്പിച്ച് ലോകത്തെ ഒന്നാകെ അമ്പരപ്പിച്ചിരിക്കുകയാണ് ഇന്ത്യ. ആഗോള പ്രതിരോധ വിപണിയില് ഇന്ത്യയ്ക്ക് മുന്നില് വന് വാണിജ്യ സാധ്യതകള് കൂടിയാണ് അസ്ത്ര എംകെ 1 തുറക്കുന്നത്. ഇന്ത്യയുടെ ഈ മാസ്റ്റര്പീസ് വാങ്ങാന് ഇതോടകം ഇന്തോനേഷ്യ പിന്നാലെ കൂടിക്കഴിഞ്ഞു. അസ്ത്ര എംകെ 1 എന്തുകൊണ്ട് പ്രധാനമാകുന്നു?ഇന്ത്യയുടെ ഡിഫന്സ് റിസര്ച്ച് ആന്ഡ് ഡെവലപ്മെന്റ് ഓര്ഗനൈസേഷന് (DRDO) പൂര്ണ്ണമായും ഇന്ത്യയില് രൂപകല്പ്പന ചെയ്ത ആദ്യത്തെ എയര്-ടു-എയര് (ആകാശത്തുനിന്ന് ആകാശത്തേക്ക് തൊടുക്കാവന്ന) മിസൈലാണ് അസ്ത്ര എംകെ 1. ഇതൊരു ‘ബിയോണ്ട് വിഷ്വല് റേഞ്ച്’ (Beyond Visual Range മിസൈല് കൂടിയാണ്. അതായത് പൈലറ്റിന്റെ കണ്ണില് പെടാത്ത അത്രയും ദൂരത്തുള്ള ലക്ഷ്യങ്ങളെ പോലും തകര്ക്കാന് ഈ മിസൈലുകള്ക്കു സാധിക്കും. മിസൈലിന്റെ പ്രധാന പ്രത്യേകതകള് ശബ്ദത്തേക്കാള് 4.5 ഇരട്ടി വേഗതയില് (Mach 4.5) സഞ്ചരിക്കാന് ഈ മിസൈലുകള്ക്കു സാധിക്കും. സമുദ്രനിരപ്പില് നിന്ന് 20 കിലോമീറ്റര് ഉയരത്തിലുള്ള ലക്ഷ്യങ്ങളെ വരെ ഇതിന് തകര്ക്കാനാകും. ഏകദേശം 80 മുതല് 110 കിലോമീറ്റര് വരെ ദൂരത്തിലുള്ള ലക്ഷ്യങ്ങളെ കൃത്യമായി ഭേദിക്കാന് അസ്ത്ര എംകെ 1-ന് ശേഷിയുണ്ട്. റിപ്പോര്ട്ടുകള് പ്രകാരം അടുത്ത പതിപ്പായ എംകെ 2 -വിന് 160 കി.മീറ്ററിലധികം പരിധിയുണ്ട്. ശത്രുക്കളുടെ റഡാറുകളെയും, ഇലക്ട്രോണിക് ജാമിംഗ് സിസ്റ്റങ്ങളെയും പ്രതിരോധിച്ച് ലക്ഷ്യസ്ഥാനത്ത് എത്താനുള്ള അത്യാധുനിക സാങ്കേതികവിദ്യ മിസൈലിന് കരുത്തുപകരുന്നു. ഇന്ത്യയുടെ സുഖോയ്-30 എംകെഐ, എല്സിഎ തേജസ് തുടങ്ങിയ മുന്നിര യുദ്ധവിമാനങ്ങളിലും ഇവ ഉപയോഗിക്കാന് സാധിക്കും.ഇന്തോനേഷ്യ പിന്നാലെ സുഖോയ് വിമാനങ്ങളുമായുള്ള പൊരുത്തമാണ് ഇന്തോനേഷ്യയെ ആകര്ഷിക്കുന്ന ഘടകം. ഇന്തോനേഷ്യന് വ്യോമസേന റഷ്യന് നിര്മ്മിത സുഖോയ് (Su-27, Su-30) യുദ്ധവിമാനങ്ങളെ ആശ്രയിക്കുന്നു. ഇന്ത്യ തങ്ങളുടെ സുഖോയ് വിമാനങ്ങളില് അസ്ത്ര മിസൈല് വിജയകരമായി ഘടിപ്പിച്ചത് ഇന്തോനേഷ്യയ്ക്ക് വലിയ പ്രതീക്ഷ നല്കുന്നു. പാശ്ചാത്യ രാജ്യങ്ങളെയും, റഷ്യയെയും മാത്രം പ്രതിരോധ ആവശ്യങ്ങള്ക്കായി ആശ്രയിക്കുന്നത് കുറയ്ക്കാന് ഇന്തോനേഷ്യ പദ്ധതിയൊരുക്കുന്നതിനിടെയാണ് ഇന്ത്യയുടെ നേട്ടം. ആഗോള പ്രതിരോധ വിപണിയില് ഇന്ത്യന് കണ്ടുപിടിത്തങ്ങള്ക്ക് ലഭിക്കുന്ന വലിയ സ്വീകാര്യതയും ഇന്തോന്യേഷയെ ആകര്ഷിച്ചു. ഇന്ത്യയെ ഒരു വിശ്വസനീയ പങ്കാളിയായി അവര് കാണുന്നു. ഇന്ത്യയുടെ വാണിജ്യ സാധ്യതകള്2026 ജൂലൈയില് ഇന്ത്യയും, ഇന്തോനേഷ്യയും ഒപ്പുവെച്ച പ്രതിരോധ കരാറിലൂടെ അസ്ത്ര മിസൈല് വാങ്ങുന്ന ആദ്യ വിദേശ രാജ്യമായി ഇന്തോനേഷ്യ മാറി. അമേരിക്കയുടെ AMRAAM, യൂറോപ്പിന്റെ Meteor തുടങ്ങിയ അത്യാധുനിക മിസൈലുകളോട് കിടപിടിക്കുന്നതാണ് ഇന്ത്യയുടെ അസ്ത്ര. മറ്റ് ആഗോള മിസൈലുകളെ അപേക്ഷിച്ച് അസ്ത്രയുടെ ചെലവ് വളരെ കുറവാണ്. അതിനാല് തന്നെ വിയറ്റ്നാം, ഫിലിപ്പീന്സ് തുടങ്ങിയ മറ്റ് തെക്കുകിഴക്കന് ഏഷ്യന് രാജ്യങ്ങളും ഇന്ത്യയെ സമീപിക്കാനുള്ള സാധ്യത കൂടുലാണ്. മിസൈല് നിര്മ്മിക്കുന്ന പൊതുമേഖലാ സ്ഥാപനമായ ഭാരത് ഡയനാമിക്സ് ലിമിറ്റഡിന്റെ വരുമാനത്തില് വലിയ വര്ധനയ്ക്കു സാധ്യതയുണ്ട്. മിസൈല് നിര്മ്മാണ ചിലവ് റിപ്പോര്ട്ടുകള് പ്രകാരം ഒരു അസ്ത്ര എംകെ 1 മിസൈലിന്റെ ഏകദേശ നിര്മ്മാണ ചിലവ് 7 മുതല് 8 കോടി രൂപ വരെയാണ്. അതായത് ഏകദേശം 8.4 ലക്ഷം മുതല് 9.6 ലക്ഷം യുഎസ് ഡോളര് വരെ. അന്താരാഷ്ട്ര വിപണിയിലെ മറ്റ് സമാന മിസൈലുകളുമായി താരതമ്യം ചെയ്യുമ്പോള് ഇത് വളരെ കുറഞ്ഞതാണ്. അതായത് വാങ്ങലുകാര്ക്ക് വലിയ ലാഭമാകും. ഇന്ത്യ സ്വന്തം ആവശ്യത്തിനായി ഭാരത് ഡയനാമിക്സുമായി 2,971 കോടി രൂപയുടെ കരാറില് ഏര്പ്പെട്ടിട്ടുണ്ട്. (മുകളില് പറഞ്ഞ കാര്യങ്ങള് നിലവില് ലഭ്യമായ വിവരങ്ങള് അടിസ്ഥാനമാക്കിയാണ്. സ്വന്തം നിലവില് വ്യക്തത വരുത്താവുന്നതാണ്.)
Read News
