ഇനി ടാറ്റ മോട്ടോഴ്സ് ഇല്ല, പകരം ടാറ്റ.കാർസ് പേരിൽ മാറ്റവുമായി കമ്പനി

പാസഞ്ചർ വെഹിക്കിൾസിന് പുതിയ റീട്ടെയിൽ നാമവും ബ്രാൻഡ് ഐഡന്റിറ്റിയും പ്രഖ്യാപിച്ച് ടാറ്റ മോട്ടോഴ്‌സ്. ഇനിമുതൽ കമ്പനിയുടെ പാസഞ്ചർ കാറുകൾ Tata.cars എന്ന പുതിയ ബ്രാൻഡ് നാമത്തിലാണ് അറിയപ്പെടുക. പെട്രോൾ, ഡീസൽ, സിഎൻജി തുടങ്ങിയ പരമ്പരാഗത ഇന്ധന മോഡലുകളും ഇലക്ട്രിക് വാഹനങ്ങളും ഇനി ഒരൊറ്റ കുടക്കീഴിൽ  ടാറ്റ.കാർസ് എന്ന പേരിൽ അണിനിരക്കും. അതേസമയം, നിലവിലുള്ള ‘Tata.ev’ എന്ന ബ്രാൻഡിങ് ഇതിനു കീഴിലുള്ള ഒരു ഉപ ബ്രാൻഡായി തുടർന്നും പ്രവർത്തിക്കും.നിയമപരമായ ഘടനയിൽ മാറ്റമില്ലഉപഭോക്താക്കൾ നൽകിയ പേര് ഔദ്യോഗികമാക്കി കമ്പനി ഇന്ത്യൻ ജനങ്ങൾ വർഷങ്ങളായി ടാറ്റയുടെ കാറുകളെ ‘ടാറ്റ കാർസ്’ എന്ന് തന്നെയാണ് സാധാരണയായി വിളിക്കാറുള്ളതെന്നും, ആ പേര് ഇപ്പോൾ ഔദ്യോഗികമായി സ്വീകരിക്കുകയാണെന്നും ടാറ്റ മോട്ടോഴ്‌സ് മാനേജിങ് ഡയറക്ടർ ശൈലേഷ് ചന്ദ്ര വ്യക്തമാക്കി. പതിറ്റാണ്ടുകളുടെ പാരമ്പര്യവും വിശ്വാസ്യതയും കാത്തുസൂക്ഷിക്കുന്നതിനൊപ്പം, കൂടുതൽ ആധുനികവും ഭാവിയെ ലക്ഷ്യമിടുന്നതുമായ ഒരു മുഖം സ്വന്തം പാസഞ്ചർ വാഹനങ്ങൾക്ക് നൽകാനാണ് കമ്പനി ഇതിലൂടെ ലക്ഷ്യമിടുന്നത്.പുതിയ ഡിസൈൻ ശൈലിയും ഷോറൂം മാറ്റങ്ങളും ‘പാരലൽ പാത്ത്‌വേസ്’ എന്ന പുതിയ ഡിസൈൻ ഫിലോസഫിയുടെ അടിസ്ഥാനത്തിലാണ് ഈ മാറ്റം രൂപകൽപന ചെയ്തിരിക്കുന്നത്. പ്രധാന നിറമായി ‘ആംബിഷൻ ബ്ലൂ’, പ്രത്യേകമായി തയ്യാറാക്കിയ ‘പാരലൽ ഡിസ്‌പ്ലേ’ ഫോണ്ട്, കൂടാതെ പുതിയൊരു ശബ്ദ ശൈലിയും  ഇതിന്റെ ഭാഗമായി അവതരിപ്പിച്ചിട്ടുണ്ട്. അടുത്ത ഏതാനും മാസങ്ങൾക്കുള്ളിൽ രാജ്യത്തുടനീളമുള്ള ഡീലർഷിപ്പുകൾ, സർവീസ് സെന്ററുകൾ, ഡിജിറ്റൽ ഇടങ്ങൾ എന്നിവയിലെല്ലാം പുതിയ ടാറ്റ കാർസ് ബ്രാൻഡിങ്ങും ഇന്റീരിയർ മാറ്റങ്ങളും ഘട്ടംഘട്ടമായി നടപ്പിലാക്കും.


Sports ⏭️