NEWS
മന്ത്രവാദവും പ്രേതബാധയും; മൂന്ന് മക്കളെ കൊലപ്പെടുത്തിയ പിതാവിന്റെ വധശിക്ഷയ്ക്ക് മുൻപുള്ള മൊഴി

ടെക്സസ്: 2003-ൽ സ്വന്തം മക്കളെ ക്രൂരമായി കൊലപ്പെടുത്തിയ കേസിൽ പ്രതി ജോൺ അലൻ റൂബിയോയ്ക്ക് വധശിക്ഷ വിധിച്ചു. നവംബർ 17 ചൊവ്വാഴ്ച ടെക്സസിലെ ഹണ്ട്സ്വിൽ ജയിലിൽ വെച്ച് മാരകമായ വിഷം കുത്തിവെച്ചാണ് 46-കാരനായ റൂബിയോയുടെ വധശിക്ഷ പൂർത്തിയാക്കിയത്.
2003 മാർച്ച് 11-നായിരുന്നു നാടിനെ നടുക്കിയ ഈ ദാരുണമായ സംഭവം അരങ്ങേറിയത്. ജുലിസ (3), ജോൺ എസ്തേബൻ (14 മാസം), മേരി ജെയിൻ (2 മാസം) എന്നിങ്ങനെ മൂന്ന് പിഞ്ചുകുഞ്ഞുങ്ങളെയാണ് റൂബിയോ അതിക്രൂരമായി കൊലപ്പെടുത്തിയത്. കടുത്ത സാമ്പത്തിക പ്രതിസന്ധികളും, കുട്ടികൾ ബാധയേറ്റവരാണെന്ന അന്ധവിശ്വാസവുമാണ് ഇത്തരമൊരു കൊടുംകൃത്യത്തിലേക്ക് തന്നെ നയിച്ചതെന്ന് പ്രതി അന്വേഷണ ഉദ്യോഗസ്ഥരോട് വെളിപ്പെടുത്തിയിരുന്നു.




