NEWS

ആരോഗ്യ മന്ത്രിയുടെ മണ്ഡലത്തിലെ ആശുപത്രി വാർഡിൽ പൂച്ചയും ചത്ത എലിയും: കെ. മുരളീധരൻ വിശദീകരണം തേടി

തിരുവനന്തപുരം ∙ പേരൂർക്കട സർക്കാർ ആശുപത്രിയിലെ കൂട്ടിരിപ്പുകാരുടെ വാർഡിൽ പൂച്ചകളെയും ചത്ത എലിയെയും കണ്ടെത്തിയ സംഭവത്തിൽ ആശുപത്രി ഭരണസമിതിയിൽ നിന്നും ആരോഗ്യ മന്ത്രി കെ. മുരളീധരൻ വിശദീകരണം ആവശ്യപ്പെട്ടു. കാലപ്പഴക്കം ചെന്ന ഈ വാർഡിൽ അടുത്തയിടെ പെയ്ത കനത്ത മഴ ഭിത്തികളിൽ ഈർപ്പം തങ്ങിനിൽക്കുന്നതിനും പെയിന്റുകൾ അടർന്നു വീഴുന്നതിനും കാരണമായിരുന്നു. ഈ വാർഡ് സുരക്ഷിതമല്ലെന്ന് ബോധ്യപ്പെട്ടതിനെത്തുടർന്ന് ഒരാഴ്ചയായി ഇവിടെ രോഗികളുടെ കൂട്ടിരിപ്പുകാരെ പ്രവേശിപ്പിച്ചിരുന്നില്ല. അടച്ചിട്ടിരുന്ന ഈ അവസരം മുതലെടുത്താണ് പൂച്ചകളും എലികളും വാർഡിനുള്ളിൽ എത്തിയതെന്ന് ആശുപത്രി സൂപ്രണ്ട് വ്യക്തമാക്കി. സംഭവത്തെ തുടർന്ന് വാർഡ് പൂർണ്ണമായും ശുചീകരിച്ച് അണുവിമുക്തമാക്കിയിട്ടുണ്ട്. മന്ത്രിയുടെ നിർദ്ദേശത്തിന്റെ അടിസ്ഥാനത്തിൽ ആരോഗ്യവകുപ്പ് ഉന്നത ഉദ്യോഗസ്ഥർ വാർഡ് സന്ദർശിച്ച് സ്ഥിതിഗതികൾ വിലയിരുത്തി.

Fashion ⏭️

Back to top button