ആശുപത്രിവാസം കഴിഞ്ഞു; അമേരിക്കയിൽ വധശിക്ഷയ്ക്ക് വിഷം കുത്തിവച്ച വനിതാ തടവുകാരി ജയിലിൽ തിരിച്ചെത്തി

നാഷ്‌വിൽ ∙ യുഎസിലെ ടെന്നീസിയിൽ വധശിക്ഷ നടപ്പാക്കാനായി വിഷം കുത്തിവച്ച വനിതാ തടവുകാരി ക്രിസ്റ്റ പൈക്ക് (50) ആശുപത്രിവാസത്തിനു ശേഷം തിരികെ ജയിലിൽ എത്തി. കഴിഞ്ഞ ദിവസം വധശിക്ഷ നടപ്പാക്കാനായി രണ്ടു തവണ മാരകമായ വിഷം കുത്തിവെച്ചിട്ടും ക്രിസ്റ്റ പൈക്ക് മരണത്തെ അതിജീവിച്ചിരുന്നു. വധശിക്ഷ നടപ്പാക്കാനായി വിഷം കുത്തിവച്ചിട്ടും മരിക്കാതിരുന്നതോടെ സംഭവം വിവാദമായിരുന്നു. ഈ പശ്ചാത്തലത്തിൽ സംസ്ഥാന എല്ലാ വധശിക്ഷകളും ഗവർണർ താൽക്കാലികമായി നിർത്തിവയ്ക്കുകയും ചെയ്തിട്ടുണ്ട്.വധശിക്ഷയ്ക്ക് വിധിക്കപ്പെടാനുള്ള ശ്രമത്തിൽനിന്നും രക്ഷപ്പെട്ടെങ്കിലും ഒരാഴ്ചയിലധികം ക്രിസ്റ്റ പൈക്ക് ആശുപത്രിയിൽ മരണത്തെ മുഖാമുഖം കണ്ട് കഴിയേണ്ടിവന്നു. ഡിസ്ചാർജ് ചെയ്തെങ്കിലും ജയിലിലും ക്രിസ്റ്റ പൈക്കിനു ചികിത്സ തുടരും. കുത്തിവയ്പിനു പിന്നാലെ അബോധാവസ്ഥയിൽ കഴിയുമ്പോഴും ക്രിസ്റ്റ പൈക്ക് ശ്വാസം എടുത്തിരുന്നു. തുടർന്നാണ് ആശുപത്രിയിൽ പ്രവേശിപ്പിച്ചത്. വെന്റിലേറ്ററിൽ കഴിയുമ്പോഴും ക്രിസ്റ്റ പൈക്ക് മരണത്തെ അതിജീവിക്കാൻ സാധ്യത കുറവാണെന്നാണ് റിപ്പോർട്ടുകൾ പുറത്തുവന്നിരുന്നത്.


Fashion ⏭️