ടിവിയിൽ ഇന്ത്യയുടെ മത്സരം കണ്ട് ‘സ്വയം സംസാരിച്ച്’ സൂര്യ, ദേവിഷയോട് ‘തന്ത്രങ്ങൾ’ പങ്കുവച്ച് മുൻ ക്യാപ്റ്റൻ– വിഡിയോ വൈറൽ

മുംബൈ ∙ ഇന്ത്യയ്ക്ക തുടർച്ചയായ രണ്ടാം ട്വന്റി20 ലോകകപ്പ് നേടിത്തന്ന ശേഷം പിന്നീട് ഒരു രാജ്യാന്തര മത്സരം പോലും കളിക്കാൻ ഭാഗ്യം ലഭിക്കാത്ത താരമാണ് മുൻ ക്യാപ്റ്റൻ സൂര്യകുമാർ യാദവ്. ലോകകപ്പിനു പിന്നാലെ നടന്ന പരമ്പരയിൽ ശ്രേയസ്സ് അയ്യർ, ഇന്ത്യയുടെ ട്വന്റി20 ടീമിന്റെ ക്യാപ്റ്റൻ സ്ഥാനം ഏറ്റെടുക്കുകയായിരുന്നു. ഇതോടെ ടീമിൽനിന്നു തന്നെ സൂര്യകുമാർ യാദവ് പുറത്തായി. നായകനായി തിളങ്ങിയിരുന്നെങ്കിലും ബാറ്റർ എന്ന നിലയിലുള്ള മോശം ഫോമാണ് സൂര്യകുമാറിനു തിരിച്ചടിയായത്. ഇന്ത്യൻ ടീമിൽനിന്നു പുറത്തായതിനു പിന്നാലെ രഞ്ജി ട്രോഫിക്കുള്ള മുംബൈ ടീമിലും സൂര്യയ്ക്ക് ഇടം ലഭിച്ചില്ല. പിന്നീട്, മത്സരത്തിന്റെ അവസാനഘട്ടത്തിൽ ഇന്ത്യയുടെ ‘തന്ത്രങ്ങൾ’ എന്തൊക്കെയാകുമെന്നും അവസാന അഞ്ച് ഓവറുകൾ ആരൊക്കെ പന്തെറിയുമെന്നുമെല്ലാം സൂര്യ മുൻകൂട്ടി പറയുന്നുണ്ട്. ‘ഒരിക്കൽ ക്രിക്കറ്ററായാൽ, എപ്പോഴും ക്രിക്കറ്ററാണ്’ എന്ന അടിക്കുറിപ്പോരെയാണ് ദേവിഷ ഇൻസ്റ്റഗ്രാമിൽ സ്റ്റോറി പങ്കുവച്ചത്. ‘‘ഒരോവർ ഗുഡ്ഡുവും (കുൽദീപ് യാദവ്), ഒരോവർ അക്ഷർ പട്ടേലും, ഒരോവർ പാജിയും (അർഷ്ദീപ് സിങ്) എറിയും.’’– മുൻ ഇന്ത്യൻ ക്യാപ്റ്റൻ പറഞ്ഞു. ‘‘മയങ്ക് യാദവും പന്തെറിയും, അവസാന ഓവർ ശിവം ദുബെയായിരിക്കും എറിയുക,” അദ്ദേഹം കൂട്ടിച്ചേർത്തു. മുംബൈ ടി20 ലീഗിലാണ് സൂര്യകുമാർ യാദവ് അവസാനമായി കളിച്ചത്.  മുംബൈ നോർത്ത് ഈസ്റ്റിന് വേണ്ടി കളിച്ച സൂര്യ, അഞ്ച് മത്സരങ്ങളിൽ നിന്ന് ഒരു അർധസെഞ്ചറി ഉൾപ്പെടെ 40.75 ശരാശരിയിൽ 163 റൺസ് നേടിയിരുന്നു. നവംബറിൽ നടക്കുന്ന സയ്യിദ് മുഷ്താഖ് അലി ട്രോഫിയിലൂടെ സൂര്യകുമാർ ആഭ്യന്തര ക്രിക്കറ്റിലേക്ക് തിരിച്ചെത്തുമെന്നാണ് പ്രതീക്ഷിക്കുന്നത്.


Auto ⏭️