യുഡിഎഫ് ഉപരോധവും സംഘർഷവും: നാട്ടികയിലെ ടോൾ പിരിവ് തൽക്കാലം നിർത്തിവയ്ക്കാൻ നിർദേശം
നാട്ടിക ടോൾ പ്ലാസയിലെ യുഡിഎഫ് ഉപരോധം
തൃശൂർ: ദേശീയപാത 66-ലെ നാട്ടിക ടോൾ പ്ലാസയിലെ പിരിവ് താൽക്കാലികമായി നിർത്താൻ നിർദേശം നൽകി പൊതുമരാമത്ത് മന്ത്രി പികെ ബഷീ‌ർ. ടോൾ പ്ലാസയിൽ പിരിവ് തുടങ്ങിയതിനെതിരെ യുധിഎഫ് പ്രവർത്തകർ നടത്തിയ ഉപരോധ സമരം സംഘർഷത്തിൽ കലാശിച്ചതോടെയാണ് മന്ത്രിയുടെ ഇടപെടൽ. ടോൾ ബൂത്തുകൾ ഉപരോധിച്ച പ്രവർത്തകരെ പൊലീസ് ബലംപ്രയോഗിച്ച് നീക്കാൻ ശ്രമിച്ചതോടെയായിരുന്നു സംഘർഷം.
തീരദേശ ദേശീയപാതയുടെ ഭാഗമായ നാട്ടികയിൽ റോഡ് നിർമാണം പൂർണമായി പൂർത്തിയാകുന്നതിന് മുൻപ് ടോൾ പിരിവ് ആരംഭിക്കാൻ അനുവദിക്കില്ലെന്ന നിലപാടിലായിരുന്നു സമരക്കാർ. വ്യാഴാഴ്ച മുതൽ പ്ലാസയിൽ ടോൾ പിരിവ് ആരംഭിക്കാൻ അധികൃതർ തീരുമാനിച്ചതോടെയാണ് രാവിലെ മുതൽ തന്നെ യുഡിഎഫ് പ്രവർത്തകർ സംഘടിച്ചെത്തി ഉപരോധം തീർത്തത്. ഉപരോധം നീക്കാൻ പൊലീസ് നടത്തിയ നീക്കങ്ങൾക്കിടെയാണ് സ്ഥലത്ത് സംഘർഷവുമുണ്ടായത്. ഇതോടെയാണ് ടോൾ പിരിവ് താൽക്കാലികമായി നിർത്തിവയ്ക്കാൻ അധികൃതർക്ക് പൊതുമരാമത്ത് മന്ത്രി നിർദേശം നൽകിയത്.
