ടെന്നീസ് കോർട്ട്, പൂജാമുറി, ജിം; രാംചരണിന്റെ ജൂബിലി ഹിൽസിലെ ആഡംബര വസതിയുടെ പ്രത്യേകതകൾ
തെലുങ്ക് സൂപ്പർതാരം രാംചരണിന്റെ ഏറ്റവും പുതിയ ചിത്രമായ പെഡ്ഡി റിലീസ് മുതൽ വിവാദങ്ങളിൽ ഇടം പിടിച്ചെങ്കിലും ഏതാനും ദിവസം കൊണ്ടുതന്നെ 200 കോടി ക്ലബിൽ എത്തിയിരുന്നു. ഹൈദരാബാദിലെ പോഷ് ഏരിയയായ ജൂബിലി ഹിൽസിലെ വസതിയിൽ പെഡ്ഡിയുടെ വിജയം നൽകിയ ആഹ്ലാദത്തിലാണ് താരം. മാതാപിതാക്കളായ ചിരഞ്ജീവി, സുരേഖ, എന്നിവർക്കും ഭാര്യ ഉപാസനയ്ക്കും മക്കൾക്കുമൊപ്പമാണ് രാംചരൺ ഈ ആഡംബര ബംഗ്ലാവിൽ താമസിക്കുന്നത്. വലുപ്പത്തിൽ മാത്രമല്ല സുഖസൗകര്യങ്ങളിലും മുൻപന്തിയിലാണ് ഇവിടം.
ഏകദേശം 2500 ചരുരശ്ര അടി വിസ്തീർണമുള്ള ഈ ബംഗ്ലാവ് നഗരത്തിലെ ഏറ്റവും ആകർഷകമായ വസതികളിൽ ഒന്നായി വേറിട്ടു നിൽക്കുന്നു. സ്വകാര്യതയും ആഡംബരവും സംയോജിപ്പിച്ചാണ് വീടിന്റെ രൂപകല്പന. പുറമേ നിന്ന് നോക്കുമ്പോൾ വെളുത്ത ടോണുകളും ചുറ്റുമുളള പച്ചപ്പും വീടിന് പ്രത്യേക ഭംഗി നൽകുന്നു. മനോഹരമായി രൂപകല്പന ചെയ്ത പൂന്തോട്ടമാണ് മറ്റൊരു കൗതുകം. സോഫ്ട് നിറങ്ങളാണ് ഇന്റീരിയറിന് ഉപയോഗിച്ചിരിക്കുന്നത്.
മാർബിൾ ഫിനിഷുകൾ, പ്രീമിയം ഫർണിച്ചറുകൾ എന്നിവ കാഴ്ചയെ മികവുറ്റതാക്കുന്നു. വീടിന്റെ പ്രധാന ആകർഷണങ്ങളിലൊന്ന് വിശാലമായ സ്വീകരണമുറിയാണ്, വലിയ ജനാലകളും ഫ്രഞ്ച് വാതിലുകളും സൂര്യപ്രകാശം അനുസ്യൂതം പ്രവേശിക്കാൻ അനുവദിക്കുന്നു, ഇത് ദിവസം മുഴുവൻ സ്വീകരണ മുറിയെ പ്രകാശപൂരിതവും വായുസഞ്ചാരമുള്ളതുമാക്കുന്നു.
വീടിനുള്ളിലെ ഒന്നിലധികം ബാൽക്കണികളും ഓപ്പൺ സ്പേസും വീടിന്റെ ഓരോ കോണും പുറത്തെ കാഴ്ചയുമായി ബന്ധപ്പെട്ടിരിക്കുന്നുവെന്ന് ഉറപ്പാക്കുന്നു. ചുവരുകളിലെ പെയിന്റിംഗുകൾ കുടുംബാംഗങ്ങളുടെ അഭിരുചിയും ജീവിതശൈലിയും പ്രതിഫലിപ്പിക്കുന്നുണ്ട്. എല്ലാവിധ സജ്ജീകരണങ്ങളുമുള്ള ജിമ്മും ഇവിടെയുണ്ട്. ജിമ്മിന് പുറമേ നീന്തൽക്കുളവും ടെന്നീസ് കോർട്ടും ഒരുക്കിയിരിക്കുന്നു. സിനിമാ കുടുംബമായതിനാൽ തന്നെ ഹോം തിയേറ്റർ ഒഴിവാക്കാനാവില്ല. പഠനത്തിനും വായനയ്ക്കുമായി വായനാമുറിയും ഒരുക്കിയിട്ടുണ്ട്. എല്ലാ ആധുനിക സൗകര്യങ്ങൾക്കൊപ്പം തന്നെ വീടിന് ഒരു ആത്മീയത പകർന്നു നൽകാൻ ഒരു പ്രത്യേക പൂജാ മുറിയും വീട്ടിൽ ഉണ്ട്.
Source link
