NEWS
ടൂറിസ്റ്റ് ബസ്സുകൾ ഇനി ‘കളറാകും’; വെള്ള നിറം മാറ്റാൻ ശുപാർശ
തിരുവനന്തപുരം∙ സംസ്ഥാനത്തെ ടൂറിസ്റ്റ് ബസുകള്ക്ക് വെള്ള നിറം മാത്രമാക്കിയ ഉത്തരവ് ഭേദഗതി ചെയ്തേക്കും. സ്റ്റേറ്റ് ട്രാന്സ്പോര്ട്ട് അതോറിറ്റി ഇതുമായി ബന്ധപ്പെട്ട പുതിയ ശുപാര്ശ സംസ്ഥാന സര്ക്കാരിന് സമര്പ്പിച്ചു. ബസിന് പല നിറങ്ങളാകാമെന്നാണ് ട്രാന്സ്പോര്ട്ട് അതോറിറ്റി നിലപാടെടുത്തത്. വെള്ളനിറം വിനോദസഞ്ചാരത്തെ ബാധിക്കുന്നുവെന്ന് പരാതി ഉയര്ന്നിരുന്നു. നിറം മാറ്റം പ്രാബല്യത്തില് വരണമെങ്കില് സര്ക്കാര് നിയമത്തില് ഭേദഗതി വരുത്തണം. 2022 ഒക്ടോബറില് വടക്കാഞ്ചേരി ബസ് അപകടത്തില് അഞ്ച് വിദ്യാര്ഥികള് ഉള്പ്പടെ ഒന്പതുപേര് മരിച്ചതിന് പിന്നാലെയാണ് ടൂറിസ്റ്റ് ബസുകള്ക്ക് വെള്ളനിറം നിര്ബന്ധമാക്കിയത്. അപകടത്തിന് പിന്നാലെ നടത്തിയ വകുപ്പുതല അന്വേഷണത്തിനൊടുവിലായിരുന്നു ഈ തീരുമാനം. ടൂറിസ്റ്റ് ബസുകളില് സിനിമാതാരങ്ങളുടെ പോസ്റ്ററുകളും ബഹുവര്ണ ചിത്രങ്ങളും ഗ്രാഫിക്സുകളും ഉപയോഗിക്കുന്നത് മറ്റു വാഹനങ്ങളിലെ ഡ്രൈവര്മാരുടെ ശ്രദ്ധതിരിക്കുകയും അപകടങ്ങള്ക്ക് കാരണമാവുകയും ചെയ്യുന്നുവെന്ന് അധികൃതര് കണ്ടെത്തിയിരുന്നു.
Source link
