വീട് വൃത്തിയാക്കൽ ഇനി പഴയപോലെയല്ല: പ്രചാരമേറി സ്റ്റീം മോപ്പുകൾ; ഗുണങ്ങൾ നിരവധി

വീടുകളിലെ ക്ലീനിങ്ങിനായി ഇപ്പോൾ മിക്കവരും ഉപയോഗിക്കുന്നത് സ്റ്റീം മോപ്പുകളാണ്. പഴയകാലത്ത് വെള്ളവും ഫിനോയിലും ചേർത്ത് സാധാരണ മോപ്പുകൾ ഉപയോഗിച്ചായിരുന്നു തറ വൃത്തിയാക്കാറ്. എന്നാൽ ഇപ്പോൾ പലരും തിരഞ്ഞെടുക്കുന്നത് സ്റ്റീം ക്ലീനിങ്ങാണ്. കാരണം ടൈലുകൾക്കിടയിൽ അടിഞ്ഞുകൂടുന്ന അഴുക്കുകളും കറകളും, അടുക്കളയിലെ എണ്ണപ്പാടുകൾ, പൊടി-അഴുക്ക് എന്നിവ എളുപ്പത്തിൽ നീക്കാൻ സ്റ്റീം മോപ്പുകൾ സഹായിക്കുന്നു.ചൂടുള്ള നീരാവി ഉപയോഗിച്ച് ക്ലീനിങ് ചെയ്യുന്നതിനാൽ ടൈലുകളുടെ ഇടയിലുള്ള ഭാഗങ്ങൾ വരെ ആഴത്തിൽ വൃത്തിയാക്കാൻ സ്റ്റീം മോപ്പുകൾ സഹായിക്കും. സാധാരണ മോപ്പ് ഉപയോഗിച്ചാൽ പോകാത്ത കറകൾ സ്റ്റീം ക്ലീനിങ്ങിലൂടെ ഇളകിപ്പോകും. കൂടാതെ അധികം കെമിക്കൽ ഉപയോഗിക്കേണ്ടതില്ലാത്തതിനാൽ വീടിനുള്ളിൽ ഫ്രഷായൊരു ഫീൽ കിട്ടും.സ്റ്റീം മോപ്പ് ഉപയോഗിക്കുമ്പോൾ ശ്രദ്ധിക്കേണ്ട കാര്യങ്ങള്‍വെറും സാധാരണ വെള്ളം മാത്രം ഉപയോഗിക്കുന്നത് കൊണ്ട് വീടിനുള്ളിലെ സുരക്ഷയ്ക്കും മാത്രമല്ല വളർത്തുമൃഗങ്ങൾക്കും ഇത് സുരക്ഷിതമാണ്. ഉയർന്ന താപനിലയിലുള്ള നീരാവി തറയിലെ 99.9% ബാക്ടീരിയകളെയും അണുക്കളെയും നശിപ്പിക്കുന്നു. മാത്രമല്ല, ടൈലുകൾക്കിടയിലെ സിമൻ്റ് വരികളിൽ (Grout Lines) അടിഞ്ഞുകൂടുന്ന കറയും കറുത്ത നിറവും നീക്കാൻ സ്റ്റീം ക്ലീനിങ് വളരെ മികച്ചതാണ്. സാധാരണ മോപ്പുകൾ പോലെ ബക്കറ്റിലെ അഴുക്ക് വെള്ളം തറയിൽ വീണ്ടും പടരുന്നില്ല.


Source link

CINEMA