പാക്കിസ്ഥാൻ ഫൈനൽ: പരുക്കേറ്റ് ഇന്ത്യൻ താരം പുറത്ത്; ടോസ് പാക്കിസ്ഥാന്
അൽ അമിറാത്ത് (ഒമാൻ) ∙ അണ്ടർ 19 ഏഷ്യാ കപ്പ് ക്രിക്കറ്റ് ഫൈനലിൽ പാക്കിസ്ഥാനെതിരെ ആദ്യം പന്തെറിയാൻ ഇന്ത്യൻ ടീമിന് അവസരം. ടോസ് നേടിയ പാക്കിസ്ഥാൻ ക്യാപ്റ്റൻ ഫർഹാൻ യൂസഫ് ആദ്യം ബാറ്റിങ് ചെയ്യാൻ തീരുമാനിക്കുകയായിരുന്നു. ഇന്ത്യൻ ടീമിൽ ചെറിയൊരു മാറ്റം വരുത്തിയിട്ടുണ്ട്. ഫാസ്റ്റ് ബൗളർ ഇഷാൻ സൂദിന് പകരം ചിഗുരുപാട്ടി വെങ്കടയാണ് ഫൈനലിൽ കളിക്കുന്നത്. ടൂർണമെന്റിലെ നാല് മത്സരങ്ങളിൽ നിന്ന് 11 വിക്കറ്റുകൾ വീഴ്ത്തിയ ഇഷാന്റെ അഭാവം ടീം ഇന്ത്യക്ക് വലിയൊരു നഷ്ടമായിരിക്കും.
മറുവശത്ത്, സെമിഫൈനലിൽ അണിനിരന്ന അതേ പ്ലേയിങ് ഇലവനെ നിലനിർത്തിയാണ് പാക്കിസ്ഥാൻ പോരാട്ടത്തിനിറങ്ങുന്നത്. ഗ്രൂപ്പ് ഘട്ടത്തിലെ മത്സരത്തിൽ ഇന്ത്യയെ മൂന്ന് വിക്കറ്റിന് പരാജയപ്പെടുത്തിയതിന്റെ ആത്മവിശ്വാസം പാക്കിസ്ഥാനുണ്ട്. കഴിഞ്ഞ വർഷത്തെ ഫൈനലിൽ ഇന്ത്യയെ 151 റൺസിന് തകർത്ത് രണ്ടാം തവണയും കിരീടം സ്വന്തമാക്കിയ ചരിത്രവും പാക്കിസ്ഥാന് കരുത്തേകുന്നു.
