വടക്കൻ ഇറാഖിലെ തന്ത്രപ്രധാന സൈനിക താവളം കൈമാറാൻ തുർക്കി; ബാഗ്ദാദുമായി ധാരണയായി

അങ്കാറ ∙ വടക്കൻ ഇറാഖിലെ തന്ത്രപ്രധാനമായ ബാഷിഖ-സിൽകാൻ സൈനിക താവളത്തിന്റെ നിയന്ത്രണം ഘട്ടംഘട്ടമായി ഇറാഖ് സർക്കാരിന് കൈമാറാൻ തുർക്കി തീരുമാനിച്ചു. യുഎൻ പൊതുസഭയുടെ ഭാഗമായി ന്യൂയോർക്കിൽ തുർക്കി പ്രസിഡന്റ് റജബ് തയ്യിബ് എർദോഗാനും ഇറാഖ് പ്രധാനമന്ത്രി അലി അൽ-സൈദിയും തമ്മിൽ നടത്തിയ കൂടിക്കാഴ്ചയ്ക്ക് ശേഷമാണ് ഈ നിർണായക തീരുമാനം പ്രഖ്യാപിച്ചത്.2015 മുതൽ തുർക്കി സൈന്യം നിലയുറപ്പിച്ചിരിക്കുന്ന ബാഷിഖ-സിൽകാൻ താവളം, തുർക്കി-ഇറാഖ് അതിർത്തിയിൽ നിന്ന് ഏറെ അകലെയായതിനാൽ ഇരുരാജ്യങ്ങളും തമ്മിൽ വർഷങ്ങളായി തർക്കവിഷയമായിരുന്നു. എങ്കിലും, മേഖലയിലെ സുരക്ഷാ നടപടികൾ ശക്തമാക്കുന്നതിലും പരമാധികാരം ഉറപ്പാക്കുന്നതിലും ഇറാഖ് കൈവരിച്ച പുരോഗതി പുതിയ തീരുമാനത്തിന് വഴിയൊരുക്കുകയായിരുന്നു.


Fashion ⏭️