NEWS
സുഗതനെ അനുകൂലിച്ച് ആഭ്യന്തര വകുപ്പിന്റെ കത്ത്; ചെന്നിത്തലയ്ക്ക് അതൃപ്തി: അന്വേഷണത്തിന് നിർദേശം
തിരുവനന്തപുരം∙ കാപ്പാ കേസില് ജയിലില് കഴിയുന്ന ബിജെപി കൗണ്സിലര് ആര്.സുഗതന്റെ അവധി അപേക്ഷയുമായി ബന്ധപ്പെട്ട് കോര്പറേഷന് കൗണ്സില് യോഗത്തില് നടന്ന സംഭവവികാസങ്ങള്ക്കിടെ ആഭ്യന്തര വകുപ്പിന്റെ കത്ത് മേയര് ആയുധമാക്കിയതില് ആഭ്യന്തര മന്ത്രി രമേശ് ചെന്നിത്തലയ്ക്ക് അതൃപ്തി. സുഗതന് അയോഗ്യത ഒഴിവാക്കാനുള്ള മാര്ഗം നിര്ദേശിച്ച് ആഭ്യന്തര വകുപ്പ് കത്ത് നല്കിയ സാഹചര്യം അന്വേഷിക്കാന് മന്ത്രി നിര്ദേശം നല്കി. കൗണ്സില് യോഗത്തില് പങ്കെടുക്കാന് എസ്കോര്ട്ട് പരോള് അനുവദിക്കണമെന്ന് ആവശ്യപ്പെട്ട് സുഗതന് നല്കിയ കത്തിന് ആഭ്യന്തരവകുപ്പ് അഡീഷണല് ചീഫ് സെക്രട്ടറിക്കു വേണ്ടി അണ്ടര് സെക്രട്ടറി കൊടുത്ത മറുപടിയാണ് വിവാദമായത്. എസ്കോര്ട്ട് പരോള് അനുവദിക്കണമെന്ന ആവശ്യം തള്ളിയെങ്കിലും അയോഗ്യത ഒഴിവാക്കാന് എന്തൊക്കെയാണ് ചെയ്യേണ്ടതെന്ന് മറുപടിയില് വിശദീകരിച്ചിട്ടുണ്ട്.
Fashion ⏭️
