സംസ്ഥാനത്ത് നാളെയും അതിശക്തമായ മഴ തുടരും,​ 12 ജില്ലകളിൽ ഓറഞ്ച് അലർട്ട് പ്രഖ്യാപിച്ചു

കനത്ത മഴയിൽ പാലാ കെ.എസ്.ആർ.ടി.സി ബസ്റ്റാൻഡിന് മുന്നിലെ റോഡിൽ വെള്ളം കയറിയപ്പോൾ. ഫോട്ടോ: സെബിൻ ജോർജ്

തിരുവനന്തപുരം: സംസ്ഥാനത്ത് നാളയെും അതിശക്തമായ മഴ തുടരുമെന്ന് കേന്ദ്രകാലാവസ്ഥാ വകുപ്പിന്റെ മുന്നറിയിപ്പ്. മഴയുടെ പശ്ചാത്തലത്തിൽ 12 ജില്ലകളിൽ നാളെ ഓറഞ്ച് അലർട്ട് പ്രഖ്യാപിച്ചു. നേരത്തെ പ്രഖ്യാപിച്ച മഞ്ഞ അലർട്ട് പുതുക്കിയാണ് ഓറഞ്ച് അലർട്ടാക്കിയത്. പത്തനംതിട്ട,​ ആലപ്പുഴ,​ കോട്ടയം,​ ഇടുക്കി,​ എറണാകുളം,​ തൃശൂർ,​ പാലക്കാട്,​ മലപ്പുറം,​ കോഴിക്കോട്,​ വയനാട്,​ കണ്ണൂർ,​ കാസർകോട് ജില്ലകളിലാണ് ഓറഞ്ച് അലർട്ട്. ഇടിമിന്നലോട് കൂടിയ മഴയാണ് പ്രതീക്ഷിക്കുന്നത്

അതേസമയം കേരളതീരത്ത് നിലനിൽക്കുന്ന ന്യൂനമർദ്ദ പാത്തിയുടെ സ്വാധീനത്താൽ സംസ്ഥാനത്ത് ഇന്നു രാത്രിയും കനത്ത മഴയ്ക്ക് സാദ്ധ്യതയെന്നാണ് മുന്നറിയിപ്പ്. കോഴിക്കോട്,​ മലപ്പുറം,​ പത്തനംതിട്ട,​ കോട്ടയം,​ ഇടുക്കി,​ വയനാട് ജില്ലകളിൽ ഇന്ന് രാത്രിയും ജാഗ്രതാ നിർദ്ദേശം നൽകിയിട്ടുണ്ട്.
RELATED TOPICS: HEAVY RAIN, KERALA HEAVY RAIN ALERT, ORANGE ALERT, IMD KERALA WEATHER, KERALA MAZHA ALERT

Read News ⏭️