എറണാകുളത്ത് ട്രാക്ടർ നിയന്ത്രണംവിട്ട് അപകടം: രണ്ട് അന്യസംസ്ഥാന തൊഴിലാളികൾ മരിച്ചു
അപകടത്തിൽപ്പെട്ട ട്രാക്ടർ
കൊച്ചി: എറണാകുളം കോതമംഗലത്ത് ട്രാക്ടർ നിയന്ത്രണംവിട്ടുണ്ടായ അപകടത്തിൽ രണ്ട് അന്യസംസ്ഥാന തൊഴിലാളികൾക്ക് ദാരുണാന്ത്യം. ട്രാക്ടറിലുണ്ടായിരുന്ന ഉത്തർപ്രദേശ് സ്വദേശികളായ പ്രദീപ്, സത്യ എന്നിവരാണ് മരിച്ചത്.
ഇന്ന് വൈകിട്ട് കോതമംഗലം നേര്യമംഗലം റോഡിൽവച്ച് അപകടമുണ്ടായത്. പാറപ്പൊട്ടിക്കാൻ ആവശ്യമായ യന്ത്രങ്ങൾ ഘടിപ്പിച്ചിരുന്ന ട്രാക്ടറാണ് അപകടത്തിൽപ്പെട്ടത്. നിയന്ത്രണംവിട്ട ട്രാക്ടർ എതിരെ വന്ന കാറിലേയ്ക്ക് ഇടിക്കുകയായിരുന്നു. ഇടിയുടെ ആഘാതത്തിൽ ട്രാക്ടർ റോഡിലേയ്ക്ക് മറിയുകയായിരുന്നു.
അപകടത്തിൽ ഗുതുതരമായി പരിക്കേറ്റ ഇരുവരും സംഭവസ്ഥലത്തുവച്ച് തന്നെ മരണപ്പെടുകയായിരുന്നു. ഇരുവരുടെയും മൃതദേഹം കോതമംഗലം താലൂക്ക് ആശുപത്രിയിൽ സൂക്ഷിച്ചിരിക്കുകയാണ്.
English Summary
Two migrant workers, Pradeep and Sathya from Uttar Pradesh, died this evening after a tractor accident in Kothamangalam, Ernakulam. The tractor, carrying quarrying machinery, lost control on Neryamangalam Road, collided with an oncoming car, and overturned. Both men died instantly at the scene. Their bodies are currently held at Kothamangalam Taluk Hospital.
RELATED TOPICS: TRACTOR ACCIDENT, ERNAKULAM, TWO MIGRANT WORKERS DIED, ACCIDENT DEATH
Read News ⏭️
