വീട്ടുപുരയിടത്തിലെ സോളാർ പാനൽ പദ്ധതി: 50 ലക്ഷം രൂപ സബ്‌സിഡി നേടാൻ ചെയ്യേണ്ട കാര്യങ്ങൾ
സൗരോർജ്ജ പാനലുകൾ
കേരളത്തിൽ വീടുകളുടെ മേൽക്കൂരയിൽ സോളാർ പാനലുകൾ സ്ഥാപിക്കുന്ന പ്രവണത വലിയ രീതിയിൽ വർധിച്ചുവരികയാണ്. വൈദ്യുതി ബിൽ ഗണ്യമായി കുറയ്ക്കാൻ സാധിക്കുമെന്നതാണ് പലരെയും ഈ പദ്ധതിയിലേക്ക് ആകർഷിക്കുന്ന പ്രധാന ഘടകം. കെ.എസ്.ഇ.ബി ഗ്രിഡിലേക്ക് കൈമാറുന്ന അധിക വൈദ്യുതിക്ക് പ്രതിഫലവും ലഭിക്കുന്നുണ്ട്. എന്നാൽ ഇതിനപ്പുറം, പുരപ്പുറ സോളാർ പ്ലാന്റ് ഒരു മികച്ച നിക്ഷേപ മാർഗ്ഗമാണെന്നാണ് സാമ്പത്തിക വിദഗ്ദ്ധരുടെ വിലയിരുത്തൽ. കൃത്യമായി ആസൂത്രണം ചെയ്താൽ 25 വർഷം കൊണ്ട് ഏകദേശം 50 ലക്ഷത്തോളം രൂപ സമ്പാദിക്കാൻ ഒരു സാധാരണ വീട്ടിലെ മൂന്ന് കിലോവാട്ട് സോളാർ പ്ലാന്റ് വഴി സാധിക്കുമെന്ന് അവർ ചൂണ്ടിക്കാട്ടുന്നു. അത് എങ്ങനെയാണെന്ന് പരിശോധിക്കാം.
ഒരു മൂന്ന് കിലോവാട്ട് പ്ലാന്റ് ദിവസം ശരാശരി 12 യൂണിറ്റ് വൈദ്യുതി ഉത്പാദിപ്പിക്കുന്നുണ്ട്. കാലാവസ്ഥാ വ്യതിയാനങ്ങൾക്കനുസരിച്ച് ചെറിയ മാറ്റങ്ങൾ വരാമെങ്കിലും, മാസത്തിൽ ഏകദേശം 360 യൂണിറ്റ് വരെ ഇതിലൂടെ ലഭിക്കും. മുൻപ് 2500 രൂപയോളം വൈദ്യുതി ബിൽ അടച്ചിരുന്ന ഒരു വീട്ടിൽ, ഈ പ്ലാന്റ് സ്ഥാപിക്കുന്നതോടെ ബിൽ തുക പൂർണ്ണമായും ഒഴിവാക്കാനാകും. പ്ലാന്റ് സ്ഥാപിക്കുന്നതിനായി എടുക്കുന്ന ബാങ്ക് വായ്പയുടെ തിരിച്ചടവ് തുക മാസം രണ്ടായിരം രൂപയിൽ താഴെ മാത്രമായിരിക്കും. ബിൽ ഇനത്തിൽ ലാഭിക്കുന്ന തുകയിൽ നിന്ന് ഈ ഇഎംഐ അടച്ചാലും മാസം 500 രൂപയോളം മിച്ചം പിടിക്കാം.
പകൽ സമയങ്ങളിൽ സോളാർ വൈദ്യുതി ഉപയോഗപ്പെടുത്തി ഇൻഡക്ഷൻ കുക്കർ, എയർ ഫ്രയർ തുടങ്ങിയ ഗൃഹോപകരണങ്ങൾ പ്രവർത്തിപ്പിച്ചാൽ പാചകവാതക ചിലവിലും വലിയ കുറവ് വരുത്താം. ഇതിലൂടെ മാസം ഏകദേശം 800 രൂപയോളം ലാഭിക്കാൻ സാധിക്കും. വൈദ്യുത ബില്ലിലെയും പാചകവാതകത്തിലെയും ലാഭം ഒരുമിച്ചുകൂട്ടിയാൽ മാസം 1300 രൂപയോളം അധികമായി കയ്യിൽ നിൽക്കും.
ഇലക്ട്രിക് വാഹനങ്ങളാണ് നിങ്ങൾ ഉപയോഗിക്കുന്നതെങ്കിൽ ഇന്ധനച്ചെലവും വലിയൊരു പരിധിവരെ ലാഭിക്കാം. ഇങ്ങനെ മിച്ചം പിടിക്കുന്ന തുക മറ്റ് ആവശ്യങ്ങൾക്കായി ചെലവാക്കാതെ, കൃത്യമായ മ്യൂച്വൽ ഫണ്ട് നിക്ഷേപങ്ങളിലേക്ക് മാറ്റിയാൽ കാലക്രമേണ വലിയൊരു സമ്പത്ത് തന്നെ കെട്ടിപ്പടുക്കാനാകും. ലാഭിക്കുന്ന തുക കൃത്യമായ ഇടവേളകളിൽ ഓട്ടോ ഡെബിറ്റ് സൗകര്യം വഴി നിക്ഷേപിച്ചാൽ ഈ ലക്ഷ്യം എളുപ്പത്തിൽ കൈവരിക്കാം. മികച്ച ആദായം നൽകുന്ന നിക്ഷേപ പദ്ധതികൾ തിരഞ്ഞെടുക്കാൻ പ്രത്യേകം ശ്രദ്ധിക്കണം.
ഉദാഹരണത്തിന്, മാസം 5000 രൂപ വീതം 25 വർഷത്തേക്ക് നിക്ഷേപിക്കുന്ന ഒരാൾക്ക് മൊത്തം 15 ലക്ഷം രൂപയാണ് നിക്ഷേപമായി വരുന്നത്. ഈ തുക പ്രതിവർഷം എട്ടുശതമാനം പലിശ നിരക്കിൽ വളരുകയാണെങ്കിൽ, 25 വർഷം പൂർത്തിയാകുമ്പോൾ ഏകദേശം 47 ലക്ഷം രൂപയിൽ അധികം തുക കൈവരും. നിക്ഷേപത്തിന്റെ വാർഷിക വളർച്ചാനിരക്കിൽ ഉണ്ടാകുന്ന വ്യത്യാസങ്ങൾക്കനുസരിച്ച് ലഭിക്കുന്ന തുകയിലും മാറ്റങ്ങൾ വരാം.
RELATED TOPICS: ROOFTOP SOLAR PANEL, SOLAR PANEL INCOME INDIA, പുരപ്പുറ സോളാർ പദ്ധതി, SOLAR SUBSIDY KERALA, ROOFTOP SOLAR BENEFITS
