കണ്ണുകൾ വരണ്ട് പോകുന്നത് തടയാൻ ചില ആയുർവേദ പരിഹാരങ്ങൾ

അമിതമായ കംപ്യൂട്ടർ, ഫോൺ എന്നിവയുടെ ഉപയോഗമാണ് പലപ്പോഴും വരണ്ട കണ്ണുകൾക്ക് കാരണമാകുന്നത്. വീട്ടിൽ തന്നെ ഇതിനുള്ള പരിഹാര മാർഗങ്ങളുണ്ട്. പലരും നേരിടുന്ന പ്രധാന പ്രശ്നങ്ങളിലൊന്നാണ് കണ്ണുകൾ വരണ്ട് പോകുന്നത്. കണ്ണുകൾ ആവശ്യത്തിന് കണ്ണുനീർ ഉത്പാദിപ്പിക്കാത്തപ്പോഴോ കണ്ണുനീരിന്റെ ഗുണനിലവാരം മോശമാകുമ്പോഴോ ഉണ്ടാകുന്ന ഒരു സാധാരണ നേത്രരോഗമാണിത്. കണ്ണുകളുടെ ആരോഗ്യവും സുഖവും നിലനിർത്തുന്നതിന് കണ്ണുനീർ അത്യന്താപേക്ഷിതമാണ്. കാരണം അവ കണ്ണിന്റെ ഉപരിതലത്തെ ലൂബ്രിക്കേറ്റ് ചെയ്യാനും അണുബാധയിൽ നിന്ന് സംരക്ഷിക്കാനും വ്യക്തമായ കാഴ്ച ഉറപ്പാക്കാനും സഹായിക്കുന്നു. കണ്ണുനീർ ഉൽപാദനത്തിൽ അസന്തുലിതാവസ്ഥ ഉണ്ടാകുമ്പോഴാണ് വരണ്ട കണ്ണിൻ്റെ പ്രശ്നങ്ങൾ ഉണ്ടാകുന്നത്.വെള്ളം കുടിക്കുക ആയുർവേദം ശുപാർശ ചെയ്യുന്ന പ്രധാന പരിഹാരമാണ് വെള്ളം കുടിക്കുക എന്നത്. ദിവസവും 1 മുതൽ 2 ലിറ്റർ വെള്ളം കുടിക്കാൻ ശ്രമിക്കണം. പച്ചക്കറികൾ, പഴങ്ങൾ, പുതിയ ഭക്ഷണങ്ങൾ എന്നിവ ദൈനംദിന ഭക്ഷണത്തിൻ്റെ പ്രധാന ഭാഗമായിരിക്കണം. ഒമേഗ 3 ഫാറ്റി ആസിഡ് അടങ്ങിയ മത്സ്യങ്ങൾ കഴിക്കുന്നത് കണ്ണിൻ്റെ ആരോഗ്യത്തിന് ഏറെ നല്ലതാണ്. ഇവ കണ്ണുനീരിൻ്റെ ഗുണനിലവാരം വർധിപ്പിക്കും. 7 മുതൽ എട്ട് മണിക്കൂർ ഉറങ്ങുന്നതും കണ്ണിൻ്റെ വരൾച്ച മാറ്റാൻ സഹായിക്കും.നെല്ലിക്കവൈറ്റമിൻ സിയും ആൻ്റി ഓക്‌സിഡൻ്റുകളാലും സമ്പന്നമാണ് നെല്ലിക്ക. വരണ്ട കണ്ണുകൾക്കുള്ള ഒരു പ്രധാന പ്രകൃതിദത്ത പ്രതിവിധിയാണിത്. നെല്ലിക്ക കഴിക്കുന്നത് കണ്ണിൻ്റെ ആരോഗ്യം മെച്ചപ്പെടുത്തുന്നു. നെല്ലിക്കയുടെ ആൻറി-ഇൻഫ്ലമേറ്ററി ഗുണങ്ങൾ കണ്ണിൻ്റെ ചുവപ്പും അസ്വസ്ഥതയും കുറയ്ക്കുന്നു.നെയ്യ് കണ്ണിൻ്റെ വരൾച്ച് മാറ്റാൻ സഹായിക്കുന്നതാണ് നെയ്യ്. ഇതിൽ ധാരാളം ഫാറ്റി ആസിഡുകൾ അടങ്ങിയിട്ടുണ്ട്. ഇത് കണ്ണിൻ്റെ വരൾച്ചയെ സുഖപ്പെടുത്തുന്നു. ശുദ്ധമായ നെയ്യ് കുറച്ച് എടുത്ത് കൺപോളകളുടെയും മൂടികളുടെയും കോണുകളിൽ പുരട്ടി കണ്ണുകൾ മസാജ് ചെയ്യുക. ചുറ്റുമുള്ള രക്തചംക്രമണം മെച്ചപ്പെടുത്താൻ സഹായിക്കുന്നു. വരൾച്ചയിൽ നിന്ന് ആശ്വാസം നൽകുന്നു. കണ്ണുകൾക്ക് ചുറ്റുമുള്ള അതിലോലമായ ചർമ്മത്തെ നെയ്യ് പോഷിപ്പിക്കുന്നു. ഇത് കണ്ണിന് ചുറ്റുമുള്ള വരകളും ചുളിവുകളും കുറയ്ക്കുന്നു.ത്രിഫല നെല്ലിക്ക, താന്നിക്ക, കടുക്ക എന്നീ മൂന്ന് ഫലങ്ങൾ ചേർത്ത് തയാറാക്കുന്നതാണ് ത്രിഫല. ആയുർവേദത്തിലെ ഈ പ്രധാന ഔഷധക്കൂട്ട് പല രോ​ഗങ്ങൾക്കുമുള്ള പരിഹാര മാ‍​‍ർ​ഗമാണ്. മൂന്ന് ചേരുവകളുടെയും കുരു നീക്കം ചെയ്ത ശേഷം ഉണക്കി പൊടിച്ച് ഉപയോഗിക്കാവുന്നതാണ്. ഇത് ഉപയോ​ഗിച്ച് കണ്ണ് കഴുകുന്നത് കണ്ണിൻ്റെ വീക്കവും വരൾച്ചയും കുറയ്ക്കാൻ സഹായിക്കുന്നു. ‌ഇതിലെ സ്വാഭാവിക ആൻ്റിഓക്‌സിഡൻ്റുകൾ കണ്ണിലെ പ്രകോപനം കുറയ്ക്കുകയും കണ്ണുനീർ ഉൽപ്പാദനം പ്രോത്സാഹിപ്പിക്കുകയും ചെയ്യുന്നു. വരൾച്ച ഒഴിവാക്കി കണ്ണിൻ്റെ മൊത്തത്തിലുള്ള ആരോഗ്യം മെച്ചപ്പെടുത്തുന്നു.ആയുർവേദം ശുപാർശ ചെയ്യുന്ന പ്രധാന പരിഹാരമാണ് വെള്ളം കുടിക്കുക എന്നത്. ദിവസവും 1 മുതൽ 2 ലിറ്റർ വെള്ളം കുടിക്കാൻ ശ്രമിക്കണം. പച്ചക്കറികൾ, പഴങ്ങൾ, പുതിയ ഭക്ഷണങ്ങൾ എന്നിവ ദൈനംദിന ഭക്ഷണത്തിൻ്റെ പ്രധാന ഭാഗമായിരിക്കണം. ഒമേഗ 3 ഫാറ്റി ആസിഡ് അടങ്ങിയ മത്സ്യങ്ങൾ കഴിക്കുന്നത് കണ്ണിൻ്റെ ആരോഗ്യത്തിന് ഏറെ നല്ലതാണ്. ഇവ കണ്ണുനീരിൻ്റെ ഗുണനിലവാരം വർധിപ്പിക്കും. 7 മുതൽ എട്ട് മണിക്കൂർ ഉറങ്ങുന്നതും കണ്ണിൻ്റെ വരൾച്ച മാറ്റാൻ സഹായിക്കും.


Life Style ⏭️