ഇന്തോനേഷ്യ മുതല്‍ വിയറ്റ്‌നാം വരെ ഇനി ഇന്ത്യന്‍ ഇന്ധനം; ചൈനയുടെ പിന്മാറ്റം ലോട്ടറി, ലോകത്തിന്റെ സ്വിംഗ് സപ്ലയര്‍

India Swing Supplier: ഒക്ടോബര്‍ മുതല്‍ ഇന്ധന കയറ്റുമതി നിര്‍ത്തിവെക്കാനുള്ള ചൈനയുടെ അപ്രതീക്ഷിത തീരുമാനം ഇന്ത്യയ്ക്ക് തുറക്കുന്നത് അവസരങ്ങളുടെ വാതില്‍. ആഗോള വിപണിയിലുണ്ടായ ഈ വന്‍ വിടവ് നികത്തി ലോകത്തിന്റെ പ്രധാന സ്വിംഗ് സപ്ലയര്‍ (Swing Supplier) ആയി മാറാന്‍ ഒരുങ്ങുകയാണ് ഇന്ത്യ. വര്‍ധിച്ച ക്രൂഡ് ഓയില്‍ ലഭ്യതയും, കേന്ദ്ര സര്‍ക്കാരിന്റെ നികുതിയിളവുകളും ഇന്ത്യന്‍ റിഫൈനറികള്‍ക്ക് വലിയ കരുത്താകും.ചൈനയുടെ പിന്മാറ്റംഒക്ടോബര്‍ മാസത്തില്‍ ഇന്ധന കയറ്റുമതി നിര്‍ത്തിവെക്കാനുള്ള ചൈനയുടെ തീരുമാനമാണ് ഇന്ത്യയ്ക്ക് മുന്നില്‍ വാതിലുകള്‍ തുറക്കുന്നത്. ചൈനയുടെ നടപടി ആഗോള ഇന്ധന വിപണിയില്‍ വലിയൊരു വിടവ് സൃഷ്ടിച്ചിരിക്കുന്നു. വര്‍ഷങ്ങളായി ചൈന സ്വന്തമാക്കി വച്ചിരുന്ന വിപണികളിലേയ്ക്ക് കടക്കാന്‍ ഇന്ത്യയ്ക്കുള്ള അവസരമാണിത്.ഇന്ത്യയ്ക്ക് വന്‍ നേട്ടമാകുന്നത് എങ്ങനെചൈന കയറ്റുമതി നിര്‍ത്തുമ്പോള്‍, ചൈനയെ പ്രധാനമായും ആശ്രയിച്ചിരുന്ന ഇന്തോനേഷ്യ, വിയറ്റ്നാം, ഫിലിപ്പീന്‍സ് തുടങ്ങിയ രാജ്യങ്ങളിലേക്ക് ഇന്ധനം എത്തിക്കാന്‍ ഇന്ത്യയ്ക്ക് സാധിക്കും. പ്രതിസന്ധി ഘട്ടങ്ങളില്‍ ലോകരാജ്യങ്ങള്‍ക്ക് ഇന്ധനം നല്‍കാന്‍ കഴിയുന്ന ഏറ്റവും പ്രധാനപ്പെട്ട രാജ്യം എന്ന പദവിയിലേക്ക് (Swing Supplier) ഉയരാന്‍ ഇന്ത്യയ്ക്ക് ഈ അവസരം വഴിത്തിരിവാകും. രാജ്യങ്ങള്‍ക്കിടയിലെ ബന്ധം ശക്തമാക്കാനും ഇതു സഹായിക്കും.ഇന്ത്യയുടെ കയറ്റുമതിയിലെ മുന്‍തൂക്കംചൈനയെ അപേക്ഷിച്ച് സ്ഥിരമായി കൂടുതല്‍ ഇന്ധനം (ഡീസല്‍, പെട്രോള്‍, ജെറ്റ് ഫ്യൂവല്‍) കയറ്റുമതി ചെയ്യുന്നത് ഇന്ത്യയാണ്. ഉദാഹരണത്തിന് 2025-ല്‍ ഇന്ത്യ 47 ദശലക്ഷം ടണ്‍ കയറ്റുമതി ചെയ്തപ്പോള്‍ ചൈനയുടേത് 25.4 ദശലക്ഷം ടണ്‍ മാത്രമായിരുന്നു.ഇന്ത്യയുടെ വന്‍കിട റിഫൈനറി സംവിധാനം കാണാതെ പോകരുത്. പ്രതിദിനം 5.6 ദശലക്ഷം ബാരല്‍ ക്രൂഡ് ഓയില്‍ സംസ്‌കരിക്കാന്‍ ശേഷിയുള്ള 23 റിഫൈനറികള്‍ ഇന്ത്യയിലുണ്ട്. ലോകത്തിലെ നാലാമത്തെ വലിയ റിഫൈനറി സംവിധാനം ഇന്ത്യയിലാണ്. ഇത് കയറ്റുമതിക്ക് ശക്തമായ അടിത്തറ പാകുന്നു.അവസരം മുതലെടുക്കാന്‍ സര്‍ക്കാരുംനിലവില്‍ സൃഷ്ടിക്കപ്പെട്ടിരിക്കുന്ന അവസരം മികച്ച രീതിയില്‍ ഉപയോഗപ്പെടുത്താനുള്ള നീക്കത്തിലാണ് സര്‍ക്കാരും. ഇന്ധന കയറ്റുമതിക്ക് മേല്‍ ഇന്ത്യന്‍ സര്‍ക്കാര്‍ അടുത്തിടെ നല്‍കിയ രണ്ട് തുടര്‍ച്ചയായ നികുതിയിളവുകള്‍ കമ്പനികള്‍ക്ക് കൂടുതല്‍ ഇന്ധനം വിദേശത്തേക്ക് അയക്കാന്‍ പ്രോത്സാഹനമാകും.മുന്‍ മാസങ്ങളില്‍ മിഡില്‍ ഈസ്റ്റില്‍ നിന്നുള്ള ക്രൂഡ് ഓയില്‍ ഇറക്കുമതി കുറഞ്ഞിരുന്നുവെങ്കിലും, സെപ്റ്റംബറോടെ ഇത് റെക്കോര്‍ഡ് വേഗത്തില്‍ വര്‍ധിച്ചു. ഇത് സംസ്‌കരിക്കാനുള്ള ഇന്ധനത്തിന്റെ ലഭ്യത ഉറപ്പാക്കുന്നു.ശ്രദ്ധിക്കേണ്ട കാര്യങ്ങളും വെല്ലുവിളികളുംപുതിയ വിപണികള്‍ തേടുമ്പോഴും, ഇന്ത്യയില്‍ നിന്ന് സ്ഥിരമായി ഇന്ധനം വാങ്ങുന്ന സിംഗപ്പൂര്‍, ഓസ്ട്രേലിയ തുടങ്ങിയ വിശ്വസ്തരായ രാജ്യങ്ങള്‍ക്ക് മുടക്കമില്ലാതെ ഇന്ധനം നല്‍കാന്‍ ശ്രദ്ധിക്കേണ്ടതുണ്ട്.2026-ലെ ആദ്യ ഒമ്പത് മാസങ്ങളില്‍ ഇന്ത്യയുടെ ഇന്ധന കയറ്റുമതിയില്‍ മുന്‍ വര്‍ഷത്തെ അപേക്ഷിച്ച് 23% ഇടിവ് രേഖപ്പെടുത്തിയിരുന്നു. ഈ ഇടിവ് മറികടന്ന് പുതിയൊരു കുതിപ്പ് നടത്തുക എന്നത് ശ്രമകരമായ കാര്യമാണ്.ചൈനയുടെ കയറ്റുമതി നിരോധനമാണ് നിലവില്‍ ഇന്ത്യയ്ക്ക് അവസരം സൃഷ്ടിച്ചിരിക്കുന്നത്. ഇത് ഒരുപക്ഷേ താല്‍ക്കാലികമായിരിക്കാം. ചൈന വീണ്ടും വിപണിയില്‍ സജീവമാകുന്നതിന് മുമ്പ് പുതിയ രാജ്യങ്ങളുമായി നല്ല വാണിജ്യ ബന്ധം ഉണ്ടാക്കിയെടുക്കാന്‍ സാധിക്കണം.


Read News