ദീപാവലിക്ക് മുമ്പ് സ്വര്‍ണ്ണവില കൂപ്പുകുത്താം; ആഗോള ബാങ്കുകളുടെ മുന്നറിയിപ്പും നിക്ഷേപ തന്ത്രങ്ങളും

Gold Rate Today: ധന്‍തേരസ്, ദീപാവലി ഉത്സവകാല വാങ്ങലുകള്‍ക്ക് മുന്നോടിയായി സ്വര്‍ണ്ണവില യില്‍ വലിയ തിരുത്തല്‍ പ്രവചിച്ച് ആഗോള സാമ്പത്തിക ഭീമന്മാരായ ബാങ്ക് ഓഫ് അമേരിക്കയും HSBCയും. അന്താരാഷ്ട്ര വിപണിയില്‍ സ്വര്‍ണ്ണവില ഔണ്‍സിന് 3,750 ഡോളറിലേക്കും (ഇന്ത്യയില്‍ 10 ഗ്രാമിന് 1.15 ലക്ഷം രൂപ) താഴാമെന്നാണ് പുതിയ മുന്നറിയിപ്പ്. ധൃതിപിടിച്ച് പണം ചെലവഴിക്കുന്നതിന് മുമ്പ് നിക്ഷേപകരും ആഭരണപ്രിയരും ഈ പ്രവചനങ്ങള്‍ മനസിലാക്കേണ്ടതുണ്ട്.സ്വര്‍ണ്ണം ഇടിയുന്നുസ്വര്‍ണ്ണവില അതിന്റെ സമീപകാലത്തെ റെക്കോര്‍ഡ് ഉയരത്തില്‍ നിന്ന് താഴേക്ക് വീഴുകയാണ്. ദീപാവലി, ധന്‍തേരസ് തുടങ്ങിയ ഉത്സവ സീസണുകള്‍ക്ക് മുമ്പ് സ്വര്‍ണ്ണവില ഇനിയും കുറയാന്‍ സാധ്യതയുണ്ടെന്ന് വിദഗ്ധര്‍ വിലയിരുത്തുന്നു. എച്ച്.എസ്.ബി.സി (HSBC), ബാങ്ക് ഓഫ് അമേരിക്ക (Bank of America) തുടങ്ങിയ പ്രമുഖ ആഗോള ബാങ്കുകള്‍ സ്വര്‍ണ്ണവിലയെക്കുറിച്ചുള്ള തങ്ങളുടെ മുന്‍ പ്രവചനങ്ങള്‍ തിരുത്തി കഴിഞ്ഞു. വിലയില്‍ വലിയ തിരുത്തല്‍ അവര്‍ പ്രവചിക്കുന്നു.സ്വര്‍ണ്ണവില പ്രവചനങ്ങള്‍എച്ച്.എസ്.ബി.സി 2026-ലെ സ്വര്‍ണ്ണത്തിന്റെ ശരാശരി വില ഔണ്‍സിന് 4,560 ഡോളറില്‍ നിന്ന് 4,490 ഡോളറായി വെട്ടിച്ചുരുക്കി. ദീപാവലിക്ക് മുമ്പ് വിലയില്‍ ഇനിയും ഇടിവ് ഉണ്ടായേക്കാമെന്നാണ് നിഗമനം.ബാങ്ക് ഓഫ് അമേരിക്ക സ്വര്‍ണ്ണവില ഈ വര്‍ഷത്തെ അവസാന പാദത്തില്‍ ഔണ്‍സിന് 4,000 ഡോളറിന് താഴേക്ക് എത്തിയേക്കാമെന്ന് പ്രവചിക്കുന്നു. ഏകദേശം 3,750 ഡോളര്‍ വരെ താഴാമെന്ന് വിലയിരുത്തുന്നു. അതായത് ഇന്ത്യയില്‍ 10 ഗ്രാമിന് ഏകദേശം 1.15 ലക്ഷം രൂപ. നേരത്തെ ഔണ്‍സിന് 5,000 ഡോളര്‍ എത്തുമെന്നായിരുന്നു ഇവരുടെ പ്രവചനം.മിഡില്‍ ഈസ്റ്റ് പ്രശ്‌നങ്ങള്‍ തുടരുകയും, അസംസ്‌കൃത എണ്ണവില ബാരലിന് 150 ഡോളര്‍ വരെ എത്തുകയും ചെയ്താല്‍, 2027 -ല്‍ സ്വര്‍ണ്ണവില ഔണ്‍സിന് 3,500 ഡോളറായി വരെ കുറയാമെന്നും (10 ഗ്രാമിന് 1.08 ലക്ഷം രൂപ) ബാങ്ക് ഓഫ് അമേരിക്ക മുന്നറിയിപ്പ് നല്‍കുന്നു.സ്വര്‍ണ്ണവില കൂപ്പുകുത്താനുള്ള കാരണങ്ങള്‍അമേരിക്കന്‍ ട്രഷറി യീല്‍ഡിലെ കുതിച്ചുചാട്ടവും (10-വര്‍ഷ യീല്‍ഡ് 5.2% ന് മുകളില്‍ എത്തി), അമേരിക്കന്‍ കേന്ദ്ര ബാങ്കായ ഫെഡറല്‍ റിസര്‍വ് പലിശനിരക്ക് ഇനിയും വര്‍ദ്ധിപ്പിക്കുമെന്ന സൂചനകളുമാണ് സ്വര്‍ണ്ണത്തിന്റെ നില തെറ്റിച്ചത്.മിഡില്‍ ഈസ്റ്റിലെയും, യുഎസ്- ഇറാന്‍ പ്രശ്‌നങ്ങളുടെയും പശ്ചാത്തലത്തില്‍ ക്രൂഡ് ഓയില്‍ വില കുതിച്ചുയരുന്നത് ആഗോളതലത്തില്‍ പണപ്പെരുപ്പ ആശങ്ക വര്‍ദ്ധിപ്പിക്കുന്നു. ഇത് അമേരിക്കന്‍ ഡോളര്‍ കൂടുതല്‍ കരുത്താര്‍ജ്ജിക്കാന്‍ കാരണമായി. ഇതോടെ നിക്ഷേപകര്‍ സ്വര്‍ണ്ണം വിട്ട് പലിശ വാഗ്ദാനം ചെയ്യുന്ന ഓപ്ഷനുകള്‍ക്കു പിന്നാലെ പോയി.ഉയര്‍ന്ന എണ്ണവില ഊര്‍ജ്ജം ഇറക്കുമതി ചെയ്യുന്ന രാജ്യങ്ങളുടെ സമ്പദ്വ്യവസ്ഥയെ ബാധിക്കുന്നു. ഇത്തരം സാഹചര്യങ്ങളില്‍ സ്വന്തം കറന്‍സിയെയും, സമ്പദ്വ്യവസ്ഥയെയും സംരക്ഷിക്കാന്‍ തുര്‍ക്കി പോലുള്ള രാജ്യങ്ങളിലെ കേന്ദ്ര ബാങ്കുകള്‍ സ്വര്‍ണ്ണം വിറ്റഴിക്കാന്‍ നിര്‍ബന്ധിതരായി. ഇതും സ്വര്‍ണ്ണ വിലയെ താഴോട്ട് വലിക്കുന്നു.വില ഇടിയുന്ന സാഹചര്യത്തില്‍ ചെറുകിട നിക്ഷേപകര്‍ ഗോള്‍ഡ് ഇ.ടി.എഫുകളില്‍ നിന്ന് പണം പിന്‍വലിക്കുന്നതും വിലയിടിവിന് ആക്കം കൂട്ടുന്നു.വിദഗ്ധര്‍ നിര്‍ദേശിക്കുന്ന തന്ത്രങ്ങള്‍ധന്‍തേരസ്, ദീപാവലി ആഘോഷങ്ങള്‍ക്കായി ഇപ്പോള്‍ തന്നെ സ്വര്‍ണ്ണം വാങ്ങാന്‍ ഉദ്ദേശിക്കുന്നവര്‍ അല്‍പം കൂടി കാത്തിരിക്കുന്നതാണ് ഉചിതം. ഹ്രസ്വകാലാടിസ്ഥാനത്തില്‍ വില ഇനിയും കുറഞ്ഞേക്കാം. സ്വര്‍ണ്ണവില താഴോട്ട് പോകുന്ന അവസരങ്ങളില്‍ ചെറിയ അളവില്‍ സ്വര്‍ണ്ണം വാങ്ങി നിക്ഷേപിക്കുന്ന എസ്‌ഐപി തന്ത്രം ദീര്‍ഘകാല നിക്ഷേപകര്‍ക്ക് പ്രയോജനപ്പെടുത്താം.ഹ്രസ്വകാലത്തേക്ക് വില ഇടിയുന്നുണ്ടെങ്കിലും, ദീര്‍ഘകാലാടിസ്ഥാനത്തില്‍ സ്വര്‍ണ്ണം മികച്ച ഒരു നിക്ഷേപമായി തന്നെ തുടരുമെന്നാണ് വിദഗ്ധരുടെ വിലയിരുത്തല്‍. അതിനാല്‍ കയ്യിലുള്ള സ്വര്‍ണ്ണം പരിഭ്രാന്തരായി വിറ്റഴിക്കേണ്ടതില്ല.(മുകളില്‍ പറഞ്ഞ വിവരങ്ങള്‍ നിലവില്‍ ലഭ്യമായ വാര്‍ത്തകളുടെയും, റിപ്പോര്‍ട്ടുകളുടെയും അടിസ്ഥാനത്തില്‍ മാത്രമാണ്. ഇത് ഏതെങ്കിലും തരത്തിലുള്ള നിക്ഷേപ നിര്‍ദേശങ്ങളല്ല. സ്വന്തം നിലയില്‍ തീരുമാനങ്ങള്‍ എടുക്കുക.)


Read News