ഐപിഎസ് തലപ്പത്ത് വീണ്ടും മാറ്റം : മുതിർന്ന ഉദ്യോഗസ്ഥർക്ക് സ്ഥാനചലനം
കേരള പൊലീസ് ഹെഡ് ക്വാ‌ർട്ടേഴ്സ് ) (ഫയൽ ചിത്രം )
തിരുവനന്തപുരം: സംസ്ഥാനത്ത് ഐ.പി.എസ് തലത്തിൽ വീണ്ടും അഴിച്ചുപണി. സംസ്ഥാനത്തെ മുതിർന്ന ഐ.പി.എസ് ഉദ്യോഗസ്ഥരെ സ്ഥലംമാറ്റിയും പുതിയ തസ്തികകളിൽ നിയമിച്ചും പൊതുഭരണ വകുപ്പ് ഉത്തരവിറക്കി. ഒമ്പത് ഐ.പി.എസ് ഉദ്യോഗസ്ഥർക്കാണ് പുതിയ ചുമതലകൾ നൽകിയിട്ടുള്ളത്.
കൊല്ലം സിറ്റി പൊലീസ് കമ്മീഷണറായിരുന്ന എം. ഹേമലതയെ എറണാകുളം വിജിലൻസ് ആൻഡ് ആന്റി കറപ്ഷൻ ബ്യൂറോ സ്പെഷ്യൽ സെൽ എസ്‌പിയായി സ്ഥലംമാറ്റി. അശ്വതി ജിജിയെ തിരുവനന്തപുരം ക്രൈംബ്രാഞ്ച് സെൻട്രൽ യൂണിറ്റ്-IV എസ്‌പി തസ്തികയിൽനിന്ന് കൊല്ലം സിറ്റി ജില്ലാ പൊലീസ് മേധാവിയായി നിയമിച്ചു. എം ജെ സോജൻ എറണാകുളം വിജിലൻസ് സ്പെഷ്യൽ സെൽ എസ്‌പി തസ്തികയിൽനിന്ന് എറണാകുളം വിജിലൻസ് സെൻട്രൽ റേഞ്ച് എസ്‌പിയായി നിയമിച്ചു.
വി ജി വിനോദ് കുമാറിനെ ഇൻഫർമേഷൻ കമ്മ്യൂണിക്കേഷൻ ആൻഡ് ടെക്നോളജി എസ്‌പി തസ്തികയിൽനിന്ന് തിരുവനന്തപുരം സിവിൽ റൈറ്റ്സ് സംരക്ഷണ വിഭാഗം എസ്.പിയായി മാറ്റിനിയമിച്ചു. തിരുവനന്തപുരം റേഞ്ച് ഇക്കണോമിക് ഒഫൻസ് വിങ് എസ്‌പി ഷാഹുൽ ഹമീദ് എയെ സ്റ്റേറ്റ് സ്പെഷ്യൽ ബ്രാഞ്ച് എസ്‌പിയായി (ടെക്നിക്കൽ ഇന്റലിജൻസ്) നിയമിച്ചു. ദീപക് ധൻഖർ തിരുവനന്തപുരം സിറ്റി ഡെപ്യൂട്ടി പോലീസ് കമ്മീഷണർ (ലോ & ഓർഡർ-2) തസ്തികയിൽനിന്ന് സ്പെഷ്യൽ ആംഡ് പൊലീസ് കമാൻഡന്റായി സ്ഥലംമാറ്റി. യോഗേഷ് മണ്ടായ എസ്എപി കമാൻഡന്റ് തസ്തികയിൽനിന്ന് തിരുവനന്തപുരം സിറ്റി ഡെപ്യൂട്ടി പൊലീസ് കമ്മീഷണറായി നിയമിച്ചു.
പ്രജിഷ് തോട്ടത്തിൽ സ്റ്റേറ്റ് സ്പെഷ്യൽ ബ്രാഞ്ച് എസ്‌പി (അഡ്മിനിസ്ട്രേഷൻ) പദവിയിൽനിന്ന് മലപ്പുറം സ്പെഷ്യൽ ഓപ്പറേഷൻ ഗ്രൂപ്പ് എസ്‌പിയായി സ്ഥലംമാറ്റി. ശക്തി സിങ് ആര്യ റാപ്പിഡ് റെസ്പോൺസ് & റെസ്ക്യൂ ഫോഴ്സ് കമാൻഡന്റ് സ്ഥാനത്തുനിന്ന് കോഴിക്കോട് സിറ്റി ഡെപ്യൂട്ടി പോലീസ് കമ്മീഷണറായി ചുമതലയേൽക്കും.
English Summary
Kerala’s General Administration Department announced a major IPS-level reshuffle, transferring and assigning new responsibilities to nine senior police officers. M. Hemalatha moved from Kollam City Commissioner to Ernakulam Vigilance Special Cell, while Aswathy Jiji became Kollam City District Police Chief. Other key postings included shifts in Thiruvananthapuram, Ernakulam, and Malappuram, streamlining police administration.
RELATED TOPICS: IPS, KERALA IPS TRANSFER, IPS OFFICERS RESHUFFLE, SENIOR IPS OFFICERS TRANSFER, KERALA POLICE TRANSFER, KERALA POLICE
Read News ⏭️
