മെറിഡിയൻ 85-ാമത് ആനിവേഴ്സറി എഡിഷൻ പുറത്തിറക്കി ജീപ്പ്

മെറിഡിയന്റെ ഏറ്റവും പുതിയ 85–ാമത് ആനിവേഴ്സറി എഡിഷൻ പുറത്തിറക്കിയിരിക്കുകയാണ് ജീപ്പ്, 36.05 ലക്ഷം രൂപ എക്സ്-ഷോറൂം വിലയ്ക്കാണ് ഏഴ് സീറ്റർ എസ്‌യുവി വിൽപനയ്ക്ക് എത്തുന്നത്. ഇന്ത്യയിൽ വെറും 85 യൂണിറ്റുകൾ മാത്രം പ്രൊഡക്ഷനുള്ള വളരെ ലിമിറ്റഡ് മോഡലായിരിക്കും ഇത്. അംഗീകൃത ജീപ്പ് ഡീലർഷിപ്പുകളിലും ബ്രാൻഡിന്റെ ഔദ്യോഗിക വെബ്‌സൈറ്റിലും ബുക്കിങ് ഇതിനോടകം ആരംഭിച്ചിട്ടുണ്ട്.ഡാഷ്‌ബോർഡിൽ മായൻ ഗോൾഡ് ആക്‌സന്റുകളും കോൺട്രാസ്റ്റ് ഡീറ്റെയിലിംഗും വരുന്ന ഒരു ഓൾ-ബ്ലാക്ക് തീമാണ് ക്യാബിനിന് ലഭിക്കുന്നത്, ഇത് സ്റ്റാൻഡേർഡ് ഓവർലാൻഡിനേക്കാൾ ഇന്റീരിയറിന് ഒരു സ്പെഷ്യൽ ലുക്ക് നൽകുന്നു. കാർപെറ്റ് ഫ്ലോർ മാറ്റുകൾ, ആനിവേഴ്സറി ഡീക്കൽ കിറ്റുകൾ, ആംബിയന്റ് ലൈറ്റിംഗ്, പനോരമിക് സൺറൂഫിനായി ഒരു ഇല്യൂമിനേഷൻ പാക്കേജ് എന്നിവയുൾപ്പെടെയുള്ള ആക്‌സസറികൾ വാഗ്ദാനം ചെയ്യുന്ന ക്യൂറേറ്റഡ് 85–ാമത് ആനിവേഴ്സറി AXS പാക്കേജുകൾ വഴി ഉപഭോക്താക്കൾക്ക് തങ്ങളുടെ വാഹനങ്ങൾ കൂടുതൽ കസ്റ്റമൈസ് ചെയ്യാം.കൂടാതെ സ്‌പെഷ്യൽ എഡിഷനോടൊപ്പം, ജീപ്പ് ഇന്ത്യ ആദ്യമായി മെറിഡിയൻ ശ്രേണിയിൽ CARA AI അവതരിപ്പിച്ചു. 52 ഭാഷകളിൽ നാവിഗേഷൻ, ക്ലൈമറ്റ് അപ്‌ഡേറ്റുകൾ, കോളുകൾ, മ്യൂസിക്, വെഹിക്കിൾ ഫംഗ്ഷനുകൾ എന്നിവയ്‌ക്കായി വോയ്‌സ് അധിഷ്‌ഠിത ഇന്ററാക്ഷൻ CARA സാധ്യമാക്കുന്നു. CARA സിസ്റ്റം വരുന്ന സ്റ്റാൻഡേർഡ് മെറിഡിയന്റെ വില ഇപ്പോൾ 30.45 ലക്ഷം രൂപയിൽ നിന്നാണ് ആരംഭിക്കുന്നത്, മുൻ വിലയേക്കാൾ 45,000 രൂപ കൂടുതലാണിത്.


Sports ⏭️