ഗുണ്ടയുടെ കൊല: 27 കൊല്ലത്തിന് ശേഷം ‘പകരം വീട്ടി’ അന്ന് 2 വയസ്സുകാരനായിരുന്ന അനന്തരവൻ

മുംബൈ ∙ 1999ൽ അധോലോക ഗുണ്ട സാദിഖ് കാലിയയെ കൊലപ്പെടുത്താനായി പൊലീസിനു വിവരം നൽകിയയാളെ 27 വർഷത്തിനു ശേഷം കാലിയയുടെ അനന്തരവൻ കൊലപ്പെടുത്തി. പൊലീസ് ഏറ്റുമുട്ടലിൽ കാലിയ കൊല്ലപ്പെടുമ്പോൾ 2 വയസ്സു മാത്രമുണ്ടായിരുന്ന അനന്തരവൻ സാദിഖ് ജവാറും (29) കൂട്ടാളി നൗഷാദ് മിത്താനിയും (22) ചേർന്നാണ് കഴിഞ്ഞയാഴ്ച ഇഖ്ബാൽ ഇബ്രാഹിം സെലിയയെ (78) വീട്ടിൽ കയറി വെട്ടിക്കൊന്നത്. ഇരുവരെയും പൊലീസ് പിടികൂടി.


Source link