വെട്ടുകാട് തിരുനാൾ: 12 മുതൽ 22 വരെ നിയന്ത്രണങ്ങൾ; പാർക്കിങ്ങിന് കൂടുതൽ സൗകര്യങ്ങൾ
തിരുവനന്തപുരം വെട്ടുകാട് മാദ്രെ ദെ ദേവൂസ് പള്ളിയിലെ തിരുനാൾ ആഘോഷങ്ങളോടനുബന്ധിച്ച് അനുഭവപ്പെടുന്ന ഗതാഗത തടസ്സങ്ങൾ ഒഴിവാക്കാൻ വിപുലമായ ക്രമീകരണങ്ങൾ ഏർപ്പെടുത്തും. ഇതിന്റെ ഭാഗമായി കൂടുതൽ പാർക്കിങ് കേന്ദ്രങ്ങൾ സജ്ജമാക്കുന്നതിനൊപ്പം പള്ളിയുടെ സമീപത്തുള്ള വീടുകളിൽ വാഹനങ്ങൾ നിർത്തിയിടാനുള്ള സൗകര്യവും ഉറപ്പാക്കും. 12 മുതൽ 22 വരെ നീളുന്ന തിരുനാൾ കാലയളവിൽ കെഎസ്ആർടിസി അധികമായി 25 പ്രത്യേക സർവീസുകൾ നടത്താനും അവലോകന യോഗത്തിൽ തീരുമാനമായി.
അതേസമയം, നഗരപ്രദേശങ്ങളിലും തീരദേശങ്ങളിലും ലഹരിവിരുദ്ധ പരിശോധനകൾ ശക്തമാക്കാൻ മന്ത്രി സി.പി. ജോൺ നിർദേശം നൽകി. ലഹരി വസ്തുക്കളുടെയും നിരോധിത പാൻ മസാല ഉൽപന്നങ്ങളുടെയും വിൽപനയും ഉപയോഗവും പൂർണമായി ഇല്ലാതാക്കുന്നതിന് എക്സൈസ് വകുപ്പിന്റെ മേൽനോട്ടത്തിൽ ഷാഡോ ടീമുകളെയും സ്പെഷ്യൽ സ്ട്രൈക്കിങ് ഫോഴ്സിനെയും വിന്യസിക്കും. പുനർഗേഹം പദ്ധതി പ്രകാരം ഫ്ലാറ്റുകൾ അനുവദിച്ച ഗുണഭോക്താക്കളുടെ പഴയ വീടുകൾ പൊളിച്ചുമാറ്റുന്ന ജോലികൾ വേഗത്തിലാക്കാൻ ഫിഷറീസ് വകുപ്പിനും മന്ത്രി നിർദ്ദേശം നൽകിയിട്ടുണ്ട്.
