പ്രിയദർശിനി ഇംപാക്ട്: ആളില്ല, തൃശൂരിൽ നൂറോളം സ്വകാര്യ ബസുകൾ ഓട്ടം നിർത്തി

തൃശൂർ ∙ ജില്ലയിൽ ഇന്നലെ സർവീസ് നടത്താതിരുന്നത് നൂറോളം സ്വകാര്യ ബസുകൾ. ജി ഫോം കൊടുക്കാത്ത ബസുകളും ഇതിൽ ഉൾപ്പെടും. കെഎസ്ആർടിസി പ്രിയദർശിനി ബസുകൾ വന്നതോടെ സ്വകാര്യ ബസുകളിൽ ആളു കയറാത്ത അവസ്ഥയായതിനാലാണ് ബസുകൾ സർവീസ് ഉപേക്ഷിക്കുന്നത്. ഡീസൽ വിലവർധനയും സ്വകാര്യ ബസുകൾക്ക് ഇരട്ടി ആഘാതമായി. നിലവിൽ പകുതി ശമ്പളത്തിനാണ് ഒട്ടുമിക്ക റൂട്ടുകളിലെ ജീവനക്കാരും ജോലിയെടുക്കുന്നത്. ജീവനക്കാർ ജോലിയുപേക്ഷിക്കുമോ എന്ന ആശങ്കയുമുണ്ട് ബസുടമകൾക്ക്. സർക്കാർ ഇടപെടുമെന്ന പ്രതീക്ഷയിലാണ് ബസുകൾ ജി ഫോം കൊടുക്കാതിരിക്കുന്നതെന്നു കേരള സ്റ്റേറ്റ് പ്രൈവറ്റ് ബസ് ഓപ്പററ്റേഴ്സ് ഓർഗനൈസേഷൻ ജില്ലാ ജനറൽ സെക്രട്ടറി വി.എസ്.പ്രദീപ് പറഞ്ഞു.


Source link