മുഹമ്മദ് ഷമി രാജസ്ഥാൻ റോയൽസിലേക്ക്: ലക്നൗവിന് ലഭിച്ചത് വമ്പൻ തുക

മുംബൈ∙ മുതിർന്ന പേസ് ബോളർ മുഹമ്മദ് ഷമി ലക്നൗ സൂപ്പർ ജയന്റ്സ് വിട്ടു. താരങ്ങളെ നിലനിർത്തുന്നതിനുള്ള സമയപരിധി ഇന്ന് അവസാനിക്കാനിരിക്കെ, ഷമിയെ രാജസ്ഥാൻ റോയൽസിലേക്ക് കൈമാറാൻ ലക്നൗ തീരുമാനിക്കുകയായിരുന്നു. നിലവിലെ പ്രതിഫലത്തിൽ ഏകദേശം രണ്ടു കോടി രൂപയുടെ കുറവ് വരുത്തിയാണ് ഷമിയുടെ ഈ ടീം മാറ്റം. ലക്നൗവിൽ 10 കോടി രൂപ പ്രതിഫലം കൈപ്പറ്റിയിരുന്ന ഷമിക്ക്, രാജസ്ഥാൻ റോയൽസിൽ നിന്ന് ഒരു സീസണിലേക്ക് ലഭിക്കുക എട്ടു കോടി രൂപയായിരിക്കും.
നേരത്തെ ഗുജറാത്ത് ടൈറ്റൻസ്, കൊൽക്കത്ത നൈറ്റ് റൈഡേഴ്സ്, ഡൽഹി ക്യാപിറ്റൽസ്, പഞ്ചാബ് കിങ്സ്, സൺറൈസേഴ്സ് ഹൈദരാബാദ് എന്നീ ടീമുകളുടെ ജഴ്സിയിലും ഷമി കളത്തിലിറങ്ങിയിട്ടുണ്ട്. ഷമിയുടെ വരവ് ഇംഗ്ലീഷ് പേസർ ജോഫ്ര ആർചർക്കൊപ്പം രാജസ്ഥാന്റെ ബോളിങ് നിരയ്ക്ക് വലിയ കരുത്ത് പകരുമെന്നാണ് ടീം മാനേജ്മെന്റിന്റെ കണക്കുകൂട്ടൽ. അതേസമയം, പരുക്കിനെത്തുടർന്ന് സാം കറന് 2026 ഐപിഎൽ സീസണിൽ പങ്കെടുക്കാൻ സാധിച്ചിരുന്നില്ല.




