BUSINESS
വീട്ടിലിരുന്ന് എഐയെ മലയാളം പഠിപ്പിക്കാം; മണിക്കൂറിന് 1,700 രൂപ വരെ നേടാന് അറിയേണ്ട കാര്യങ്ങള്
AI Online Jobs Kerala: ലോകത്ത് പഠിക്കാനും, പഠിപ്പിക്കാനും പാടുള്ള ഭാഷകളില് ഒന്നാണ് മലയാളം എന്ന് പൊതുവേ പറയപ്പെടുന്നു. എല്ലാമറിയുന്ന എഐ പോലും മലയാളത്തില് തപ്പിതടയുന്നു. ലോകത്ത് അതിവേഗം വളരുന്ന ഇന്ത്യന് വിപണിയില് കേരളത്തിനും, മലയാളികള്ക്കുമുള്ള പങ്ക് ചെറുതല്ല. സാങ്കേതികവിദ്യയുടെ വളര്ച്ച മലയാളികള്ക്ക് മുന്നില് പുതിയൊരു തൊഴില് വസന്തമാണ് തുറക്കപ്പെടുന്നത്. സ്വന്തം മാതൃഭാഷാ പരിജ്ഞാനവും, ഇന്റര്നെറ്റും മാത്രം ഉപയോഗിച്ച് വീടുകളിലിരുന്ന് വിദേശ കമ്പനികളില് നിന്ന് വരെ മാന്യമായ വരുമാനം ഉണ്ടാക്കാം. സാങ്കേതിക ലോകത്ത് മലയാള ഭാഷയെ വളര്ത്തുന്നതോടൊപ്പം വ്യക്തിപരമായ സാമ്പത്തിക ഭദ്രത ഉറപ്പാക്കാനും ഈ അവസരങ്ങള് സഹായിക്കും.തൊഴില് സ്വഭാവവും അവസരങ്ങളും AI Trainer / Evaluator: ചാറ്റ്ജിപിടി, ജെമിനി തുടങ്ങിയ ജനറേറ്റീവ് എഐ മോഡലുകള് നല്കുന്ന മലയാളം ഉത്തരങ്ങളുടെ കൃത്യത പരിശോധിക്കുക, വ്യാകരണ തെറ്റുകള് തിരുത്തുക, മോഡലുകള്ക്ക് ശരിയായ ഉത്തരങ്ങള് എഴുതി നല്കുക. Language & RLHF Specialist: എഐ സിസ്റ്റങ്ങള്ക്ക് മലയാളത്തിലെ പഴഞ്ചൊല്ലുകള്, പ്രാദേശിക ഭാഷാവൈവിധ്യങ്ങള്, ശൈലികള്, സാംസ്കാരിക വിഷയങ്ങള് എന്നിവ പഠിപ്പിക്കുക. തെറ്റായ വിവരങ്ങള് നല്കാതിരിക്കാന് മോഡലുകളെ പരിശീലനത്തിലൂന്നിയ പ്രതികരണങ്ങള് വഴി മെച്ചപ്പെടുത്തുക.പ്രധാന തൊഴില് ദാതാക്കള് DataAnnotation.tech: മലയാളം എഐ ട്രെയിനര്, ട്രാന്സ്ലേറ്റര് തസ്തികകളിലേക്ക് ഫ്രീലാന്സ് അവസരങ്ങള് വാഗ്ദാനം ചെയ്യുന്നു. Outlier.ai: ഫ്രീലാന്സ് മലയാളം റൈറ്റര്, എഐ റെസ്പോണ്സ് ഇവാലുവേറ്റര് തസ്തികകള് വാഗ്ദാനം ചെയ്യുന്നു.Invisible Technologies: മലയാളം ലിംഗ്വിസ്റ്റിക് സ്പെഷ്യലിസ്റ്റ്, പ്രോംപ്റ്റ് എഞ്ചിനീയറിംഗ് പ്രോജക്റ്റുകള് എന്നിവ വാഗ്ദാനം ചെയ്യുന്നു. OpenTrain AI / Appen / OneForma: മലയാളം ഭാഷ കേന്ദ്രീകരിച്ചുള്ള ഡാറ്റ ലേബലിംഗ്, ലാംഗ്വേജ് അസസ്മെന്റ് പ്രോജക്റ്റുകള് വാഗ്ദാനം ചെയ്യുന്നു.ആര്ക്കാക്കെ അപേക്ഷിക്കാം?മലയാളത്തിലെ അവസരങ്ങള് ഉപയോഗപ്പെടുത്താന് നിങ്ങളുടെ മാതൃഭാഷ മലയാളമായിരിക്കണം. തെറ്റില്ലാതെ മലയാള, എഴുതാനും വായിക്കാനുമുള്ള മികച്ച കഴിവു വേണം. പ്രാദേശിക സാംസ്കാരിക അറിവ് ഉണ്ടായിരിക്കണം. കൂടാതെ പ്ലാറ്റ്ഫോമിലെ നിര്ദ്ദേശങ്ങള് മനസിലാക്കാനും, ഇംഗ്ലീഷില് റിപോര്ട്ടുകള് കുറിക്കാനും അടിസ്ഥാന ഇംഗ്ലീഷ് അറിവ് ആവശ്യമാണ്.ഏതെങ്കിലും വിഷയത്തില് ബിരുദം, മലയാളം ലിംഗ്വിസ്റ്റിക്സ്, ക്രിയേറ്റീവ് റൈറ്റിങ്, സയന്സ് പശ്ചാത്തലമുള്ളവര്ക്ക് കൂടുതല് മുന്ഗണന ലഭിക്കും. സ്വന്തമായി ലാപ്ടോപ്പ് അല്ലെങ്കില് കമ്പ്യൂട്ടര്, വേഗതയേറിയ ഇന്റര്നെറ്റ് കണക്ഷന് എന്നിവ ഉണ്ടായിരിക്കണം. വര്ക്ക് ഫ്രം ഹോം, പാര്ട്ട് ടൈം ജോലി ആഗ്രഹിക്കുന്ന ഫ്രീലാന്സര്മാര്, വിദ്യാര്ത്ഥികള്, വീട്ടമ്മമാര്, അധ്യാപകര് എന്നിവര്ക്ക് മികച്ച അവസരമാണ്.എത്ര രൂപ വരെ സമ്പാദിക്കാം?റിപ്പോര്ട്ടുകള് പ്രകാരം പ്രോജക്റ്റിന്റെ സ്വഭാവവും, നിങ്ങളുടെ അനുഭവപരിചയവും അനുസരിച്ച് മണിക്കൂറിന് 8 മുതല് 20+ ഡോളര് വരെ (ഇന്ത്യന് രൂപയില് ഏകദേശം 650 മുതല് 1,700+ വരെ) ലഭിക്കും. ലിംഗ്വിസ്റ്റിക്സില് ബിരുദാനന്തര ബിരുദമോ, പി.എച്ച്.ഡിയോ ഉള്ള ഉയര്ന്ന തസ്തികകള്ക്ക് മണിക്കൂറിന് 20 മുതല് 65 ഡോളര് വരെ പ്രതിഫലം കിട്ടാം. ആഴ്ചതോറും പ്രതിഫലം അക്കൗണ്ടിലെത്തും.അപേക്ഷിക്കേണ്ട വിധംDataAnnotation.tech, Outlier.ai, Invisible.co, OpenTrain.ai പോലുള്ള ഔദ്യോഗിക വെബ്സൈറ്റുകളില് അക്കൗണ്ട് തുടങ്ങി പ്രൊഫൈല് പൂര്ത്തിയാക്കുകയാണ് ആദ്യഘട്ടം. പ്രൊഫൈല് സമര്പ്പിച്ച ശേഷം ഭാഷാശേഷിയും യുക്തിചിന്തയും പരിശോധിക്കുന്ന ഓണ്ലൈന് യോഗ്യതാ പരീക്ഷകള് ഉണ്ടായിരിക്കും. അസസ്മെന്റ് വിജയിച്ചാല് ഐഡി വെരിഫിക്കേഷന് ശേഷം ലഭ്യമായ പ്രോജക്റ്റുകള് തിരഞ്ഞെടുത്ത് സ്വന്തം സൗകര്യാനുസരണം ജോലി ചെയ്ത് തുടങ്ങാം.(മുകളില് പറഞ്ഞ വിവരങ്ങള് നിലവില് ഓണ്ലൈനില് ലഭ്യമായ വിവരങ്ങളും, ഗൂഗിള് എഐ മോഡലായ ജെമിനിയുടെ നിര്ദേശങ്ങളും പ്രകാരമാണ്. കാര്യങ്ങളില് വ്യക്തത വരുത്തിയ ശേഷം മാത്രം പരിഗണിക്കുക. ഡിജിറ്റല് തട്ടിപ്പുകള് വര്ധിച്ചുവരുന്ന ഇക്കാലത്ത് ഓണ്ലൈന് അവസരങ്ങളില് കൂടുതല് ജാഗ്രത പാലിക്കേണ്ടതുണ്ട്.)
Read News
