ഓണക്കാലത്ത് 112 സ്പെഷ്യൽ ട്രെയിനുകൾ; ടിക്കറ്റ് ഉറപ്പിക്കാൻ ചില തന്ത്രങ്ങൾ, സ്വകാര്യ ബസുകളെക്കാൾ 70% വരെ തുക ലാഭിക്കാം

ഓണക്കാലത്ത് ഇന്ത്യൻ റെയിൽവെ കേരളത്തെ ബെംഗളൂരു, ചെന്നൈ, ഹൈദരാബാദ്, മംഗളൂരു, കൊൽക്കത്ത തുടങ്ങിയ പ്രധാന നഗരങ്ങളുമായി ബന്ധിപ്പിച്ച് 112 സ്പെഷ്യൽ ട്രെയിൻ സർവീസുകൾ പ്രഖ്യാപിച്ചു. ഉത്സവ സീസണുകളിൽ സ്വകാര്യ ബസ് ഓപ്പറേറ്റർമാർ മൂന്ന് ഇരട്ടി വരെ നിരക്ക് ഈടാക്കുമ്പോൾ, ഐ.ആർ.സി.ടി.സി ആപ്പ് വഴി ഈ സ്പെഷ്യൽ ട്രെയിനുകൾ ബുക്ക് ചെയ്യുന്നത് വഴി യാത്രാച്ചെലവിൽ 60-70% വരെ ലാഭിക്കാം. വെയ്റ്റിംഗ് ലിസ്റ്റ് നിറയുന്നതിന് മുൻപ് കൺഫേം ചെയ്ത സീറ്റുകൾ ഉറപ്പാക്കാൻ യാത്രക്കാർ സ്പെഷ്യൽ ട്രെയിൻ ക്വോട്ടകൾ, ബദൽ റൂട്ട് കോംബിനേഷനുകൾ, തത്കാൽ ടൈമിംഗ് സ്ട്രാറ്റജികൾ എന്നിവ കൃത്യമായി പ്രയോജനപ്പെടുത്തേണ്ടതുണ്ട്.ഓണത്തോടനുബന്ധിച്ച് കേരളത്തിലേക്ക് വരുന്നവരുടെയും മടങ്ങുന്നവരുടെയും സൗകര്യാർത്ഥമാണ് ഇന്ത്യൻ റെയിൽവെ സ്പെഷ്യൽ ട്രെയിൻ സർവീസുകൾ പ്രഖ്യാപിച്ചത്. യാത്രക്കാരുടെ തിരക്ക് നിയന്ത്രിക്കാനും സർവീസ് കാര്യക്ഷമമാക്കാനുമാണ് മുൻകൂട്ടിത്തന്നെ റെയിൽവേ സ്പെഷ്യൽ സർവീസുകൾ ആരംഭിക്കുന്നത്.കേരളത്തിലെ പ്രധാന നഗരങ്ങളെ തമിഴ്നാട്, കർണാടക, തെലങ്കാന, ആന്ധ്രാപ്രദേശ്, പശ്ചിമ ബംഗാൾ തുടങ്ങിയ അയൽ സംസ്ഥാനങ്ങളുമായി ബന്ധിപ്പിച്ചാണ് ഈ സർവീസുകൾ നടത്തുന്നത്. ചെന്നൈ, ബെംഗളൂരു, ഹൈദരാബാദ് തുടങ്ങിയ പ്രധാന ഐ.ടി/വ്യവസായ നഗരങ്ങളിൽ ജോലി ചെയ്യുന്ന മലയാളി യാത്രക്കാർക്ക് ഇത് വലിയ ആശ്വാസമാകും.പ്രധാന വിവരങ്ങൾആകെ സർവീസുകൾ: ഓണക്കാലത്ത് 112 സ്പെഷ്യൽ സർവീസുകളാണ് റെയിൽവേ നടത്തുക. പ്രധാന റൂട്ടുകൾ: ചെന്നൈ, ബെംഗളൂരു, മംഗളൂരു, ഹൈദരാബാദ്, വിശാഖപട്ടണം, കൊൽക്കത്ത എന്നിവിടങ്ങളിൽ നിന്ന് തിരുവനന്തപുരം, കൊച്ചി (എറണാകുളം), കോഴിക്കോട് തുടങ്ങിയ പ്രധാന സ്റ്റേഷനുകളിലേക്ക് പ്രത്യേക ട്രെയിനുകൾ ഉണ്ടാകും. അത്തച്ചമയം, തിരുവോണം തിരക്ക് കുറയ്ക്കാൻ നടപടി: ഓണാഘോഷത്തിന്റെ പ്രധാന ദിവസങ്ങളിലും അത്തച്ചമയത്തോടനുബന്ധിച്ചും യാത്രാത്തിരക്ക് വർദ്ധിക്കുന്നത് മുന്നിൽ കണ്ടാണ് ഈ ക്രമീകരണം.ടിക്കറ്റ് ഉറപ്പാക്കാൻ ചില പ്രായോ​​ഗിക മാർ​ഗങ്ങൾതിരക്ക് ഒഴിവാക്കുന്നതിനായി യാത്രക്കാർ മുന്നകൂട്ടി ടിക്കറ്റുകൾ ബുക്ക് ചെയ്യണമെന്ന് റെയിൽവേ അധികൃതർ നിർദ്ദേശിച്ചു. ഐ.ആർ.സി.ടി.സി (IRCTC) വെബ്‌സൈറ്റ് വഴിയും റെയിൽവേ റിസർവേഷൻ കൗണ്ടറുകൾ വഴിയും സ്പെഷ്യൽ ട്രെയിനുകളുടെ ബുക്കിംഗ് ലഭ്യമാണ്.1. ഐ.ആർ.സി.ടി.സിയിൽ ‘മാസ്റ്റർ ലിസ്റ്റ്’ (Master List) തയ്യാറാക്കിവെക്കുകടിക്കറ്റ് ബുക്കിംഗ് ആരംഭിക്കുന്നതിന് മുൻപ് തന്നെ നിങ്ങളുടെ ഐ.ആർ.സി.ടി.സി അക്കൗണ്ടിൽ My Profile > Master List എടുത്ത് യാത്രക്കാരുടെ പേര്, വയസ്സ്, ബർത്ത് പ്രിഫറൻസ്, ഐഡി വിവരങ്ങൾ എന്നിവ നൽകി സേവ് ചെയ്യുക.ബുക്കിംഗ് സമയത്ത് പേര് ടൈപ്പ് ചെയ്യുന്നതിന് പകരം ഈ ലിസ്റ്റിൽ നിന്ന് ‘Select’ ചെയ്താൽ വിലപ്പെട്ട നിമിഷങ്ങൾ ലാഭിക്കാം.2. തത്കാൽ ബുക്കിംഗ് സ്ട്രാറ്റജിഎ.സി ക്ലാസുകൾക്ക് രാവിലെ 10.00നും, സ്ലീപ്പർ ക്ലാസിന് രാവിലെ 11.00നും ബുക്കിംഗ് ആരംഭിക്കും. കൃത്യമായി സമയം ആരംഭിക്കുന്നതിന് 2 മിനിറ്റ് മുൻപ് ലോഗിൻ ചെയ്യുക. ഇന്റർനെറ്റ് വേ​ഗത ഇതിന് മുമ്പ് ഉറപ്പാക്കുക.തത്കാൽ ബുക്കിംഗിൽ ഏറ്റവും കൂടുതൽ സമയം നഷ്ടപ്പെടുന്നത് പണം അടയ്ക്കുമ്പോഴാണ്. അതിനാൽ UPI പ്ലാറ്റ്ഫോമുകളോ, IRCTC വാലറ്റോ ഉപയോഗിക്കുക. OTP ലഭിക്കാൻ കാത്തിരിക്കേണ്ടി വരില്ല എന്നതിനാൽ IRCTC വാലറ്റ് വഴി പേയ്‌മെന്റ് വളരെ വേഗത്തിൽ നടക്കും.3. സ്പെഷ്യൽ ട്രെയിൻ പ്രഖ്യാപനങ്ങൾ ശ്രദ്ധിക്കുകപതിവ് ട്രെയിനുകളിലെ ടിക്കറ്റുകൾ തീർന്നാലും റെയിൽവേ അവസാന നിമിഷങ്ങളിൽ ‘Onam Special Trains’ പ്രഖ്യാപിക്കാറുണ്ട്. റെയിൽവേയുടെ സോഷ്യൽ മീഡിയ പേജുകൾ (Southern Railway X/Facebook handle), വാർത്തകൾ എന്നിവ ശ്രദ്ധിക്കുകയും പ്രഖ്യാപനം വന്നാലുടൻ ബുക്ക് ചെയ്യുകയും ചെയ്യുക.4. ബദൽ മാർഗ്ഗങ്ങൾ നോക്കുകമൈ സ്റ്റേഷൻ മാറ്റി നോക്കുക എന്നതാണ് അടുത്ത ഒരു മാർ​ഗം. നിങ്ങൾ ഇറങ്ങേണ്ട പ്രധാന സ്റ്റേഷനിലേക്ക് ടിക്കറ്റ് ഇല്ലെങ്കിൽ, അതിന് തൊട്ടടുത്തുള്ള സ്റ്റേഷനുകളിലേക്ക് ടിക്കറ്റ് തിരയുക. ഉദാഹരണത്തിന് തൃശൂരിലേക്ക് ഇല്ലെങ്കിൽ എറണാകുളം അല്ലെങ്കിൽ ഷൊർണൂർ വരെ ടിക്കറ്റുകൾ നോക്കാവുന്നതാണ്.കണക്റ്റിംഗ് ട്രെയിനുകൾ പ്രയോജനപ്പെടുത്താനും ശ്രമിക്കാവുന്നതാണ്. നേരിട്ടുള്ള ട്രെയിനിൽ വെയിറ്റിംഗ് ലിസ്റ്റ് കൂടുതലാണെങ്കിൽ, ഇടയിലുള്ള പ്രധാന ജംഗ്ഷനുകൾ വഴി രണ്ട് ഭാഗങ്ങളായി ടിക്കറ്റ് എടുക്കാം. ഉദാഹരണത്തിന് ചെന്നൈ/കോയമ്പത്തൂർ വഴി, അല്ലെങ്കിൽ ഷൊർണൂർ ജം​ഗ്ഷൻ വഴിയുള്ള ടിക്കറ്റുകൾ നോക്കാം.5. ഓട്ടോമാറ്റിക് VIKALP സ്കീം തിരഞ്ഞെടുക്കുകടിക്കറ്റ് ബുക്ക് ചെയ്യുമ്പോൾ VIKALP ഓപ്ഷൻ നൽകുക. നിങ്ങൾ ബുക്ക് ചെയ്ത ട്രെയിനിൽ സീറ്റ് ലഭിച്ചില്ലെങ്കിൽ, അതേ റൂട്ടിലുള്ള മറ്റ് ട്രെയിനുകളിൽ ഒഴിവുള്ള സീറ്റുകളിലേക്ക് സിസ്റ്റം നിങ്ങളെ മാറ്റിത്തരുന്നതാണ്.


Read News