‘എന്തുകൊണ്ട് വിജിലൻസ് അന്വേഷണം ഇല്ല?’; മാസപ്പടി ഡയറിയിൽ വി ഡി സതീശന്റെ പേരും, വെളിപ്പെടുത്തലുമായി ഷോൺ ജോർജ്
വി ഡി സതീശൻ
തിരുവനന്തപുരം: മാസപ്പടി ഡയറിയിൽ മുഖ്യമന്ത്രി വി ഡി സതീശന്റെ പേരും ഉൾപ്പെട്ടിട്ടുണ്ടെന്ന് ബിജെപി നേതാവ് ഷോൺ ജോർജ്. എസ്എഫ്ഐഒ കോടതിയിൽ സമർപ്പിച്ച രേഖയുടെ ഭാഗം ഫേസ്ബുക്കിൽ പങ്കുവച്ചുകൊണ്ടാണ് ഷോണിന്റെ പ്രതികരണം. സിഎംആർഎൽ എംഡി എൻ ശശിധരൻ കർത്തയുടെ ഡയറിയുടെ പേജും ഫേസ്ബുക്കിൽ പങ്കുവച്ചിട്ടുണ്ട്. പ്രമുഖ യുഡിഎഫ്, എൽഡിഎഫ് നേതാക്കളുടെ പേര് ഡയറിയിൽ ഉണ്ടെന്നാണ് ഷോണിന്റെ ആരോപണം.
മാസപ്പടിക്കേസിന്റെ ഭാഗമായി എസ്എഫ്ഐഒ കോടതിയിൽ സമർപ്പിച്ച കുറ്റപത്രത്തിന്റെ അനുബന്ധമായി ചേർത്ത രേഖ എന്ന് സൂചിപ്പിച്ചുകൊണ്ടാണ് ഷോൺ ജോർജ് ഫേസ്ബുക്കിൽ പോസ്റ്റ് പങ്കുവച്ചിരിക്കുന്നത്. ‘എന്തുകൊണ്ട് വിജിലൻസ് അന്വേഷണം ഇല്ല? ഈ പേജിലെ കണക്കുകൾ പല ചോദ്യങ്ങൾക്കും മറുപടി നൽകുന്നതാണ് (വിവാദ കമ്പനിയുടെ മാനേജിംഗ് ഡയറക്ടറിൽ നിന്ന് പിടിച്ചെടുത്ത ഡയറിയിലെ എൻട്രികളിൽ ഒരു പേജ് ആണ് ഇത്, എസ്എഫ്ഐഒ കുറ്റപത്രത്തിൽ കോടതിയിൽ സമർപ്പിച്ച രേഖകളിൽ ഒന്ന് )’- പോസ്റ്റിൽ പറയുന്നു.
മുഖ്യമന്ത്രി വി ഡി സതീശന്റെ പേര് കൂടാതെ മന്ത്രി കെ മുരളീധരൻ, എംപി ഹൈബി ഈഡൻ, മുൻ മന്ത്രി കെ ബി ഗണേശ് കുമാർ, അന്തരിച്ച കോൺഗ്രസ് നേതാവ് ടി എം ജേക്കബ്, അൻവർ സാദത്ത്, ജോണി നെല്ലൂർ, ഷിബു ബേബി ജോൺ തുടങ്ങിയവരുടെ പേരും ഡയറിയിലുണ്ട്. പിണറായി, പന്ന്യൻ രവീന്ദ്രൻ, പി രാജീവ് തുടങ്ങിയ പേരുകളും പുറത്തുവിട്ട രേഖയിൽ ഉൾപ്പെടുന്നുണ്ട്. ഇത്തരത്തിൽ എല്ലാ രാഷ്ട്രീയപാർട്ടിയിലെയും സമുന്നതരായ നേതാക്കൾ ഉൾപ്പെടുന്നതിനാലാണ് വിജിലൻസ് അന്വേഷണം നടത്താൻ സർക്കാർ തയ്യാറാകാത്തതെന്നാണ് ഷോൺ ജോർജിന്റെ ആരോപണം.
English Summary
BJP leader Shone George claimed that Chief Minister V.D. Satheesan and several prominent UDF and LDF leaders are named in a diary allegedly linked to the monthly payment case. Sharing a page from documents submitted by the SFIO to court, George questioned the absence of a Vigilance probe and alleged that the government is avoiding an investigation because multiple political leaders are mentioned.
RELATED TOPICS: MASAPPADI DIARY, VD SATHEESAN, SHONE GEORGE, MONTHLY PAYMENT CASE, KERALA POLITICS
Read News ⏭️
