ഗാഡ്ജറ്റുകളോട് എന്നും ‘വീക്ക്നെസ്’; ഐഫോൺ 18 പ്രോ മാക്സ് സ്വന്തമാക്കി മമ്മൂട്ടി, അൺബോക്സിംഗ് വീഡിയോ വൈറൽ

മമ്മൂട്ടി

കൊച്ചി: ഗാഡ്ജറ്റുകളോടുള്ള താൽപര്യം പലപ്പോഴും പ്രകടിപ്പിച്ചിട്ടുള്ള നടൻ മമ്മൂട്ടിയുടെ കൈയിൽ ഇനി ഏറ്റവും പുതിയ ഐഫോൺ 18 പ്രോ മാക്സും. ഇന്ത്യയിൽ ഫോൺ വിൽപ്പന ആരംഭിച്ച ദിവസമാണ് മമ്മൂട്ടിയും പുതിയ ഐഫോൺ സ്വന്തമാക്കിയിരിക്കുന്നത്. മൊബൈൽ കിംഗ് കമ്പനിയുടെ എംഡി ഫയാസ് മമ്മൂട്ടിയുടെ വീട്ടിലെത്തി ഫോൺ കൈമാറുകയാണ് ചെയ്തത്.

മമ്മൂട്ടി പുതിയ ഐഫോൺ അൺബോക്സ് ചെയ്യുന്ന വീഡിയോയാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. പുതിയ ഫോണിനെക്കുറിച്ചുള്ള താരത്തിന്റെ പ്രതികരണങ്ങളും വീഡിയോയിൽ കാണാം. ഗാഡ്ജറ്റുകളോടുള്ള മമ്മൂട്ടിയുടെ താൽപര്യം ആരാധകർക്കിടയിലും നേരത്തെ തന്നെ ചർച്ചയായിട്ടുള്ളതാണ്.

ഇന്ത്യയിൽ ആപ്പിളിന്റെ ഐഫോൺ 18 പ്രോ,​ ഐഫോൺ 18 പ്രോ മാക്സ് മോഡലുകളുടെ വില്പന ഇന്നുമുതലാണ് ആരംഭിച്ചത്. ഈ മാസം 12 മുതൽ പ്രീ-ബുക്കിംഗ് ചെയ്ത മോഡലുകളാണ് ഇന്ന് ഉപഭോക്താക്കൾക്ക് ലഭ്യമായത്. മുൻപ് സാംസംഗ് ഗാലക്സി ഫോൾഡ് സ്വന്തമാക്കിയ സമയത്തെ മമ്മൂട്ടിയുടെ ദൃശ്യങ്ങളും ആരാധകർക്കിടയിൽ വലിയ രീതിയിൽ വൈറലായി മാറിയിരുന്നു.

English Summary

Mammootty has added the latest iPhone 18 Pro Max to his collection of gadgets on the day sales began in India. Mobile King MD Fayas reportedly delivered the phone to the actor at his residence. A video of Mammootty unboxing and reacting to the new iPhone has gone viral on social media. His interest in gadgets is well-known among fans.
RELATED TOPICS: MAMMOOTTY, IPHONE 18 PRO MAX, MAMMOOTTY IPHONE, IPHONE 18 PRO MAX UNBOXING, MAMMOOTTY GADGETS


Business ⏭️