സ്‌കാൽപ് സെൻസിറ്റീവാണോ? മുടി കളർ ചെയ്യുന്നതിന് മുമ്പ് അറിയേണ്ട കാര്യങ്ങൾ

മുഖത്തെ സെൻസിറ്റീവ് ചർമത്തെക്കുറിച്ച് നമ്മളിൽ പലർക്കും നല്ല ബോധ്യമുണ്ട്. അതുകൊണ്ടുതന്നെ സുഗന്ധരഹിത ക്ലെൻസറുകൾ തിരഞ്ഞെടുക്കുകയും, ഉൽപ്പന്നങ്ങളിലെ ചേരുവകൾ (Ingredients) പരിശോധിക്കുകയും ചെയ്യുന്ന ശീലവുമുണ്ട്. എന്നാൽ ഇതേ സെൻസിറ്റിവിറ്റി തലയോട്ടിയെയും (Scalp) ബാധിക്കാമെന്ന കാര്യം പലപ്പോഴും ഓർക്കാറില്ല. മുഖത്തെ ചർമം എളുപ്പത്തിൽ ചുവന്നുപോകുകയോ, ചൊറിച്ചിലോ, അലർജിയോ അനുഭവപ്പെടുകയോ ചെയ്യുന്നവരിൽ തലയോട്ടിയും അതേ രീതിയിൽ പ്രതികരിക്കാൻ സാധ്യതയുണ്ടെന്നാണ് ഡെർമറ്റോളജിസ്റ്റുകൾ പറയുന്നത്. അതിനാൽ മുടി കളർ ചെയ്യുമ്പോൾ നിറം മാത്രമല്ല, ഉപയോഗിക്കുന്ന ഉൽപ്പന്നത്തിലെ ഘടകങ്ങളും ശ്രദ്ധിക്കേണ്ടതുണ്ട്.തലയോട്ടി സെൻസിറ്റീവാണോ? തിരിച്ചറിയാനുള്ള വഴികൾ തലയോട്ടി പുറത്തുനിന്ന് നോക്കുമ്പോൾ ആരോഗ്യകരമായി തോന്നിയാലും ചില ലക്ഷണങ്ങൾ സെൻസിറ്റിവിറ്റിയെ സൂചിപ്പിക്കാം.ഹെയർ കളർ പ്രശ്‌നമാകുമ്പോൾ… പെർമനന്റ് ഹെയർ കളറുകളിൽ സാധാരണയായി ഉപയോഗിക്കുന്ന ചില രാസഘടകങ്ങളാണ് പ്രധാന കാരണം. അമോണിയ (Ammonia): ഇത് മുടിയുടെ പുറംപാളി തുറന്ന് നിറം മുടിയിലേക്ക് കടക്കാൻ സഹായിക്കുന്നു. എന്നാൽ ഇത് തലയോട്ടിയിൽ പുകച്ചിൽ, ചൊറിച്ചിൽ, അസ്വസ്ഥത എന്നിവയ്ക്ക് കാരണമാകാം. പി.പി.ഡി (PPD): പാരാ-ഫെനൈലിൻ ഡയാമിൻ (Para-Phenylenediamine-PPD) എന്ന ഘടകം ചിലരിൽ ശക്തമായ അലർജി ഉണ്ടാക്കാൻ സാധ്യതയുള്ളതാണ്. അലർജിക് കോൺടാക്ട് ഡെർമറ്റൈറ്റിസ് (Allergic Contact Dermatitis) പോലുള്ള പ്രശ്‌നങ്ങൾക്കും ഇത് കാരണമായേക്കാം. ഇതിനുപുറമെ സുഗന്ധവസ്തുക്കൾ, പ്രിസർവേറ്റീവുകൾ, സർഫാക്ടന്റുകൾ എന്നിവയും ചിലരിൽ തലയോട്ടിയെ പ്രകോപിപ്പിക്കാം.പാച്ച് ടെസ്റ്റ് നിർബന്ധം ഹെയർ കളർ ഉപയോഗിക്കുന്നതിന് മുമ്പ് പാച്ച് ടെസ്റ്റ് ചെയ്യണമെന്ന് വിദഗ്ധർ നിർദേശിക്കുന്നു. ചെവിക്കു പിന്നിലോ കൈയുടെ അകത്തെഭാഗത്തോ ചെറിയ അളവിൽ കളർ പുരട്ടി 24 മുതൽ 48 മണിക്കൂർ വരെ കാത്തുനോക്കുക. ചൊറിച്ചിൽ, ചുവപ്പ്, വീക്കം, എരിച്ചിൽ തുടങ്ങിയ ലക്ഷണങ്ങൾ ഉണ്ടെങ്കിൽ ആ ഉൽപ്പന്നം ഉപയോഗിക്കരുത്.സൗന്ദര്യവർധക മേഖലയിൽ ഇപ്പോൾ തലയോട്ടിയുടെ ആരോഗ്യത്തിന് പ്രാധാന്യം നൽകുന്ന ഉൽപ്പന്നങ്ങളാണ് കൂടുതൽ ശ്രദ്ധ നേടുന്നത്. അമോണിയയും പിപിഡിയും ഇല്ലാത്ത ഹെയർ കളറുകൾ, ഡെർമറ്റോളജിസ്റ്റ് ടെസ്റ്റുചെയ്ത ഫോർമുലകൾ, സ്‌കാൽപ്പിനെ സംരക്ഷിക്കുന്ന ഘടകങ്ങൾ ഉൾപ്പെടുത്തിയ ഉൽപ്പന്നങ്ങൾ എന്നിവ വിപണിയിൽ കൂടിവരികയാണ്. ഇവ തലയോട്ടിയിലെ അസ്വസ്ഥതകൾ കുറയ്ക്കാനും സംരക്ഷണപാളി നിലനിർത്താനും സഹായിക്കുമെന്ന് വിദഗ്ധർ പറയുന്നു.ഹെയർ കളർ തിരഞ്ഞെടുക്കുമ്പോൾ ശ്രദ്ധിക്കേണ്ടത്


Life Style ⏭️