RIL Q1 Results : ജൂൺ പാദഫലങ്ങൾ പ്രഖ്യാപിച്ച് റിലയൻസ് ഇൻഡസ്ട്രീസ്; വിവിധ സെഗ്മെന്റുകളുടെ പ്രകടനം ഇങ്ങനെ

വിപണി മൂല്യത്തിൽ ഇന്ത്യയിലെ ഏറ്റവും വലിയ കമ്പനിയായ റിലയൻസ് ഇൻഡസ്ട്രീസ് ജൂൺ പാദഫലങ്ങൾ (Q1FY27) പ്രഖ്യാപിച്ചു. മിക്സഡ് ആയ റിസൾട്ടാണ് കമ്പനി പുറത്തു വിട്ടിരിക്കുന്നത്. റിലയൻസിന്റെ അറ്റാദായം ജൂൺ പാദത്തിൽ 20,946 കോടി രൂപയാണ്. ഇത് കഴിഞ്ഞ വർഷത്തെ ജൂൺ പാദവുമായി താരതമ്യപ്പെടുത്തുമ്പോൾ (YoY) 22.4% താഴ്ച്ചയും, തൊട്ടു മുമ്പത്തെ 2026 മാർച്ച് പാദവുമായി താരതമ്യപ്പെടുത്തുമ്പോൾ (QoQ) 23.4% ഉയർച്ചയുമാണ്.കമ്പനിയുടെ വരുമാനം 3,11,850 കോടി രൂപയാണ്. ഇത് YoY അടിസ്ഥാനത്തിൽ 2,84,660 കോടി രൂപയിൽ നിന്ന് 10.6% ഉയർച്ചയാണ്. QoQ അടിസ്ഥാനത്തിൽ 2,98,621 കോടി രൂപയേക്കാൾ 4.4% വർധന കൂടിയാണിത്.കമ്പനിയുടെ പ്രൊഫിറ്റ് ആഫ്റ്റർ ടാക്സ് (PAT) 23,001 കോടി രൂപയാണ്. ഇത് YoY അടിസ്ഥാനത്തിൽ 30,681 കോടി രൂപയിൽ നിന്ന് 25% കുറവാണ്. അതേ സമയം QoQ അടിസ്ഥാനത്തിൽ PAT 20,616 കോടി രൂപയേക്കാൾ 11.6% വളർച്ച നേടി. ബിസിനസ് സെഗ്മെന്റുകൾകമ്പനിയുടെ ഓയിൽ-ടു-കെമിക്കൽ സെഗ്മെന്റാണ് ഏറ്റവും കൂടുതൽ നേട്ടം നൽകിയിരിക്കുന്നത്. റിലയൻസ് ഓയിൽ & ഗ്യാസ് ബിസിനസ് ഈ സെഗ്മെന്റിൽ 201,803 കോടി രൂപയുടെ റെക്കോർഡ് വരുമാനമാണുണ്ടായത്. കഴിഞ്ഞ വർഷത്തെ ജൂൺ പാദത്തിലെ 6,103 കോടി രൂപയിൽ നിന്ന് 30.4% വർധനയാണിത്. ജൂൺ പാദത്തിലെ EBITDA 17,010 കോടി രൂപയാണ്. ഇത് സമാന കാലയളവിൽ 17.2% വർധനവാണ്. ജിയോ ബി.പി ഇന്ത്യയിലുടനീളം 2,221 ഫ്യുവൽ സ്റ്റേഷനുകളാണ് ഓപ്പറേറ്റ് ചെയ്യുന്നത് റിലയൻസ് ജിയോ പ്ലാറ്റ്ഫോംസ്ജൂൺ പാദത്തിൽ 45,961 കോടി രൂപയുടെ വരുമാനമാണ് ഈ സെഗ്മെന്റ് നേടിയത്. ഇത് YoY അടിസ്ഥാനത്തിൽ 12% ഉയർച്ചയാണ്. സമാന കാലയളവിൽ EBITDA 15.1% വളർച്ചയോടെ 20,865 കോടി രൂപയായി മാറി. ARPU 215.6 രൂപയിലേക്ക് വർധന നേടി. അറ്റാദായം ഇക്കാലയളവിൽ 7,110 കോടി രൂപയിൽ നിന്ന് 9% വർധനയോടെ 7,764 കോടി രൂപയിലെത്തിറിലയൻസ് റീടെയിൽജൂൺ പാദത്തിൽ 90,408 കോടി രൂപയുടെ വരുമാനമാണ് റീടെയിൽ സെഗ്മെന്റിലുണ്ടായത്. ഇത് YoY അടിസ്ഥാനത്തിൽ 7.4% വളർച്ചയാണ്. കൺസ്യൂമർ ബ്രാൻഡ് ബിസിനസിന്റെ ഡീമെർജർ അഡ്ജസ്റ്റ്മെന്റിന് ശേഷമുള്ള കണക്കുകളിൽ 11.6% വർധനയാണ് നേടിയത്. ഇതേ കാലയളവിൽ EBITDA 1.1% താഴ്ച്ച നേരിട്ട് 6,309 കോടി രൂപയായി മാറി. EBITDA മാർജിൻ 7.9% എന്ന നിലയിലാണ്396 ദശലക്ഷത്തിലധികം രജിസ്റ്റേർഡ് കസ്റ്റമേഴ്സിനെ ലഭിച്ചു. ഇത് സമാന കാലയളവിൽ 10.6% വർധനയാണ്. 568 ദശലക്ഷം വിനിമയങ്ങളാണ് ഈ സെഗ്മെന്റുമായി ബന്ധപ്പെട്ട് നടന്നത്. ഇതേ കാലയളവിൽ 46% ഉയർച്ചയാണിത്. റിലയൻസ് ജിയോ സ്റ്റാർഡിജിറ്റൽ സർവീസസ് ബിസിനസിലും ശക്തമായ മൊമന്റമുണ്ടായി. YoY അടിസ്ഥാനത്തിൽ വരുമാനം 11.2% വളർന്ന് 46,900 കോടി രൂപയിലെത്തി. EBITDA ഇക്കാലയളവിൽ 16% ഉയർച്ചയോടെ 21,255 കോടി രൂപയായിട്ടും മാറി. കൂടുതൽ സബ്സക്രൈബേഴ്സിനെ ലഭിച്ചതു വഴി ARPU ഉയർന്നതാണ് ഇവിടെ കൂടുതലായി നേട്ടം നൽകിയിരിക്കുന്നത്.EBITDA YoY അടിസ്ഥാനത്തിൽ 30.7% വളർച്ചയാണ് നേടിയത്. ശരാശരി 530 ദശലക്ഷം പ്രതിമാസ ആക്ടീവ് ഉപയോക്താക്കളെയാണ് ജിയോ ഹോട്സ്റ്റാർ ജൂൺ പാദത്തിൽ നേടിയത്. 2026 ഇന്ത്യൻ പ്രീമിയർ ലീഗ് സീസണിൽ ഡിജിറ്റൽ വിഭാഗത്തിൽ മാത്രം 1.2 ബില്യൺ റീച്ച് ലഭിച്ചു. മുകേഷ് അംബാനിയുടെ വാക്കുകൾ…2027 സാമ്പത്തിക വർഷത്തിൽ റിലയൻസ് സ്ഥിരതയുള്ള തുടക്കമാണ് നേടിയിരിക്കുന്നതെന്ന് റിലയൻസ് ഇൻഡസ്ട്രീസ് ചെയർമാനും, മാനേജിങ് ഡയറക്ടറുമായ മുകേഷ് അംബാനി പറഞ്ഞു. എല്ലാ ബിസിനസുകളും ശക്തമായ പ്രകടനമാണ് നടത്തിയത്…തങ്ങളുടെ വൈവിദ്ധ്യവൽക്കരിക്കപ്പെട്ട ബിസിനസ് പോർട്ഫോളിയോ ഒരിക്കൽക്കൂടി കരുത്ത് പ്രകടമാക്കി. ഭൗമ-രാഷ്ട്രീയ സംഘർഷങ്ങൾ,കമ്മോഡിറ്റി വിപണിയിലെ അസ്ഥിരതകൾ തുടങ്ങിയ വെല്ലുവിളികൾക്കിടയിലാണ് റിലയൻസ് ശക്തി പ്രകടമാക്കിയതെന്നും അദ്ദേഹം പറഞ്ഞുറിലയൻസ് ഓഹരികൾഇന്ന് ജൂലൈ 17 വെള്ളിയാഴ്ച്ച, വാരാന്ത്യ ദിനത്തിൽ റിലയൻസ് ഇൻഡസ്ട്രീസ് ഓഹരികൾ 2.36% നേട്ടത്തോടെ 1,327.20 രൂപയിലാണ് എൻ.എസ്.ഇയിൽ ക്ലോസിങ് നടത്തിയിരിക്കുന്നത്. ഓഹരി വിപണിയുടെ പ്രവർത്തന സമയത്തിന് ശേഷമാണ് കമ്പനിയുടെ ജൂൺ പാദഫലങ്ങൾ പുറത്തു വരുന്നത്. നിലവിൽ 17,96,039 കോടി രൂപയാണ് റിലയൻസിന്റെ മാർക്കറ്റ് ക്യാപ്.Disclaimer: ഇവിടെ നൽകിയിരിക്കുന്നത് ഏതെങ്കിലും തരത്തിലുള്ള നിക്ഷേപ/വ്യാപാര നിർദേശങ്ങളല്ല, ലഭ്യമായ വിവരങ്ങളാണ്. നിക്ഷേപകർ സ്വന്തം ഉത്തരവാദിത്തത്തിൽ തീരുമാനങ്ങളെടുക്കുക


Read News