വയനാട്ടിലേത് മനുഷ്യനിർമിത ദുരന്തം; മണ്ണു കൂട്ടിയിട്ടതാണ് പ്രശ്നത്തിനു കാരണം: ടി. സിദ്ധിഖ്

തിരുവനന്തപുരം ∙ വയനാട് തുരങ്കപാത നിർമാണവുമായി ബന്ധപ്പെട്ട് അശാസ്ത്രീയമായി മണ്ണ് കൂട്ടിയിട്ടതാണു വലിയ ദുരന്തത്തിനു കാരണമായതെന്ന് കൃഷിമന്ത്രി ടി.സിദ്ദിഖ്. മനുഷ്യനിർമിത ദുരന്തമാണിത്. മണ്ണിടിച്ചിൽ അല്ലെന്നും മണ്ണു കൂട്ടിയിട്ടതാണ് പ്രശ്നങ്ങൾക്കു കാരണമായതെന്നും മന്ത്രി പറഞ്ഞു. കനത്ത മഴയിൽ അപകടത്തിനു സാധ്യതയുള്ളതിനാൽ കൊങ്കൺ റെയിൽവേ അധികൃതർ ഉൾപ്പെട്ട യോഗത്തിൽ മുന്നറിയിപ്പു നൽകിയിരുന്നതാണ്. എന്നാൽ വേണ്ട നടപടികൾ സ്വീകരിക്കുന്നതിൽ പാളിച്ച ഉണ്ടായി. ഇക്കാര്യം സർക്കാർ അന്വേഷിക്കുമെന്നും മന്ത്രി പറഞ്ഞു.മേപ്പാടി പഞ്ചായത്തിലെ കള്ളാടിയിൽ മണ്ണിടിച്ചിലിൽ പരുക്കേറ്റ് കിരൺകുമാർ, ദിലീപ്, സൂരജ് യാദവ്, സഞ്ജയ്, രജനീഷ്, തന്മയ് ഘോഷ് എന്നിവർ ആശുപത്രിയിൽ ചികിത്സ തേടിയിട്ടുണ്ടെന്നും മന്ത്രി പറഞ്ഞു. രണ്ട് എൻഡിആർഎഫ് സംഘങ്ങൾ അവിടേക്കു പോയിട്ടുണ്ട്. കൂടുതൽ പേർ കുടുങ്ങിയിട്ടുണ്ടോ എന്നാണ് ആദ്യഘട്ടത്തിൽ പരിശോധിക്കുന്നത്. ജില്ലാ കലക്ടറും അഗ്നിശമന സേനയും രംഗത്തെത്തിയിട്ടുണ്ടെന്നും മന്ത്രി പറഞ്ഞു. തുരങ്കപാതയുടെ പ്രവൃത്തികൾ നിർത്തിവയ്ക്കണമെന്നും അവിടെയുള്ള എട്ടു കുടുംബങ്ങളെ മാറ്റി പാർപ്പിക്കണമെന്നു നിർദേശിച്ചിരുന്നുവെന്നും മന്ത്രി പറഞ്ഞു.


Source link