CINEMA
പ്രണവ്, കല്യാണി വിവാഹം ഉടൻ? വിഷു വിശേഷങ്ങൾക്കിടെ പ്രണയവാർത്തയിൽ പ്രതികരിച്ച് നടി ലിസി
‘ഹൃദയം’,’വർഷങ്ങൾക്കുശേഷം’ തുടങ്ങിയ സിനിമകളിലെ ഓൺസ്ക്രീൻ കെമിസ്ട്രി ഹിറ്റായതിനുശേഷം ആരാധകർ ഏറ്റെടുത്ത താരജോഡികളാണ് പ്രണവ് മോഹൻലാലും കല്യാണി പ്രിയദർശനും. ഇരുവരും തമ്മിൽ പ്രണയത്തിലാണെന്ന തരത്തിലെ വാർത്തകളും അടുത്തിടെ പ്രചരിച്ചിരുന്നു. ഇപ്പോഴിതാ വിഷയത്തിൽ പ്രതികരിച്ചിരിക്കുകയാണ് കല്യാണിയുടെ അമ്മയും നടിയുമായ ലിസി. ഒരു കമന്റിന് മറുപടിയായാണ് താരം മകളുടെ പ്രണയവാർത്തകളിൽ പ്രതികരിച്ചത്. ‘എല്ലാവർക്കും സമൃദ്ധിയും ഐശ്വര്യവും ആരോഗ്യവും സന്തോഷവും നിറഞ്ഞ ഒരു വിഷു ആശംസിക്കുന്നു’ എന്ന് വിഷുക്കണിയുടെ ചിത്രം പങ്കുവച്ച് ലിസി ഇൻസ്റ്റാഗ്രാമിൽ ആശംസകൾ നേർന്നിരുന്നു. ഇതിനുതാഴെയാണ് ഒരാൾ കല്യാണി – പ്രണവ് പ്രണയത്തെക്കുറിച്ച് കമന്റ് ചെയ്തത്. കല്യാണിയുടെയും പ്രണവിന്റെയും വിവാഹത്തിനായി കാത്തിരിക്കുന്നുവെന്നായിരുന്നു കമന്റ്. ഇതിന് ‘വ്യാജ വാർത്ത’ എന്നാണ് ലിസി പ്രതികരിച്ചിരിക്കുന്നത്.
Source link
