CINEMA
ദ്രാവിഡ വാക്ക് അണ്ണാ ഡി.എം.കെ ഉപയോഗിക്കരുത്: സ്റ്റാലിൻ
ചെന്നൈ: അണ്ണാദുരൈ,ദ്രാവിഡ എന്നീ വാക്കുകൾ അണ്ണാ ഡി.എം.കെ ഉപയോഗിക്കരുതെന്ന് ഡി.എം.കെ പ്രസിഡന്റും തമിഴ്നാട് മുഖ്യമന്ത്രിയുമായ എം.കെ സ്റ്റാലിൻ. ചെങ്കൽപ്പട്ടവിൽ നടന്ന തിരഞ്ഞെടുപ്പ് പ്രചാരണ റാലിയിൽ സംസാരിക്കുകയായിരുന്നു അദ്ദേഹം. അണ്ണാദുരൈയുടെ ചിത്രമാണ് അണ്ണാ ഡി.എം.കെ പതാകയിലുള്ളത്.ഡി.എം.കെ എന്നാൽ വികസനം എന്നാണ്. ഡി.എം.കെയുടെ വികസന പദ്ധതികൾ അറിയാൻ,ചെന്നൈ,കാഞ്ചീപുരം,ചെങ്കൽപ്പട്ട് ജില്ലകൾ സന്ദർശിച്ചാൽ മതി. മരണത്തെ അഭിമുഖീകരിക്കാത്തവരില്ല. അത് എല്ലാവരിലേക്കും വരുന്നു. സ്റ്റാലിനും മണ്ണിൽ കുഴിച്ചിടപ്പെടും. എന്നാൽ സ്റ്റാലിൻ കൊണ്ടുവന്ന പദ്ധതികൾ മണ്ണിൽ കുഴിച്ചിടാനാവില്ല. ഈ പദ്ധതികൾ നിലനിൽക്കുന്നിടത്തോളം കാലം സ്റ്റാലിൻ ഈ നാട് ഭരിക്കും- അദ്ദേഹം പറഞ്ഞു.അധികാരത്തിലായാലും ഇല്ലെങ്കിലും ഞാൻ എപ്പോഴും കളത്തിലുണ്ട്. കൊവിഡ് കാലഘട്ടത്തെ ഡി.എം.കെ എങ്ങനെ കൈകാര്യം ചെയ്തുവെന്ന് എല്ലാവർക്കും അറിയാം. എന്നാൽ കൊള്ളയടിക്കാനുള്ള അവസരമായാണ് അണ്ണാ ഡി.എം.കെ കണ്ടത്. ചെന്നൈയിൽ എന്തെങ്കിലും നാശനഷ്ടങ്ങൾ ഉണ്ടായപ്പോഴെല്ലാം ഡി.എം.കെയാണ് ആദ്യം സഹായിച്ചത്. വെള്ളപ്പൊക്ക സമയത്ത് ദുരിതാശ്വാസ സാമഗ്രികളിൽ സ്റ്റിക്കറുകൾ ഒട്ടിക്കുകയായിരുന്നു അണ്ണാ ഡി.എം.കെ. എ.ഐ.എ.ഡി.എം.കെയാണ്.ഇ.പി.എസിനു മാത്രമല്ല അദ്ദേഹത്തിനെ ബാധിച്ചിരുന്ന ആർ.എസ്.എസ് ശാപവും ഞങ്ങളെ ഒന്നും ചെയ്യില്ല. എന്റെ ജീവിതത്തിന്റെ അവസാന ശ്വാസം വരെ ഞാൻ തമിഴ്നാടിനുവേണ്ടി പ്രവർത്തിക്കുമെന്നും അദ്ദേഹം പറഞ്ഞു.
Source link
