കടയിൽ സിസിടിവി സ്ഥാപിച്ചു; സൈനിക നീക്കങ്ങൾ പാക്കിസ്ഥാന് ചോർ‍ത്തി, അറസ്റ്റ്

ന്യൂഡൽഹി∙ പഞ്ചാബിലെ പത്താൻകോട്ടിൽ ചാരവൃത്തി നടത്തിയ ഒരു ശൃംഖലയെ പഞ്ചാബ് പൊലീസ് കണ്ടെത്തി. ഇന്ത്യൻ സൈന്യത്തിന്റെയും അർധസൈനിക വിഭാഗങ്ങളുടെയും നീക്കങ്ങളെക്കുറിച്ചുള്ള രഹസ്യവിവരങ്ങൾ പാക്കിസ്ഥാന് ചോർത്തി നൽകിയതിന് ഒരാളെ അറസ്റ്റ് ചെയ്തു.ജനുവരിയിൽ സുജാൻപുരിന് സമീപമുള്ള ഹൈവേയിലെ ഒരു കടയിൽ താൻ ഇന്റർനെറ്റ് അധിഷ്ഠിത സിസിടിവി ക്യാമറ സ്ഥാപിച്ചതായി ബൽജിത് സിങ് ചോദ്യം ചെയ്യലിൽ സമ്മതിച്ചു. ദുബായിലുള്ള അപരിചിതനായ ഒരാളിൽ നിന്നും ബൽജിത് സിങിനു നിർദ്ദേശങ്ങൾ ലഭിച്ചിരുന്നു. ഇതിനായി ഇയാൾക്ക് 40,000 രൂപയും ലഭിച്ചു. ഒരു സിസിടിവി ക്യാമറയും ഇന്റർനെറ്റ് വൈഫൈ റൂട്ടറും പൊലീസ് കണ്ടെടുത്തു.


Source link