test del 5 copy of del 3
തോൽവി അപ്രതീക്ഷിതം, വീഴ്ചകൾ തിരുത്തും; ഈ ജനവിധി അവസാനമല്ല: നാലാം നാൾ പ്രതികരിച്ച് പിണറായി
തിരുവനന്തപുരം∙ നിയമസഭാ തിരഞ്ഞെടുപ്പില് സിപിഎമ്മിനു നേരിട്ട വന് പരാജയത്തില് ഒടുവില് പ്രതികരിച്ച് പിണറായി വിജയന്. തിരഞ്ഞെടുപ്പ് ഫലം വന്ന് നാലാം ദിവസമാണ് ഇതു സംബന്ധിച്ച് പിണറായി വിജയന്റെ പ്രസ്താവന വരുന്നത്. തെരഞ്ഞെടുപ്പില് ഉണ്ടായ ജനവിധിയെ ആദരവോടെ സ്വീകരിക്കുന്നുവെന്നും വിജയം നേടിയ യുഡിഎഫിനെ അഭിനന്ദിക്കുന്നുവെന്നും പിണറായി പ്രസ്താവനയില് പറയുന്നു. ഉത്തരവാദിത്തമുള്ള പ്രതിപക്ഷമായി പ്രവര്ത്തിക്കുകയാണ് എല്ഡിഎഫിന്റെ ലക്ഷ്യം. ജനങ്ങളുടെ ജീവിതനിലവാരം ഉയര്ത്തുന്ന ഏത് നല്ല നടപടിയെയും പിന്തുണക്കും. അതേസമയം, ജനവിരുദ്ധമായ തീരുമാനങ്ങള്ക്കെതിരെ ശക്തമായി പ്രതികരിക്കും. കേരളത്തിന്റെ മതനിരപേക്ഷതയും ബഹുസ്വരതയും സംരക്ഷിക്കുക എന്നത് എല്ഡിഎഫിന്റെ അടിസ്ഥാന നിലപാടാണ്. ഈ തിരഞ്ഞെടുപ്പിലെ ചില സൂചനകള് മതനിരപേക്ഷത സംരക്ഷിക്കണം എന്ന് ആഗ്രഹിക്കുന്നവരെ ആശങ്കപ്പെടുത്തുന്നതാണ്. ബിജെപി മൂന്ന് സീറ്റുകള് നേടിയത് ഗൗരവതരമാണ്. ഒരു വര്ഗീയതയോടും സന്ധി ചെയ്യാതെ വിഭജന രാഷ്ട്രീയത്തിനെതിരെ പോരാട്ടം തുടരും.നവകേരള നിര്മാണത്തിനായി എല്ഡിഎഫ് മുന്നോട്ടുവെച്ച കാഴ്ചപ്പാടുകള് – വിജ്ഞാന സമ്പദ്വ്യവസ്ഥ, യുവജന തൊഴില്, സാമൂഹ്യനീതി, പൊതുആരോഗ്യവും വിദ്യാഭ്യാസവും – ഇവയെല്ലാം ഇനി മുന്നോട്ടുപോകുമെന്ന് ശക്തമായ പ്രതിപക്ഷ നിലപാടിലൂടെ ഉറപ്പാക്കും. അതിദാരിദ്ര്യ നിര്മാര്ജനവും സ്ത്രീശക്തീകരണവും സാമൂഹ്യസുരക്ഷയും ഉള്പ്പെടെയുള്ള മേഖലകളില് ഞങ്ങള് മുന്നോട്ടുവെച്ച നയങ്ങള് ജനങ്ങള്ക്ക് ആവശ്യമായവയാണ്. അവ നടപ്പിലാക്കുന്നതിനായി പുതിയ സര്ക്കാരിന്മേല് ജനാധിപത്യ സമ്മര്ദ്ദം ചെലുത്തും.
Source link
