NEWS

ടാറ്റ സൺസ് ഓഹരി തർക്കം: നോയൽ ടാറ്റയ്ക്കെതിരെ ജിമ്മി ടാറ്റയുടെ നിയമപോരാട്ടം

ടാറ്റ ഗ്രൂപ്പിലെ ആഭ്യന്തര തർക്കങ്ങൾ കൂടുതൽ സങ്കീർണ്ണമായ തലത്തിലേക്ക് നീങ്ങുകയാണ്. ടാറ്റ ട്രസ്റ്റുകളുടെ നിലവിലെ ചെയർമാനായ നോയൽ ടാറ്റയ്ക്കെതിരെ കടുത്ത വിമർശനവുമായി രത്തൻ ടാറ്റയുടെ ഇളയ സഹോദരനും നോയലിന്റെ അർധസഹോദരനുമായ ജിമ്മി ടാറ്റ (85) രംഗത്തെത്തിയിരിക്കുന്നു. സഹട്രസ്റ്റികൾക്ക് അയച്ച കത്തിലൂടെയാണ് അദ്ദേഹം തന്റെ അതൃപ്തി പരസ്യമാക്കിയത്.

ടാറ്റ സൺസിന്റെ ഓഹരികൾ വിപണിയിൽ ലിസ്റ്റ് ചെയ്യണമെന്ന നിർദ്ദേശത്തിന് ജിമ്മി ടാറ്റ പൂർണ്ണ പിന്തുണ പ്രഖ്യാപിച്ചു. കൂടാതെ, എൻ. ചന്ദ്രശേഖരനെ ചെയർമാനായി വീണ്ടും നിയമിക്കാനുള്ള തീരുമാനത്തെയും അദ്ദേഹം അനുകൂലിച്ചു. എന്നാൽ, ടാറ്റ ട്രസ്റ്റുകളിൽ കുടുംബത്തിന്റെ പിടിമുറുക്കാൻ നോയൽ ടാറ്റ ബോധപൂർവ്വം ശ്രമിക്കുന്നുണ്ടെന്ന് ജിമ്മി കുറ്റപ്പെടുത്തി. ജീവകാരുണ്യ പ്രവർത്തനങ്ങൾക്കായി രൂപീകരിച്ച ഈ ട്രസ്റ്റുകളിൽ കുടുംബാധിപത്യം കൊണ്ടുവരാനാണ് നോയലിന്റെ ശ്രമമെന്നും, ഇതിലൂടെ പിൻവാതിലിലൂടെ ടാറ്റ സൺസിന്റെ നിയന്ത്രണം കൈക്കലാക്കാനാണ് അദ്ദേഹം ലക്ഷ്യമിടുന്നതെന്നും ജിമ്മി ടാറ്റ കത്തിൽ വ്യക്തമാക്കുന്നു.

Fashion ⏭️

Back to top button