Semicon 2.0: ആഗോള സെമി കൺഡക്ടർ വിപണി പിടിക്കാൻ ‘ചാണക്യ തന്ത്രങ്ങളുമായി’ ഇന്ത്യ; യു.എസ് അടക്കമുള്ള രാജ്യങ്ങൾ ക്യൂ നിൽക്കും

ഇന്ത്യൻ സെമി കൺഡക്ടർ മേഖലയിൽ വലിയ വിപ്ലവമാണ് നടന്നു കൊണ്ടിരിക്കുന്നത്. ഏതാനും വർഷങ്ങൾക്കകം യു.എസ് അടക്കമുള്ള വികസിത രാജ്യങ്ങൾ ഈ മേഖലയിൽ ഭാരതത്തിന്റെ ഉപഭോക്താക്കളായി മാറാനുള്ള സാധ്യതകളാണുള്ളത്. നിലവിൽ ‘ ആത്മനിർഭർ ഭാരത് ‘ പദ്ധതിക്ക് ഉണർവേകി ‘Semicon 2.0’ വഴി ദീർഘകാലാടിസ്ഥാനത്തിൽ പോളിസി സപ്പോർട്ട് ഉറപ്പാക്കിയിരിക്കുകയാണ് സർക്കാർ. സെമികോൺ 2.0 മെയ്ഡ് ഇൻ ഇന്ത്യ ചിപ്പുകളുടെ വൻ തോതിലുള്ള ഉല്പാദനത്തിലൂടെ ഇന്ത്യയെ ഒരു പ്രൊഡക്ട് നേഷൻ ആക്കി മാറ്റാനുള്ള ലക്ഷ്യമാണ് ഈ പദ്ധതിക്കുള്ളത്. ചിപ് ഡിസൈൻ, ബൗദ്ധിക സ്വത്തവകാശം എന്നിവയിൽ മെയ്ഡ് ഇൻ ഇന്ത്യ ലേബൽ പതിപ്പിക്കുകയാണ് ലക്ഷ്യം. പ്രധാനമായും ആറ് സെമി കൺഡക്ടർ സെഗ്മെന്റുകൾ വഴി തദ്ദേശീയ IP ഡെവലപ്മെന്റാണ് സർക്കാർ ലക്ഷ്യമിടുന്നത്. RF, കമ്പ്യൂട്ട്, മെമ്മറി, പവർ മാനേജ്മെന്റ്, സെൻസേഴ്സ് & നെറ്റ് വർക്ക് എന്നിവയാണ് ഈ സെഗ്മെന്റുകൾ. ഇത്തരത്തിൽ രാജ്യത്തിന്റെ ഇലക്ട്രോണിക്സ് & ഡിഫൻസ് മാനുഫാക്ചറിങ് മേഖലയ്ക്ക് കരുത്തു പകരുകയും ലക്ഷ്യമാണ്. ‘സെമി കൺഡക്ടർ ഹബ്ബ്’ ആകുന്ന ഇന്ത്യഅസംബ്ലി & സർവീസസ് എന്ന ‘ക്ലീഷേ’യിൽ നിന്ന് പറത്തു കടന്ന് ഒരു ‘സെമി കൺഡക്ടർ ഹബ്ബ്’ അഥവാ ‘ഉല്പാദക രാജ്യം’ എന്ന നിലയിലേക്ക് പരിവർത്തനം ചെയ്യുകയാണ് ഇന്ത്യയുടെ ലക്ഷ്യം. ഇതിന് വേണ്ടിയാണ് ആഭ്യന്തര തലത്തിൽ ചിപ് ഡിസൈൻ ശേഷി വികസിപ്പിക്കുന്നത്. ക്യാപിറ്റൽ എക്വിപ്മെന്റ്, ഡീപ് ടെക് സ്റ്റാർട്ടപ്പുകൾ, ഐ.പി ക്രിയേഷൻ എന്നിവയ്ക്ക് അതീവ പ്രധാന്യം നൽകും. ഇത്തരത്തിൽ ഇറക്കുമതി ആശ്രിതത്ത്വം കുറയ്ക്കുക, സ്വയം പര്യാപ്തത വർധിപ്പിക്കുക എന്നിവയും ലക്ഷ്യമാണ്. പ്രധാനമായും ഡ്രോണുകൾ, മിസൈലുകൾ എന്നിവയുമായി ബന്ധപ്പെട്ട് മെയ്ഡ് ഇൻ ഇന്ത്യ ശ്രമങ്ങൾ ഊർജ്ജിതമായി നടന്നു കൊണ്ടിരിക്കുന്നുഇപ്പോൾത്തന്നെ വിശ്വാസത്തിലെടുക്കാവുന്ന ഒരു സെമി കൺഡക്ടർ സപ്ലെയർ എന്ന നിലയിൽ യുഎസ് അടക്കമുള്ള വിദേശ രാജ്യങ്ങൾ ഇന്ത്യയെ നോക്കിക്കാണുന്നുണ്ട്. 2029 വർഷത്തോടെ മെയ്ഡ് ഇൻ ഇന്ത്യ ചിപ്പുകളുമായി ബന്ധപ്പെട്ട് ഇന്ത്യ വിപണിയിൽ അധീശത്വം നേടുമെന്നും വിലയിരുത്തപ്പെടുന്നുഉയർന്ന ക്വാളിറ്റി, താരതമ്യേന കുറഞ്ഞ ചെലവ് എന്നിവയിലൂടെ ആഗോള തലത്തിൽ കനത്ത വിപണി മത്സരം സൃഷ്ടിക്കാൻ ഇന്ത്യയ്ക്ക് സാധിക്കുമെന്നാണ് കണക്കു കൂട്ടൽ. ആഗോള തലത്തിലെ ഭീമൻ കമ്പനികൾ തങ്ങൾക്ക് ആവശ്യമായ ചിപ്പുകൾ സ്വയം ഡിസൈൻ ചെയ്യുകയാണ്. അതേ സമയം, മറ്റ് കമ്പനികളെല്ലാം ഇൻഡസ്ട്രി ആവശ്യങ്ങൾക്കായി സ്റ്റാൻഡേർഡ് ചിപ്പുകളാണ് ഉപയോഗിക്കുന്നത്. ഈ വിപണി സാധ്യത നേട്ടമാക്കാനാണ് ഇന്ത്യ ശ്രമിക്കുക. സെമി കൺഡക്ടറുകളുടെ പ്രാധാന്യവും, ഇന്ത്യയുംസെമി കൺഡക്ടർ മേഖലയിൽ ലോകത്തെ 7% Global Capability Centres (GCCs) ഇന്ത്യയിലാണ്. ഗ്ലോബൽ ചിപ് ഡിസൈൻ വർക്ക് ഫോഴ്സിന്റെ 20% ഇവിടെയാണെന്നും രാജ്യത്തിന് മുൻതൂക്കം നൽകുന്ന ഘടകങ്ങളാണ്. ആധുനിക സമ്പദ് വ്യവസ്ഥകളിൽ പുതിയ ‘പവർ’ ആയി സെമി കൺഡക്ടർ മാറിയിരിക്കുന്നതായി നീതി ആയോഗ് പറയുന്നു. നിർമിത ബുദ്ധി, ടെലി കമ്മ്യൂണിക്കേഷൻസ്, ഇലക്ട്രിക് മൊബിലിറ്റി, ഡിഫൻസ് സിസ്റ്റംസ്, ഹെൽത്ത് കെയർ ടെക്നോളജീസ്, ഡിജിറ്റൽ പബ്ലിക് ഇൻഫ്രാസ്ട്രക്ചർ എന്നീ മേഖലകളിൽ സെമി കൺഡ്കടറുകൾക്ക് തന്ത്രപ്രധാനമായ സ്ഥാനമാണുള്ളത്. ഇന്നത്തെ ലോകത്ത് ടെക് അധിഷ്ഠിത പുരോഗതിയിൽ സെമി കൺഡക്ടറുകൾ കേവലം സ്ട്രാറ്റജിക് ആയ ആസ്തി മാത്രമല്ല. മറിച്ച് ഒരു രാജ്യത്തിന്റെ സമ്പദ് വ്യവസ്ഥയുടെ കരുത്ത്, രാജ്യ സുരക്ഷ എന്നിവയുമായി ബന്ധപ്പെട്ട് ഗൗരവതരമായ സ്ഥാനമാണുള്ളത്. 2047 വർഷത്തോടെ ഒരു വികസിത രാജ്യമായി മാറുക എൻ്ന ഇന്ത്യയുടെ സ്വപ്നങ്ങൾക്ക് നിറം പകരുന്നതിലും സെമി കൺഡക്ടറുകളാണ് പ്രഥമ സ്ഥാനത്തുള്ളത്.


Read News