NEWS

അങ്കമാലി സ്കൂൾ സൺഷെയ്ഡ് തകർച്ച: രണ്ടുപേർക്കെതിരെ കേസ്

കൊച്ചി ∙ അങ്കമാലി പാറക്കടവ് മള്ളൂർശേരി ഗവൺമെന്റ് എൽ.പി സ്‌കൂളിൽ സൺഷെയ്ഡിന്റെ ഗ്ലാസ് പാളികൾ തകർന്നു വീണു. രാവിലെ ഒൻപതരയോടെ സ്‌കൂൾ അസംബ്ലി ആരംഭിക്കുന്നതിന് നിമിഷങ്ങൾക്ക് മുൻപാണ് അപകടം നടന്നത്. കെട്ടിടത്തിന്റെ ഒന്നാം നിലയിൽ സ്ഥാപിച്ചിരുന്ന ചില്ല് മേൽക്കൂര പൂർണമായും തകർന്ന് താഴേക്ക് പതിക്കുകയായിരുന്നു. കൃത്യം പത്തു മണിക്ക് അസംബ്ലി നടക്കേണ്ടിയിരുന്ന സ്ഥലത്തിന് തൊട്ടു മുകളിലായിരുന്നു ഈ ഗ്ലാസ് റൂഫിങ് ഉണ്ടായിരുന്നത്. മഴവെള്ളം വരാന്തയിലേക്ക് ഒലിച്ചിറങ്ങുന്നത് തടയാനായി നിർമിച്ചതായിരുന്നു ഈ സംവിധാനം. കുട്ടികൾ അസംബ്ലിക്കായി പുറത്തിറങ്ങുന്നതിന് തൊട്ടുമുൻപ് ഈ സംഭവം നടന്നതിനാൽ വലിയൊരു അപകടം അത്ഭുതകരമായി ഒഴിവായി.

എംപി ഫണ്ട് വിനിയോഗിച്ച് ഒന്നര മാസം മുൻപ് മാത്രമാണ് അലുമിനിയം ഫ്രെയിമും ഗ്ലാസും ഉപയോഗിച്ച് സ്‌കൂളിന്റെ മുൻവശത്തെ വരാന്തയിൽ ഈ സൺഷെയ്ഡ് നിർമിച്ചത്. നിർമാണത്തിൽ പോരായ്മകളുണ്ടെന്ന പരാതികൾ നേരത്തെ തന്നെ ഉയർന്നിരുന്നു. സ്‌കൂൾ അധികൃതർ വിവരമറിയിച്ചതിനെ തുടർന്ന് പഞ്ചായത്ത് ആറാം വാർഡ് മെമ്പർ മേരി റാഫേൽ സ്ഥലത്തെത്തി പരിശോധന നടത്തുന്നതിനിടെയാണ് സൺഷെയ്ഡ് അടർന്നു വീണത്. തലയ്ക്ക് പരുക്കേറ്റ മെമ്പറെ ഉടൻ തന്നെ ആശുപത്രിയിലേക്ക് മാറ്റി. അസംബ്ലി തുടങ്ങാതിരുന്നതിനാൽ കുറച്ചു കുട്ടികൾ മാത്രമാണ് ആ സമയത്ത് അവിടെ ഉണ്ടായിരുന്നത്. ചിതറിത്തെറിച്ച ചില്ലുകഷ്ണങ്ങൾ തട്ടി അഞ്ച് വിദ്യാർഥികൾക്ക് നിസാര പരുക്കേറ്റു. ഇവർക്ക് സ്‌കൂളിൽ തന്നെ പ്രാഥമിക ചികിത്സ നൽകി.

Fashion ⏭️

Back to top button