NEWS

ജടായു എർത്ത് സെന്ററിൽ സഞ്ചാരികളുടെ തിരക്ക്: ടൂറിസം മേഖലയിൽ ഉണർവ്

കൊല്ലം ജില്ലയിലെ ചടയമംഗലത്തുള്ള ജടായു എർത്ത് സെന്ററിലേക്ക് വിനോദസഞ്ചാരികളുടെ വലിയ തിരക്കാണ് അനുഭവപ്പെടുന്നത്. രാമായണം ആസ്പദമാക്കിയുള്ള ബോളിവുഡ് ചിത്രം തിയറ്ററുകളിൽ വൻ വിജയം കൈവരിക്കുന്നതിനിടയിലാണ് ഇത്തരമൊരു കാഴ്ച. സാധാരണ ദിവസങ്ങളിൽ ഏകദേശം 2,500 പേർ എത്തിയിരുന്ന ഈ വിനോദസഞ്ചാര കേന്ദ്രത്തിൽ, അടുത്തിടെ സന്ദർശകരുടെ എണ്ണം 7,000 എന്ന റെക്കോർഡ് നിലവാരത്തിലെത്തിയിരുന്നു.

പ്രശസ്ത ശിൽപിയും ചലച്ചിത്ര സംവിധായകനുമായ രാജീവ് അഞ്ചലിന്റെ മേൽനോട്ടത്തിൽ 2018-ലാണ് ഈ വിസ്മയ ശിൽപം സജ്ജമായത്. ലോകത്തിലെ തന്നെ ഏറ്റവും വലിയ പക്ഷി ശിൽപമെന്ന ഖ്യാതിയുള്ള ജടായുവിനെ ഒരുനോക്ക് കാണാൻ എത്തുന്നവരാണ് ഏറെയും. സുരക്ഷാ ക്രമീകരണങ്ങളുടെ ഭാഗമായി നിലവിൽ ഒരു ദിവസം 7,000 മുതൽ 10,000 വരെ ആളുകളെ മാത്രമാണ് ഇവിടേക്ക് പ്രവേശിപ്പിക്കുന്നത്. റോപ്‌വേ സൗകര്യം ഉപയോഗിച്ച് പാറമുകളിലേക്ക് എത്താൻ 640 രൂപയും, നടന്നുകയറാൻ ആഗ്രഹിക്കുന്നവർക്കായി 350 രൂപയുമാണ് നിലവിലെ പ്രവേശന നിരക്ക്.

Fashion ⏭️

Back to top button