NEWS
ക്യാൻസർ മരുന്ന് : നവംബർ 9 മുതൽ വില കുറയും
ന്യൂഡൽഹി: നവംബർ ഒൻപതു മുതൽ 137ക്യാൻസർ മരുന്നുകളുടെ വില കുറയും. ഇവയുടെ വ്യാപാര മാർജിൻ പരമാവധി 30 ശതമാനമായി കേന്ദ്ര സർക്കാർ നിശ്ചയിച്ചിരുന്നു. ഇതുസംബന്ധിച്ച ഉത്തരവിറങ്ങി. ചില മരുന്നുകളുടെ വില 70% വരെ കുറഞ്ഞേക്കും. വിലനിയന്ത്രണ പട്ടികയിൽ ഉൾപ്പെടാത്ത ക്യാൻസർ മരുന്നുകൾക്കാണ് ബാധകം. പേറ്റന്റുള്ളതും ഇല്ലാത്തതുമായ മരുന്നുകൾ, ഇറക്കുമതി ചെയ്യുന്നവയും രാജ്യത്ത് നിർമ്മിക്കുന്നവയുമായ ബ്രാൻഡഡ്, ജനറിക് മരുന്നുകൾ എന്നിവയടക്കം പട്ടികയിലുണ്ട്.
ഇതിലൂടെ രോഗികൾക്ക് വർഷം ഏകദേശം 2,500 കോടിയുടെ സാമ്പത്തിക നേട്ടമുണ്ടാകുമെന്നാണ് വിലയിരുത്തൽ.
