BUSINESS
വൈദ്യുതി ബില്ലും കുറയും, പവര്‍കട്ടും ഒഴിവാകും; കേന്ദ്രത്തിന്റെ 1.86 ലക്ഷം കോടിയുടെ പിഎം ധാര പദ്ധതി കേരളത്തിന് ലോട്ടറി
Renewable Energy India : രാജ്യത്തെ ഊര്‍ജ്ജ മേഖലയില്‍ വിപ്ലവകരമായ മാറ്റങ്ങള്‍ ലക്ഷ്യമിട്ട് 1.86 ലക്ഷം കോടി രൂപയുടെ ‘പിഎം ധാര’ (PM-DHARA) പദ്ധതി പ്രഖ്യാപിച്ച് കേന്ദ്ര സര്‍ക്കാര്‍. കേരളത്തിലെ നിരന്തരമുള്ള പവര്‍കട്ടുകള്‍ക്കും, വര്‍ധിച്ചു വരുന്ന വൈദ്യുതി ബില്ലിനും ഭാവിയില്‍ പരിഹാരമാകാന്‍ ഈ മെഗാ പുനഃരുപയോഗ ഊര്‍ജ്ജ പദ്ധതിക്ക് കഴിയും. കേരളത്തിനും, കെഎസ്ഇബിക്കും (KSEB) ഈ പദ്ധതി ഒരുപോലെ നേട്ടമാകുമെന്നാണ് വിലയിരുത്തല്‍. പിഎം സോളാറിന് ശേഷം കേന്ദ്രം പ്രഖ്യാപിക്കുന്ന ഏറ്റവും വലിയ ഹരിത ഊര്‍ജ്ജ പദ്ധതിയാണിത്.പിഎം ധാരാ സ്‌കീം (PM-DHARA Scheme)’പ്രധാനമന്ത്രി ഡെവലപ്പിംഗ് ഹാര്‍മൊണൈസ്ഡ് ആന്‍ഡ് ആക്‌സിലറേറ്റഡ് റിന്യൂവബിള്‍ എനര്‍ജി ആക്‌സസ്’ (PM-Developing Harmonized and Accelerated Renewable-energy Access) എന്നതാണ് ഇതിന്റെ പൂര്‍ണ്ണരൂപം. രാജ്യത്തെ പുനഃരുപയോഗ ഊര്‍ജ്ജ (Renewable energy) വിതരണം സുഗമമാക്കുന്നതിനായി സംസ്ഥാനങ്ങള്‍ക്കുള്ളിലെ ട്രാന്‍സ്മിഷന്‍ നെറ്റ്വര്‍ക്കുകള്‍ (InSTS) വികസിപ്പിക്കാനും, വലിയ ബാറ്ററി എനര്‍ജി സ്റ്റോറേജ് സിസ്റ്റങ്ങള്‍ (BESS) സ്ഥാപിക്കാനുമുള്ള ബൃഹത്തായ പദ്ധതിയാണിത്.പദ്ധതിയുടെ ലക്ഷ്യം135 ഗിഗാവാട്ട് പുനഃരുപയോഗ ഊര്‍ജ്ജം കാര്യക്ഷമമായി വിതരണം ചെയ്യാനാണ് പദ്ധതി ലക്ഷ്യമിടുന്നത്. 2030 ഓടെ രാജ്യത്ത് 500 ഗിഗാവാട്ട് പുനഃരുപയോഗ ഊര്‍ജ്ജ ശേഷി കൈവരിക്കുക എന്ന ഇടക്കാല ലക്ഷ്യവും, 2035 ഓടെ ഫോസില്‍ ഇതര ഊര്‍ജ്ജ ശേഷി (കല്‍ക്കരി, പെട്രോളിയം തുടങ്ങിയവ ഒഴികെയുള്ളവ) 900 ഗിഗാവാട്ട് ആയി ഉയര്‍ത്തുകയെന്ന ദീര്‍ഘകാല ലക്ഷ്യവുമുണ്ട്. രാജ്യത്തിന്റെ ദീര്‍ഘകാല ഊര്‍ജ്ജ സുരക്ഷ ഉറപ്പാക്കുകയും, സുസ്ഥിരവും പരിസ്ഥിതി സൗഹൃദവുമായ വികസനം സാധ്യമാക്കുകയും ചെയ്യുന്നതിനാണ് പദ്ധതി.പദ്ധതിയുടെ ബജറ്റ്പദ്ധതിയുടെ ആകെ അടങ്കല്‍ തുക 1,86,405 കോടി രൂപയാണ്. ഇതില്‍ 1,36,378 കോടി രൂപ സംസ്ഥാനങ്ങള്‍ക്കുള്ളിലെ വൈദ്യുത പ്രസരണ ശൃംഖല (Intra-State Transmission System) വികസിപ്പിക്കുന്നതിനായി മാറ്റിവെക്കും. 50,000 കോടി രൂപ ബാറ്ററി എനര്‍ജി സ്റ്റോറേജ് സിസ്റ്റം (BESS) സ്ഥാപിക്കുന്നതിനായി ഉപയോഗിക്കും. പദ്ധതിക്കായി 54,082 കോടി രൂപ കേന്ദ്ര സര്‍ക്കാര്‍ സാമ്പത്തിക സഹായമായി സംസ്ഥാനങ്ങള്‍ക്ക് നല്‍കും.പ്രധാന ഹൈലൈറ്റുകള്‍2032- 33 സാമ്പത്തിക വര്‍ഷത്തോടെ പദ്ധതി പൂര്‍ത്തിയാക്കാനാണ് ലക്ഷ്യമിടുന്നത്. വൈദ്യുത ഗ്രിഡുകളുടെ പ്രവര്‍ത്തനക്ഷമത വര്‍ദ്ധിപ്പിക്കുന്നതിനായി 50 GWh (ഗിഗാവാട്ട്-അവര്‍) ശേഷിയുള്ള ബാറ്ററി ഊര്‍ജ്ജ സംഭരണ സംവിധാനങ്ങള്‍ ഈ പദ്ധതിയുടെ ഭാഗമായി സജ്ജമാക്കും. സംസ്ഥാനങ്ങളുടെ ട്രാന്‍സ്മിഷന്‍ യൂട്ടിലിറ്റികളാണ് (STUs) അതത് സംസ്ഥാനങ്ങളില്‍ പദ്ധതി നടപ്പിലാക്കുക. അടിസ്ഥാന സൗകര്യ വികസനത്തില്‍ സ്വകാര്യ പങ്കാളിത്തവും (TBCB വഴി BOOM മോഡലില്‍) ഉറപ്പാക്കുന്നു.പ്രധാന നേട്ടങ്ങള്‍പ്രസ്തുത പദ്ധതി മികച്ച രീതിയില്‍ പ്രവര്‍ത്തിച്ചാല്‍ വൈദ്യുതി നിരക്ക് കുറയാന്‍ സാധ്യതയുണ്ടെന്ന് വിദഗ്ധര്‍ പറയുന്നു. അടിസ്ഥാന സൗകര്യങ്ങള്‍ക്കായി കേന്ദ്ര സാമ്പത്തിക സഹായം ലഭിക്കുന്നതിനാല്‍ സംസ്ഥാനങ്ങളുടെ ട്രാന്‍സ്മിഷന്‍ ചെലവ് ഗണ്യമായി കുറയും. ഇത് സാധാരണക്കാരായ ഉപഭോക്താക്കള്‍ക്ക് കുറഞ്ഞ നിരക്കില്‍ വൈദ്യുതി ലഭിക്കാന്‍ സഹായകമാകും.വൈദ്യുതി, നിര്‍മ്മാണം തുടങ്ങിയ മേഖലകളില്‍ നേരിട്ടും, അല്ലാതെയും ധാരാളം തൊഴിലവസരങ്ങള്‍ സൃഷ്ടിക്കപ്പെടും. ഗ്രിഡ് മാനേജ്‌മെന്റിലും ബാറ്ററികളുടെ നിര്‍മ്മാണത്തിലും സാങ്കേതിക വിദഗ്ദ്ധര്‍ക്ക് കൂടുതല്‍ ജോലി ലഭിക്കും. ഹരിത ഊര്‍ജ്ജത്തിന്റെ ഉപയോഗം വര്‍ദ്ധിക്കുന്നതോടെ കാര്‍ബണ്‍ പുറന്തള്ളല്‍ കുറയുകയും, പരിസ്ഥിതി മലിനീകരണം കുറയ്ക്കാന്‍ സാധിക്കുകയും ചെയ്യും.കേരളത്തിന് നേട്ടമാകുന്നത് എങ്ങനെകേരളത്തിന്റെ വൈദ്യുതി ദൗര്‍ലഭ്യത്തിന് പരിഹാരം കൂടിയാകും ഈ പദ്ധതി. കേരളം നിലവില്‍ പ്രധാനമായും ജലവൈദ്യുത പദ്ധതികളെയാണ് ആശ്രയിക്കുന്നത്. സൗരോര്‍ജ്ജം, കാറ്റില്‍ നിന്നുള്ള ഊര്‍ജ്ജം തുടങ്ങിയ ബദല്‍ മാര്‍ഗങ്ങളിലൂടെ ലഭിക്കുന്ന വൈദ്യുതി കാര്യക്ഷമമായി ഉപയോഗിക്കാന്‍ ഈ പദ്ധതി കേരളത്തെ സഹായിക്കും.കേരളത്തിനുള്ളിലെ പഴയ ട്രാന്‍സ്മിഷന്‍ ലൈനുകള്‍ നവീകരിക്കാനും, പുനഃരുപയോഗ ഊര്‍ജ്ജം തടസങ്ങളില്ലാതെ കെ.എസ്.ഇ.ബി (KSEB) ഗ്രിഡിലേക്ക് സംയോജിപ്പിക്കാനും പദ്ധതി വഴിയൊരുക്കും. ബാറ്ററി സ്റ്റോറേജ് സംവിധാനങ്ങള്‍ വരുന്നതോടെ, വൈദ്യുതി കൂടുതലായി ഉല്‍പ്പാദിപ്പിക്കുന്ന സമയത്ത് അത് സംഭരിച്ചുവെക്കാനും, വേനല്‍ക്കാലത്തും വൈദ്യുതി ഉപഭോഗം കൂടുന്ന രാത്രി സമയങ്ങളിലും അത് ഉപയോഗിക്കാനും കേരളത്തിന് കഴിയും. കേരളം ഏറ്റെടുത്ത കേന്ദ്രത്തിന്റെ മേല്‍ക്കൂര സോളാര്‍ പദ്ധതിയും കൂടുതല്‍ ശക്തമാകും.ശ്രദ്ധിക്കേണ്ട കാര്യങ്ങള്‍പദ്ധതി വിജയകരമാകണമെങ്കില്‍ സംസ്ഥാന സര്‍ക്കാരുകളും, കേന്ദ്ര സര്‍ക്കാരും തമ്മിലുള്ള കൃത്യമായ ഏകോപനം അത്യന്താപേക്ഷിതമാണ്. ഫണ്ട് കൃത്യമായി ഉപയോഗിക്കുന്നുണ്ടെന്ന് ഉറപ്പുവരുത്തണം. ട്രാന്‍സ്മിഷന്‍ ലൈനുകള്‍ വലിക്കുന്നതിനും മറ്റും ആവശ്യമായ ഭൂമിയേറ്റെടുക്കല്‍, പാരിസ്ഥിതിക അനുമതികള്‍ തുടങ്ങിയ വെല്ലുവിളികള്‍ സമയബന്ധിതമായി പരിഹരിക്കേണ്ടതുണ്ട്. കൂറ്റന്‍ ബാറ്ററി സ്റ്റോറേജ് സിസ്റ്റം പോലുള്ള സാങ്കേതികവിദ്യകള്‍ നടപ്പിലാക്കുന്നതിന് വലിയ പ്രാരംഭ ചെലവുകളും, പരിപാലന ചെലവുകളും ആവശ്യമാണ്. ഇത് സര്‍ക്കാരുകള്‍ കൃത്യമായി കൈകാര്യം ചെയ്യേണ്ടതുണ്ട്.(മുകളില്‍ പറഞ്ഞ വിവരങ്ങള്‍ നിലവില്‍ ലഭ്യമായ റിപ്പോര്‍ട്ടുകള്‍ അടിസ്ഥാനമാക്കിയാണ്. കൂടുതല്‍ വ്യക്തത വരുത്താവുന്നതാണ്.)
Read News
