‘ശിവസേന ഒന്നേയുള്ളൂ, അധികാരത്തിനും പണത്തിനും വേണ്ടി കൂറുമാറിയവർ ജനങ്ങളെ വഞ്ചിച്ചു’

മുംബൈ ∙ പാർട്ടിയിലെ കൂറുമാറ്റങ്ങളിൽ കടുത്ത പ്രതികരണവുമായി ശിവസേന (ഉദ്ധവ് താക്കറെ വിഭാഗം) അധ്യക്ഷൻ ഉദ്ധവ് താക്കറെ. മറാത്തി ജനതയുടെ അവകാശങ്ങൾ സംരക്ഷിക്കുന്നതിനായി പടുത്തുയർത്തിയ ശിവസേന ഒന്നുമാത്രമേ ഉണ്ടാകൂ എന്ന് അദ്ദേഹം വ്യക്തമാക്കി. പാർട്ടിയിൽ നിന്നുള്ള ജനപ്രതിനിധികളുടെ പെട്ടെന്നുള്ള കൂറുമാറ്റം ശിവസേനയ്ക്ക് വലിയ തിരിച്ചടിയായ പശ്ചാത്തലത്തിലാണ് ഉദ്ധവ് താക്കറെയുടെ പ്രതികരണം. ‘‘മറാത്തി ജനതയുടെ അവകാശ സംരക്ഷണാർഥമാണ് ശിവസേനയുടെ രാഷ്ട്രീയ പാരമ്പര്യം കെട്ടിപ്പടുത്തിട്ടുള്ളത്. അതുകൊണ്ടുതന്നെ ശിവസേന ഒന്നേയുള്ളൂ. 2024 ൽ പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള സഖ്യത്തിനെതിരെ പൊരുതിയിട്ടും ജനപിന്തുണയോടെ ഞങ്ങൾ വിജയം നേടി. എന്നാൽ ഇപ്പോൾ അധികാരത്തിനും പണത്തിനും വേണ്ടി കൂറുമാറിയ ഈ എംപിമാർ പാർട്ടിയെയും ജനങ്ങളെയുമാണ് വഞ്ചിച്ചിരിക്കുന്നത്’’– ഉദ്ധവ് താക്കറെ പറഞ്ഞു.


Source link