ഇനി മുഖ്യമന്ത്രി ചര്ച്ചകളിലേക്ക്; ഒരാഴ്ചയ്ക്കുള്ളില് പ്രഖ്യാപനം, മന്ത്രിമാരെയും നിശ്ചയിക്കണം
തിരുവനന്തപുരം: നിയമസഭാ തിരഞ്ഞെടുപ്പില് മിന്നും വിജയം നേടിയതോടെ മുഖ്യമന്ത്രി ചര്ച്ചകളിലേക്ക് കടക്കാന് കോണ്ഗ്രസ്. ഒരാഴ്ചയ്ക്കുള്ളില് ഔദ്യോഗിക പ്രഖ്യാപനം നടത്താനാണ് ലക്ഷ്യമിടുന്നത്. വിജയിച്ച് വന്ന എംഎല്എമാരായിരിക്കും പാര്ലമെന്ററി പാര്ട്ടി നേതാവിനെ നിര്ദേശിക്കുക. ഇതിന് ശേഷം ഘടകകക്ഷികളുടെ കൂടി അഭിപ്രായം കേട്ടായിരിക്കും അന്തിമ പ്രഖ്യാപനം. പ്രതിപക്ഷ നേതാവ് വി.ഡി സതീശന്, മുതിര്ന്ന നേതാവ് രമേശ് ചെന്നിത്തല, എഐസിസി ജനറല് സെക്രട്ടറി കെ.സി വേണുഗോപാല് എന്നിവരുടെ പേരുകളാണ് ചര്ച്ചയിലുള്ളത്. തുടര്ച്ചയായി രണ്ടാം തവണയും പ്രതിപക്ഷത്ത് ഇരിക്കേണ്ടി വന്ന പാര്ട്ടിയേയും മുന്നണിയേയും മുന്നില് നിന്ന് നയിച്ച് ഗംഭീര തിരിച്ചുവരവിന് നേതൃത്വം നല്കിയ വി.ഡി സതീശനെ മുഖ്യമന്ത്രിയാക്കണമെന്നാണ് അണികള്ക്കിടയിലുള്ള വികാരം. എന്നാല് മുതിര്ന്ന നേതാവ് രമേശ് ചെന്നിത്തലയെ പരിഗണിക്കണമെന്ന അഭിപ്രായവും ശക്തമാണ്. എംഎല്എമാരില് ഭൂരിഭാഗവും കെസി വേണുഗോപാല് പക്ഷത്തുള്ളവരാണെന്നത് അദ്ദേഹത്തിന്റെ സാദ്ധ്യത വര്ദ്ധിപ്പിക്കുന്നു.
Source link
