നാൽപത് വർഷങ്ങൾക്കുശേഷം ആ നടിയെ കണ്ട് ആശ്ചര്യപ്പെട്ട് മോഹൻലാൽ; സന്തോഷം പങ്കുവച്ച് ആശ ജയറാം

മലയാള സിനിമയിലെ എക്കാലത്തെയും മനോഹരമായ കാവ്യാനുഭവം ‘ഒന്നു മുതൽ പൂജ്യം വരെ’ റിലീസ് ചെയ്ത് 40 വർഷങ്ങൾ പിന്നിടുമ്പോൾ, ആ ചിത്രത്തിലെ നായികാാനായകന്മാർ വീണ്ടും ഒന്നിച്ചതിന്റെ ആവേശത്തിലാണ് സിനിമാലോകം. അമേരിക്കയിൽ നടന്ന ഒരു ചടങ്ങിലാണ് സൂപ്പർ താരം മോഹൻലാലും നടി ആശ ജയറാമും നാല് പതിറ്റാണ്ടിന് ശേഷം വേദി പങ്കിട്ടത്. ആരാധകർക്കെന്ന പോലെ താരങ്ങൾക്കും ഇതൊരു അവിസ്മരണീയ നിമിഷമായി മാറി.വേദിയിലേക്ക് മോഹൻലാൽ എത്തിയതോടെ ആരാധകർ ആവേശത്തിന്റെ കൊടുമുടിയിലായി. ‘മുണ്ടുമടക്കി ലാലേട്ടൻ, മീശപിരിച്ച് ലാലേട്ടൻ…’ എന്ന ഗാനം സദസ്സ് ഒന്നടങ്കം ഏറ്റുപാടിയതോടെ ചടങ്ങ് അക്ഷരാർത്ഥത്തിൽ ലാൽമയമായി മാറി. തടിച്ചുകൂടിയ മലയാളികളെ സാക്ഷിയാക്കി മോഹൻലാലും തന്റെ ഗൃഹാതുരത്വം പങ്കുവെച്ചു. “നിങ്ങളെ എല്ലാവരെയും കാണുമ്പോൾ എനിക്ക് വല്ലാതെ ഗൃഹാതുരത്വം തോന്നുന്നു,” എന്ന് അദ്ദേഹം പറഞ്ഞു.രഘുനാഥ് പലേരിയുടെ സംവിധാനത്തിൽ പുറത്തിറങ്ങിയ ‘ഒന്നു മുതൽ പൂജ്യം വരെ’ എന്ന ചിത്രം ഇന്നും പ്രേക്ഷക ഹൃദയങ്ങളിൽ ജീവിക്കുന്നത് അതിലെ വൈകാരികമായ കഥാതന്തു കൊണ്ടാണ്. അപരിചിതനായ ഒരാളുമായി ഫോണിലൂടെ സൗഹൃദം സ്ഥാപിക്കുന്ന അമ്മയുടെയും മകളുടെയും കഥ പറഞ്ഞ ചിത്രം മലയാളത്തിലെ പരീക്ഷണ സിനിമകളിൽ ഒന്നായാണ് കണക്കാക്കപ്പെടുന്നത്. നാൽപ്പത് വർഷങ്ങൾക്കിപ്പുറം അമേരിക്കൻ മണ്ണിൽ നടന്ന ഈ പുനഃസ്സമാഗമം മലയാള സിനിമാ പ്രേമികൾക്ക് വലിയൊരു സമ്മാനമായി മാറിയിരിക്കുകയാണ്.


Source link