സെയിൽസ് ഗേളിന്റെ കൈകളിൽ പശ തേച്ച് മാല കവർന്നു; പ്രതിയെ പിടികൂടി നാട്ടുകാർ
ബെംഗളൂരു നഗരത്തിൽ യുവതിയെ ആയുധം കാട്ടി ഭീഷണിപ്പെടുത്തി സ്വർണമാല കവർന്ന ഞെട്ടിക്കുന്ന സംഭവം റിപ്പോർട്ട് ചെയ്യപ്പെട്ടു. ഇന്ദിരാനഗർ പോലീസ് സ്റ്റേഷൻ പരിധിയിൽ ഒക്ടോബർ 31-ന് രാവിലെ 11:45-ഓടെയാണ് ഈ അതിക്രമം നടന്നത്.
തന്നെയാരോ പിന്തുടരുന്നുണ്ടെന്നും കൊലപ്പെടുത്താൻ ശ്രമിക്കുകയാണെന്നും പറഞ്ഞ് സഹായം തേടിയാണ് പ്രഭുരാജ് എന്നയാൾ കടയ്ക്കുള്ളിലേക്ക് പാഞ്ഞുകയറിയത്. പരിഭ്രാന്തനായ ഇയാൾ, ഷോപ്പിലെ സെയിൽസ് ഗേളിനോട് തന്നെ രക്ഷിക്കണമെന്ന് അപേക്ഷിച്ചു. എന്നാൽ, സാഹചര്യം മുതലെടുത്ത പ്രതി, യുവതിയുടെ കഴുത്തിലുണ്ടായിരുന്ന 35 ഗ്രാം തൂക്കം വരുന്ന, ഏകദേശം നാലര ലക്ഷം രൂപ വിലമതിക്കുന്ന സ്വർണമാല അഴിച്ചുനൽകാൻ കത്തി കാട്ടി ഭീഷണിപ്പെടുത്തുകയായിരുന്നു.
മാല കൈക്കലാക്കിയ ശേഷം, ബഹളം കേട്ട് നാട്ടുകാർ ഓടിക്കൂടിയതോടെ രക്ഷപ്പെടാൻ ശ്രമിച്ച പ്രതി, യുവതിയെ കൂടുതൽ ഭീഷണിപ്പെടുത്തി തന്റെ പിടിയിലാക്കി. തുടർന്ന് കടയിലെ മേശപ്പുറത്ത് യുവതിയുടെ രണ്ട് കൈകളും പശ ഉപയോഗിച്ച് ഒട്ടിച്ചു വെച്ച ശേഷം ഇയാൾ കടന്നുകളയുകയായിരുന്നു.
