പൂർണമായും തകർന്നെന്ന് അവകാശവാദം, പിന്നെയും കൂടുതൽ യുദ്ധവിമാനങ്ങൾ അയക്കാൻ ട്രംപ്; തുറമുഖങ്ങൾ തകർക്കുമെന്ന് ഇറാന്റെ മുന്നറിയിപ്പ്! ഇനി ‘പൂർണ തോതിലുള്ള യുദ്ധം’?

പശ്ചിമേഷ്യയിൽ വീണ്ടും യുദ്ധകാഹളം മുഴക്കിക്കൊണ്ട് ഇറാനിലെ ലക്ഷ്യസ്ഥാനങ്ങൾക്ക് നേരെ അമേരിക്കയുടെ കടുത്ത സൈനികാക്രമണം തുടരുന്നു. ഇറാന് നേരെ യുഎസ് സൈന്യം വൻതോതിൽ ബോംബാക്രമണം നടത്തിയതായി യുഎസ് സെൻട്രൽ കമാൻഡ്  ഔദ്യോഗികമായി സ്ഥിരീകരിച്ചു. മേഖലയിൽ പുതുതായി ആരംഭിച്ച ആക്രമണ പരമ്പരയുടെ തുടർച്ചയായ ഏഴാമത്തെ രാത്രിയാണ് യുഎസ് ഇപ്പോൾ ആക്രമണം പൂർത്തിയാക്കിയിരിക്കുന്നത്. ഗൾഫ് മേഖലയിലെ യുഎസിന്റെ സഖ്യകക്ഷികൾക്ക് നേരെ ഇറാൻ തുടർച്ചയായി നടത്തുന്ന ആക്രമണ പരമ്പരയ്ക്കുള്ള ശക്തമായ തിരിച്ചടിയായാണ് ഈ നടപടിയെന്ന് യുഎസ് വ്യക്തമാക്കി.യുഎസ് സൈനിക നീക്കത്തിനെതിരെ അതീവ ഗുരുതരമായ പ്രത്യാഘാതമുണ്ടാകുമെന്ന മുന്നറിയിപ്പുമായി ഇറാൻ രംഗത്തെത്തിയിട്ടുണ്ട്. ഈ വാരാന്ത്യത്തിലും അമേരിക്ക കടുത്ത ബോംബാക്രമണം തുടരുകയാണെങ്കിൽ, വരും ദിവസങ്ങളിൽ യുഎസ് സേന നേരിടേണ്ടി വരിക ഒരു ‘പൂർണ തോതിലുള്ള സൈനിക ആക്രമണം’  ആയിരിക്കുമെന്ന് ഇറാന്റെ ഉന്നത സൈനിക ഉപദേശകൻ പരസ്യമായി മുന്നറിയിപ്പ് നൽകി. ഇറാന്റെ ആയുധ നിർമാണ ശേഷിയുടെ ഏകദേശം 84 ശതമാനവും അമേരിക്കൻ സൈന്യം ഇതിനോടകം തന്നെ നശിപ്പിച്ചു കഴിഞ്ഞുവെന്ന് യുഎസ് പ്രസിഡന്റ് ട്രംപ് പ്രഖ്യാപിച്ചിരുന്നു. എന്നാൽ ഈ തകർച്ചയുടെ കണക്കുകൾ പുറത്തുവരുമ്പോഴും, മേഖലയിൽ ഇറാന് മേൽ കൂടുതൽ ശക്തമായ സൈനിക സമ്മർദ്ദം ചെലുത്താനാണ് ട്രംപ് പദ്ധതിയിടുന്നത് എന്നാണ് പുറത്തുവരുന്ന സൂചനകൾ.


Fashion ⏭️